ఇండస్ట్రీకి చెందిన ప్రముఖుల బయోపిక్ అంటే ఆ క్రేజే వేరు. అలాంటి బయోపిక్స్ లో నటించేందుకు నటులు కూడా అస్సలు నో చెప్పరు. ఇప్పుడు సౌత్ లో ట్రండింగ్ లో ఉన్న బయోపిక్ అంటే ఇళయరాజాదే అని చెప్పాలి. ధనుష్ నటిస్తోన్న ఈ మూవీలో మరో ఇద్దరు స్టార్ హీరోలు భాగం అయ్యారని టాక్…
ధనుష్ తో పాటూ కమల్, రజనీ…
సంగీత దిగ్గ‌జం ఇళ‌యారాజా జీవిత క‌థ‌ను తెరకెక్కించడానికి సన్నాహాలు జరుగుతున్నాయి. ఇందులో ధనుష్ ..ఇళయరాజా పాత్ర పోషిస్తున్నాడు. ధనుష్ అయితేనే మ్యూజిక్ మ్యాస్ట్రో పాత్ర‌లో ఒదిగిపోతాడ‌ని ఏరికోరి మ‌రి ధనుష్ ని తెర‌పైకి తెచ్చారు. తాజాగా ఈ లెజెండ‌రీ జీవిత క‌థ‌లో విశ్వ‌న‌టుడు కమల్ హాసన్..సూప‌ర్ స్టార్ ర‌జ‌నీకాంత్ కూడా భాగ‌మ‌వుతున్నారని టాక్. రజనీ కాంత్, కమల్ హాసన్ గెస్ట్ రోల్స్ పోషిస్తున్నారని తెలుస్తోంది. వాస్త‌వానికి ఆ రెండు పాత్ర‌ల్లో ఎలాంటి న‌టీన‌టులు న‌టించినా ఇబ్బంది లేక‌పోయినా స్టార్లు అయితే బాగుంటుంద‌ని…ఇళయరాజికి గౌర‌వ‌ప్ర‌దంగా ఉంటుంద‌ని ఈ సీనియర్ల‌ని రంగంలోకి దించుతున్నట్లు తెలుస్తుంది. ఇళ‌య‌రాజాతో రజనీ..కమల్ హాసన్ సాన్నిహిత్యం గురించి చెప్పాల్సిన ప‌నిలేదు. బయోపిక్ లో న‌టించండ‌ని ఆ ఇద్ద‌ర్నీ ఎవ‌రూ అడ‌గాల్సిన ప‌నిలేదు. ఎందుకంటే ముగ్గురి మ‌ధ్య అంత సాన్నిహిత్యం ఉంది. దీంతో ఇళయరాజా బయోపిక్ పై ప్రేక్షకుల్లో మరింత ఆసక్తి పెరిగింది.
ఇంతకీ దర్శకుడు ఎవరు?
నటీనటుల సంగతి సరే..ఇంతకీ ఈ సినిమాకు దర్శకుడు ఎవరన్నది మాత్రం ఇప్పటివరకూ కన్ఫామ్ కాలేదు. బాలీవుడ్ దర్శకుడు బాల్కీ పేరు వినిపింది. అలాగే మారి సెల్వ‌రాజ్ కూడా తెర‌పైకి వ‌చ్చాడు. కానీ ఇద్ద‌రిలో ఎవరు అన్న‌ది ఇంకా క‌న్ప‌మ్ కాలేదు.
భార‌తీయ సినిమాకు మాస్ట్రో ఇళయరాజా చేసిన సేవ‌లు అస‌మానం. ఐదు దశాబ్దాల విశిష్టమైన కెరీర్లో 1000 కంటే ఎక్కువ చిత్రాలకు 7000కు పైగా క‌దిలించే స్వరకల్పనలు చేసిన గొప్ప సంగీత దర్శకుడు ఆయ‌న. అంతేకాకుండా ప్రపంచవ్యాప్తంగా 20,000 పైగా కచేరీలలో ప్రేక్షకులను అలరించిన ఘ‌న‌త ఆయ‌న సొంతం. ఇళ‌య‌రాజాకు 2010లో పద్మభూషణ్ .. 2018లో పద్మవిభూషణ్ సహా భారతదేశంలో అత్యున్నత పౌర గౌరవాలు కూడా లభించాయి.
