ఆర్జేగా చేస్తూ హీరోలుగా టర్న్ అయి సక్సెస్ ఫుల్ గా కెరీర్లో దూసుకుపోతున్న హీరోలున్నారు. నేచురల్ స్టార్ నాని ఆర్జేగా చేస్తూ హీరోగా మారి ప్రస్తుతం తనకంటూ ప్రత్యేకమైన ఇమేజ్ క్రియేట్ చేసుకున్నాడు. తమిళంలో శివకార్తికేయన్ కూడా ఆర్జే నుంచి టెలివిజన్ యాంకర్ గా మారి నటుడిగా మారి సక్సెస్ ఫుల్ హీరోగా దూసుకుపోతున్నాడు. ఇప్పుడీబాటలోనే ఉన్నాడు యాంకర్ ప్రదీప్..
గేమ్ షోలు, డాన్స్ షోలు, ఈవెంట్స్ చేస్తూ ఫుల్ బిజీగా స్టార్ యాంకర్ అనిపించుకున్నాడు ప్రదీప్. ఆర్జేగా కెరియర్ స్టార్ట్ చేసిన ప్రదీప్ సినిమాలలో చిన్న చిన్న క్యారెక్టర్స్ చేస్తూ నటుడిగా మారాడు. యాంకర్ గా బుల్లితెరపై సక్సెస్ అయ్యాడు. నటుడిగా అప్పుడప్పుడు సిల్వర్ స్క్రీన్ పై మెరుస్తూ ఉన్న ప్రదీప్ కి హీరోగా బ్రేక్ ఇచ్చింది మాత్రం 30 రోజుల్లో ప్రేమించడం ఎలా అనే మూవీ. లవ్ స్టోరీ బ్యాక్ డ్రాప్ లో వచ్చిన ఈ మూవీతో సక్సెస్ అందుకున్నా కానీ యాంకర్ గానే కొనసాగుతున్నాడు ప్రదీప్. దాదాపు మూడేళ్ల తర్వాత ఇప్పుడు కొత్త ప్రాజెక్ట్ స్టార్ట్ చేయబోతున్నాడని టాక్.
షూటింగ్ కూడా జరిగిపోతోందా!
సినిమా స్టార్ట్ అవుతుంది అనుకోవడం ఏంటి…ఇప్పటికే షూటింగ్ కూడా జరిగిపోతోందట. త్వరలోనే ఫస్ట్ లుక్ పోస్టర్ తో సినిమా గురించి రివీల్ చేసే ఛాన్స్ ఉంది. పైగా సమ్మర్ కానుకగా థియేటర్లలో సందడి చేయనుందని కూడా అంటున్నారు. రిలీజ్ డేట్ ఎప్పుడనేది కూడా త్వరలో కన్ఫర్మ్ చేసే అవకాశం ఉందని టాక్. ప్రస్తుతం మూవీ పోస్ట్ ప్రొడక్షన్ దశలో ఉందని సమాచారం.
ప్రదీప్ కెరీర్లో కీలక మలుపు ఇదేనా!
స్మాల్ స్క్రీన్ పై గతంలో కనిపించినంత హైలెట్ గా ఇప్పుడు ప్రదీప్ ఉండడం లేదు. రొటీన్ షోలు ఎక్కువ కావడంతో రేటింగ్స్ రావడం లేదు. ఇక కొత్తగా ట్రై చేయకపోతే పూర్తిగా ఫేడవుట్ అయిపోవడం ఖాయం. అందుకే మరో సినిమాతో పలకరించి హిట్టందుకోవాలనే ప్రయత్నంలో ఉన్నాడట ప్రదీప్. ఈ మూవీ సక్సెస్ అయితే మరిన్న అవకాశాలు క్యూ కట్టే ఛాన్స్ ఉంది. మరి ప్రదీప్ ఆశ నెరవేరుతుందా? వెయిట్ అండ్ సీ…
