హీరో వరుణ్ తేజ్, లావణ్య త్రిపాఠి కొన్నిరోజులుగా డేటింగ్ లో ఉన్నారని, త్వరలోనే పెళ్లిచేసుకోబోతోందనే డిస్కషన్ నడుస్తోంది. తాజాగా నిశ్చితార్థానికి ముహూర్తం ఫిక్స్ అయిందంటూ వార్తలొస్తున్నాయి.అప్పుడే ఇందుకు సంబంధించిన ఏర్పాట్లు కూడా మొదలయ్యాయట. జూన్ 9నఎంగేంజ్ మెంట్ కి ముహూర్తం ఫిక్స్ చేశారని ఇప్పటికే వధూవరుల దుస్తులు, ఆభరణాలు ప్రముఖ డిజైనర్స్ రూపొందిస్తున్నారని టాక్. నిహారిక పెళ్లి తర్వాత మెగా హీరోలంతా ఒక్కచోట చేరే వేదిక ఇదే కానుంది. కేవలం సన్నిహితులు, కుటుంబ సభ్యులకు మాత్రమే నిశ్చితార్థానికి ఆహ్వానం ఉందని, పెళ్లిమాత్రం ఇండస్ట్రీ ప్రముఖుల సమక్షంలో ఘనంగా చేయనున్నారని టాక్.
లావణ్య-వరుణ్ జంటగా ‘మిస్టర్’ మూవీలో నటించారు. శ్రీను వైట్ల తెరకెక్కించిన ఈ సినిమా ఆశించిన స్థాయిలో సక్సెస్ అవలేదు కానీ వీరి లవ్ ట్రాక్ పట్టాలెక్కింది మాత్రం అప్పుడే. ఏడాది కాలంగా వరుణ్, లావణ్య పెళ్లివార్త హాట్ టాపిక్ గా నిలుస్తూనే ఉంది. తాము మంచి స్నేహితులమని వరుణ్ తేజ్, లావణ్య గతంలోనే చాలాసార్లు చెప్పారు. ఇద్దరూ ప్రస్తుతం విదేశీ పర్యటనలో ఉన్నారని జూన్ 1 వ తేదీకి హైదరాబాద్ కు చేరుకుంటారని సమాచారం. తాను రోమ్ లో ఉన్నట్టు వరుణ్ తేజ్ ఇన్ స్టా గ్రామ్ లో ఓ ఫొటో షేర్ చేశాడు. తాను ప్రయాణంలో ఉన్నట్టు లావణ్య కూడా చెప్పింది. దీంతో వీళ్లిద్దరూ కలిసే ప్రయాణిస్తున్నట్టు ఫిక్సైపోయారు నెటిజన్లు.
లావణ్య త్రిపాఠి రీసెంట్ గా ‘పులి మేక’ వెబ్ సిరీస్ల నటించింది. ఆమె చివరి చిత్రం హ్యాపీ బర్త్ డే కూడా పెద్దగా ఆకట్టుకోలేదు. ప్రస్తుతం లావణ్య చేతిలో ఒక్క సినిమా లేదు. ఇక వరుణ్ తేజ్ ప్రవీణ్ సత్తారు తెరకెక్కిస్తున్న ‘గాండీవధారి అర్జున’ సినిమాలో నటిస్తున్నాడు. యాక్షన్ థ్రిల్లర్ గా తెరకెక్కుతోన్న ఈ సినిమాకు బివిఎస్ఎన్ ప్రసాద్ నిర్మాత. వరుణ్ కి జంటగా సాక్షి నటిస్తోంది. మిక్కీ జే మేయర్ సంగీత దర్శకుడు. నూతన దర్శకుడు శక్తి ప్రతాప్ సింగ్ తో వరుణ్ మరో చిత్రంలో నటిస్తున్నాడు..ఇందులో మాజీ మిస్ వరల్డ్ మానుషి హీరోయిన్. పెళ్లి ఎప్పుడనే విషయం ఇంకా క్లారిటీ లేదు.ఆ తేదీ కూడా త్వరలోనే వెలువడనుందని టాక్.
