రాఘవ లారెన్స్‌, కంగనా రనౌత్‌ ప్రధాన పాత్రల్లో నటించిన ‘చంద్రముఖి 2’ విడుదల వాయిదా పడింది. సెప్టెంబరు 28న ఈ సినిమాని రిలీజ్ చేయనున్నట్లు చిత్ర బృందం తాజాగా ప్రకటించింది. ‘సలార్’ వాయిదా పడిన నేపథ్యంలో సెప్టెంబరు 28న రిలీజ్ కానున్న ఇతర సినిమాలేవంటే?
ప్రభాస్‌ -ప్రశాంత్ నీల్ మూవీ ‘సలార్ సెప్టెంబరు 28న విడుదలకావాల్సింది. డేట్ ఫిక్స్ చేశారు కానీ ఆ రోడున విడుదలయ్యే అవకాశం కనిపించడం లేదు. ఇక సలార్ సినిమా వాయిదా పడడంతో ఆ డేట్ ని లాక్ చేసేసుకున్నాయి కొన్ని సినిమాలు. ఆ సినిమాలేంటో చూద్దాం…
రూల్స్ రంజన్ వెనక్కెళ్లింది
కిరణ్‌ అబ్బవరం, నేహాశెట్టి జంటగా దర్శకుడు రత్నం కృష్ణ తెరకెక్కించిన మూవీ ‘రూల్స్ రంజన్’ (Rules Ranjan). లవ్ , కామెడీ బ్యాక్ డ్రాప్ లో తెరకెక్కిన ఈ మూవీని సెప్టెంబరు సెకెండ్ వీక్ లో విడుదల చేయాలని ప్లాన్ చేశారు. కానీ సలార్ మూవీ వాయిదా పడిందన్న సమాచారంతో రెండో వారం నుంచి ఆఖరి వారానికి రిలీజ్ డేట్ పోస్ట్ పోన్ చేశారు. అంటే రూల్స్ రంజన్ సెప్టెంబరు 28న విడుదలవుతుందన్న మాట.
స్కంద
రామ్‌ పోతినేని-శ్రీలల హీరోహీరోయిన్లుగా బోయపాటి శ్రీను దర్శకత్వంలో రూపొందిన మూవీ ‘స్కంద’ (Skanda). ఈ సినిమాని సెప్టెంబరు 15న విడుదల చేస్తున్నట్లు ముందుగా ప్రకటించారు. తర్వాత, ‘సలార్’ వాయిదా పడడంతో ఈ డేట్ ని సెప్టెంబరు 28కి మార్చారు.
చంద్రముఖి
సలార్ వాయిదాతో ‘చంద్రముఖి 2’ (Chandramukhi 2)ని ఈ నెల 15న రిలీజ్ చేస్తున్నట్లు ప్రకటించిన లైకా ప్రొడక్షన్స్‌.. తాజాగా డేట్‌ని మార్చింది. కొత్త విడుదల తేదీగా సెప్టెంబరు 28ని ఫిక్స్ చేసింది. పోస్ట్ ప్రొడక్షన్స్‌ వర్క్‌ ఆలస్యమవడం వల్ల సినిమాని వాయిదాని వేసినట్లు ఆ సంస్థ తెలిపింది. రాఘవ లారెన్స్‌ , కంగనా రనౌత్‌ ప్రధాన పాత్రలు పోషించిన ఈ సినిమాకి పి. వాసు దర్శకుడు.
‘మ్యాడ్‌’ కూడా అప్పుడే
నార్నే నితిన్‌, సంగీత్‌ శోభన్‌, రామ్‌ నితిన్‌ ప్రధాన పాత్రల్లో కల్యాణ్‌ శంకర్‌ తెరకెక్కించిన సినిమా ‘మ్యాడ్‌’ (MAD). ఈ మూవీ విడుదల తేదీని సెప్టెంబరు 28న- ఖరారు చేసింది మూవీ యూనిట్
పెదకాపు
పొలిటికల్ బ్యాక్ డ్రాప్ లో శ్రీకాంత్‌ అడ్డాల తెరకెక్కించిన చిత్రం ‘పెదకాపు’. రెండు భాగాలుగా రూపొందుతోన్న ఈ సినిమాతో విరాట్‌ కృష్ణ హీరోగా పరిచయం అవుతున్నారు. ముందుగా ఈ సినిమా తొలి భాగాన్ని (Peda Kapu-1) ఆగస్టు 18న విడుదల చేస్తున్నట్లు నిర్మాత రవీందర్‌ రెడ్డి ప్రకటించారు. కానీ, పలు కారణాల వల్ల సెప్టెంబరు 29కి వాయిదా వేశారు.
‘టిల్లు స్క్వేర్‌’
సిద్ధు జొన్నలగడ్డ (Siddu Jonnalagadda), అనుపమ పరమేశ్వరన్‌ (Anupama Parameswaran) జంటగా నటిస్తున్న చిత్రం ‘టిల్లు స్క్వేర్‌’ (Tillu Square). ‘డీజే టిల్లు’కు కొనసాగింపుగా రూపొందుతోన్న చిత్రమిది. మల్లిక్‌ రామ్‌ దర్శకత్వంలో సూర్యదేవర నాగవంశీ నిర్మిస్తున్న మూవీ. సెప్టెంబరు 15న విడుదల కావాల్సిన ఈ సినిమాని కొన్ని రోజుల క్రితమే వాయిదా వేశారు. పోస్ట్ ప్రొడక్షన్స్‌ ఇంకా పూర్తికాకపోవడంతో ఈ నిర్ణయం తీసుకున్నట్లు నిర్మాత తెలిపారు. కొత్త విడుదల తేదీని ఇంకా ప్రకటించలేదు. ఇది కూడా సెప్టెంబరు నెలాఖరునే వచ్చేట్టే ఉందని టాక్.
