మెగా మేనల్లుడు సాయి ధరమ్ తేజ్ హీరోగా నటించిన యాక్షన్ థ్రిల్లర్ ‘విరూపాక్ష’ థియేటర్లలో సందడి చేస్తోంది. కథలో కొత్త పంథాను ఎంచుకోవడంతో ప్రేక్షకుల నుంచి పాజిటివ్ టాక్ వచ్చింది. సినిమా ఆరంభమే ఆసక్తికరంగా మొదలైందని..నేరుగా కథలోకి తీసుకెళ్లిపోవడంతో మరింత ఉత్కంఠ కలిగించిందంటున్నారు ప్రేక్షకులు. మధ్యలో ప్రేమకథ కాస్త సాగినట్టు అనిపించినా బ్రేక్ తర్వాత కథలో జోరు పెరగడం, పతాక సన్నివేశాలు అద్భుతంగా ఉన్నాయంటున్నారు. ఓవరాల్ గా ‘విరూపాక్ష’కు థియేటర్లలో మంచి రెస్పాన్స్ వస్తోంది.
బైక్ యాక్సిడెంట్ తర్వాత సాయి ధరమ్ తేజ్ నటించిన తొలి సినిమా ఇది కావడంతో అందరికీ ఈ సినిమాపై ముందునంచీ ఆసక్తి ఉంది. దీంతో విడుదలకు ముందే ఓటీటీ, శాటిలైట్ రైట్స్ అమ్మేశారు. ఈ మూవీ డిజిటల్ స్ట్రీమింగ్ హక్కులను ప్రముఖ ఓటీటీ వేదిక నెట్ ఫ్లిక్స్ (Netflix OTT) సొంతం చేసుకుంది. విరూపాక్ష’ టైటిల్ కార్డ్స్ కంటే ముందు నెట్ ఫ్లిక్స్.. ఓటీటీ రైట్స్ ని దక్కించుకున్నట్లు వేశారు. దీంతో ఓటీటీ ప్లాట్ ఫాం ఏంటో అందరికీ తెలిసిపోయింది. ఓ నాలుగైదువారాల్లో విరూపాక్ష నెట్టింట్లో సందడి చేయనుంది. తెలుగుతో పాటు తమిళ, కన్నడ, హిందీ, మలయాళ భాషల్లో సినిమాను రూపొందించిన ఇక ఈసినిమా శాటిలైట్ రైట్స్ ని (Virupaksha Satellite Rights ) ‘స్టార్ మా’ సొంతం చేసుకుంది.
నిజానికి ఈ సినిమా విడుదలకు ముందే మంచి హైప్ తెచ్చుకుంది. డైరెక్టర్ సుకుమార్ శిష్యుడు అనగానే క్రేజ్ పెరిగిపోయింది.ట్రైలర్ విడుదలై… కాన్సెప్ట్ కొత్తగా ఉంది అనే భావన కలిగించింది. స్క్రీన్ ప్లే సుకుమార్ అని తెలియడం, అన్నిటికీ మించి యాక్సిడెంట్ తర్వాత కోలుకుని సాయిధరమ్ తేజ్ నటించిన సినిమా కావడంతో అదో స్పెషల్ ఇంట్రెస్ట్.
‘విరూపాక్ష’లో సాయి ధరమ్ తేజ్ జోడీగా సంయుక్తా మీనన్ (Samyuktha Menon) నటించింది. గతంలో సంయుక్తమీనన్ నటించిన భీమ్లానాయక్, బింబిసార హిట్టయ్యాయి..ముచ్చటగా మూడో హిట్టందుకుంది ఈ బ్యూటీ. పైగా గత రెండు సినిమాల్లో కన్నా ఈ సినిమాలో మరింత అద్భుతంగా నటించిందని…క్లైమాక్స్ లో సంయుక్త నటన సూపర్బ్ అంటూ ప్రశంసలు కురిపిస్తున్నారు. కార్తీక్ దండు దర్శకత్వం వహించిన ఈ సినిమాను శ్రీ వెంకటేశ్వర సినీ చిత్ర, సుకుమార్ పతాకాలపై బాపినీడు బి సమర్పణలో బీవీఎస్‌ఎన్ ప్రసాద్ నిర్మించారు. ‘విరూపాక్ష’ సినిమాలో సాయి చంద్, బ్రహ్మాజీ, రాజీవ్ కనకాల, సునీల్, అజయ్, సోనియా సింగ్, రవి కృష్ణ, అభినవ్ గోమఠం, యాంకర్ శ్యామల, కామాక్షీ భాస్కర్ల, కమల్ కామరాజు తదితరులు కీలక పాత్రల్లో నటించారు.
