సికింద్రాబాద్ పార్లమెంట్ నియోజకవర్గ పరిధిలో ఏపీ బీజేపీ ఉపాధ్యక్షుడు విష్ణువర్ధన్ రెడ్డి కీలక ప్రచార, ఎన్నికల సమన్వయ భాధ్యతలు నిర్వహిస్తున్నారు గురువారం మూడు నియోజకవర్గాల అభ్యర్థులు నామినేషన్లు దాఖలు చేసే కార్యక్రమంలో పాల్గొన్నారు. కేంద్ర మంత్రి , తెలంగాణ బీజేపీ చీఫ్ కిషన్ రెడ్డితో పాటు ఏపీ బీజేపీ ఉపాధ్యక్షుడు విష్ణువర్ధన్ రెడ్డి వెంట రాగా అభ్యర్థులు నామినేషన్లు దాఖలు చేశారు.
కీలక బాధ్యతలు నిర్వహిస్తున్న విష్ణవర్థన్ రెడ్డి
కిషన్ రెడ్డి ఈ ఎన్నికల్లో పోటీ చేయడం లేదు. ఆయన రాష్ట్రం అంతా విస్తృతంగా పర్యటించనున్నారు. ఆయన సిట్టింగ్ నియోజకవర్గం సికింద్రాబాద్ కావడంతో.. అన్ని స్థానాల్లోనూ మంచి ఫలితాలు చూపించాల్సి ఉంది. తాను పోటీ చేయకపోయినా.. తన స్థానంలో పట్టు నిలుపుకునేందుకు ప్రయత్నిస్తున్నారు. కిషన్ రెడ్డికి విష్ణవర్ధన్ రెడ్డి సహకారం అందిస్తున్నారు. కేంద్ర పార్టీ నియమించిన బృందంతో పాటు.. విస్తృతంగా శ్రమిస్తున్నారు.
కేంద్ర పార్టీ బాధ్యతల్లో విష్ణువర్థన్ రెడ్డి
తెలంగాణలో ఎన్నికల ప్రచారానికి బీజేపీ కేంద్ర నాయకత్వం .. ఐదు రాష్ట్రాలకు చెందిన ఇరవై ఆరు మంది నేతలను ఎంపిక చేసింది. వారిలో ఏపీ నుంచి సోము వీర్రాజు, విష్ణువర్ధన్ రెడ్డి వంటి వారు ఉన్నారు. విష్ణువర్ధన్ రెడ్డికి సికింద్రాబాద్ పార్లమెంట్ నియోజకవర్గ పరిధిలోని అసెంబ్లీ నియోజకవర్గాల్లో ప్రచార బాధ్యతలు,ఎన్నికల సమన్వయం అప్పగించారు. ఈ క్రమంలో ఆయన .. అక్కడే మకాం వేసి .. అభ్యర్థులకు ఎన్నికల్లో పూర్తి స్థాయిలో సహకారం అందిస్తున్నారు. నామినేషన్ల కార్యక్రమాల్లో పాల్గొనడంతో పాటు కొత్తగా చేరికల్ని ప్రోత్సహిస్తున్నారు. బస్తీల్లో తిరుగుతూ.. కాలనీల ప్రజలతో సమావేశం అవుతున్నారు.
సెటిలర్ల ఓట్లపై ప్రత్యేక దృష్టి
తెలంగాణ ఎన్నికల్లో భారతీయ జనతా పార్టీ జనసేన పార్టీతో పొత్తు ప్రకటించింది. జనసేన పార్టీ ఎనిమిది స్థానాల్లో పోటీ చేస్తోంది. సెటిలర్ల ఓట్లు.. జనసేన, బీజేపీ కూటమికి కలసి వస్తాయని అంచనా వేస్తున్నారు. జనసేన పార్టీతో టీడీపీ ఏపీలో పొత్తులు పెట్టుకోవడమే దీనికి కారణం. అదే సమయలో సెటిలర్లతో గ్యాప్ లేకుండా.. జంట నగరాల పరిధిలో.. ఆ రాష్ట్రానికి చెందిన కీలక నేత అయిన విష్ణువర్ధన్ రెడ్డి ద్వారా సమన్వయం చేసుకునే ప్రయత్నాలను చేస్తోంది.
