గామితో శివరాత్రి కానుకగా ప్రేక్షకుల ముందుకు వచ్చాడు టాలీవుడ్ యంగ్ హీరో విశ్వక్ సేన్. మల్టీ టాలెంటెడ్ గా దూసుకెళ్తున్న విశ్వక్ అఘోర శంకర్ పాత్రలో అదరగొట్టాడు. మానవ స్పర్శ తట్టుకోలేని పాత్రలో నటించి మెప్పించాడు..ఈ మూవీ కలెక్షన్స్ చూస్తుంటే విశ్వక్ కెరీర్లో హయ్యెస్ట్ అని చెప్పుకోవాలేమో…
ఫస్ట్ డే కలెక్షన్స్ అదిరాయ్!
విద్యాధర కాగిత దర్శకత్వం వహించిన గామి సినిమాను యూవీ క్రియేషన్స్ వరల్డ్ వైడ్ గా మార్చి 8వ తేదీన రిలీజ్ చేసింది. చాందినీ చౌదరి హీరోయిన్ గా నటించగా.. అభినయ లీడ్ రోల్ పోషించింది. నాలుగేళ్లకుపైగా షూటింగ్ జరుపుకున్న ఈ మూవీ విడుదలకు ముందే మంచి అంచనాలు క్రియేట్ చేసింది. శివరాత్రి కానుకగా రిలీజై ఆ అంచనాలను అందుకుంది. ఇక ఓపెనింగ్స్ విషయానికొస్తే…గామి మూవీ సాలిడ్ ఓపెనింగ్స్ రాబట్టింది. ఈ విషయాన్ని మేకర్స్ అధికారికంగా ప్రకటించారు. తొలి రోజు ప్రపంచవ్యాప్తంగా రూ.9.07 కోట్లు వసూలు చేసినట్లు వెల్లడించారు. ఇక అమెరికాలో 250K డాలర్స్ పైగా కలెక్ట్ చేసి 1 మిలియన్ డాలర్ మార్క్ దిశగా దూసుకుపోతోంది. విశ్వక్ కెరీర్ లో హైయెస్ట్ ఓపెనింగ్స్ సాధించిన చిత్రంగా నిలిచింది గామి.
బడ్జెట్ రూ.24 కోట్లు
వి సెల్యులాయిడ్ సమర్పణలో కార్తీక్ శబరీష్ క్రౌడ్ ఫండింగ్ తో గామి చిత్రాన్ని నిర్మించారు. ఆర్టిస్టులు, టెక్నీషియన్స్ రెమ్యునరేషన్స్, వీఎఫ్ ఎక్స్, ఇతర ఖర్చులతో కలపి ఈ మూవీ బడ్జెట్ రూ.24 కోట్లు అయినట్లు టాక్. ఇక ఈ సినిమా రిలీజ్ కు ముందు బిజినెస్ బాగానే జరిగిందట. గామి సినిమాకు సంబంధించిన నైజాం రైట్స్ రూ.3.5 కోట్లు, సీడెడ్ రూ.1.4 కోట్లు, ఆంధ్రా థియేట్రికల్ రైట్స్ రూ.3.5 కోట్ల మేర బిజినెస్ జరిగిందని ట్రేడ్ వర్గాల సమాచారం. ఓవర్సీస్ తో కలిపి ఓవరాల్ గా ఈ సినిమాకు రూ.11 కోట్ల మేర ప్రీ రిలీజ్ బిజినెస్ జరిగింది.
స్టోరీ ఏంటంటే
శంకర్ (విశ్వక్ సేన్) హరిద్వార్‌లో ఉండే ఓ అఘోరా. ఎవరైనా పొరపాటున తాకితే శంకర్ ఒళ్లంతా నీలం రంగులోకి మారిపోతుంది. సృహ తప్పి పడిపోతాడు. ఈ ఇబ్బందిని గమనించి మిగిలిన అఘోరాలు శంకర్ ను ఆశ్రమం నుంచి వెళ్లగొడతారు. దీంతో తన సమస్యకు పరిష్కారం తెలుసుకునేందుకు కాశీకి వెళ్తాడు. అక్కడ ఓ సాధువు వల్ల శంకర్ సమస్యకు పరిష్కారం తెలుస్తుంది. హిమాలయాల్లో 36 ఏళ్లకు ఓసారి లభించే మాలిపత్రాలే తీసుకుంటే ఇది నయమవుతుంది. దీంతో శంకర్ హిమాలయాలకు ప్రయాణం మొదలుపెడతాడు. జాహ్నవి (చౌందిని చౌదరి) కూడా తోడు వెళ్తుంది. మరి శంకర్ చివరకు మాలి పత్రాల్ని సాధించాడా అన్నదే స్టోరీ…మొత్తానికి గామి మూవీ ఫస్ట్ డే మంచి వసూళ్లు రాబట్టడంతో లాభాలు తెస్తుందని ఫిక్సైపోయారు మేకర్స్. విశ్వక్ సేన్ కు కూడా ఇది సాలిడ్ హిట్ అనే చెప్పాలి.
