ఇండస్ట్రీలో నటుల్లో చాలామంది తమకంటూ ప్రత్యేక గుర్తింపు సంపాదించుకుంటూ కెరీర్లో దూసుకెళుతుంటారు. ఇలాంటి వారిలో కన్నడ నటుడు ఉపేంద్ర ఒకడు. కన్నడ మార్కెట్ తో పాటూ తెలుగులోనూ ఉపేంద్రకి మంచి గుర్తింపు ఉంది. సన్నాఫ్ సత్యమూర్తి మూవీ తర్వాత తెలుగు మూవీస్ లో ఉపేంద్ర కనిపించిన సందర్భాలు తక్కువే. లేటెస్ట్ గా ఇంట్రెస్టింగ్ న్యూస్ చక్కర్లు కొడుతోంది.
కన్నడ సూపర్ స్టార్ ఉపేంద్ర గురించి ప్రత్యేక పరిచయం అవసరం లేదు. వైవిధ్యమైన కథలతో సినిమాలు తీసే ఈ వెర్సటైల్‌ హీరోకు తెలుగునాట కూడా భారీగా అభిమానులు ఉన్నారు. ఉప్పీ నటించిన కన్నడ డబ్బింగ్‌ సినిమాలు తెలుగులో కూడా సూపర్‌హిట్‌గా నిలిచాయి. ఈ క్రేజ్‌తోనే రక్తకన్నీరు, కన్యాదానం, సన్నాఫ్ సత్యమూర్తి వంటి స్ట్రెయిట్‌ తెలుగు సినిమాల్లోనూ నటించాడు. తాజాగా ఉపేంద్రని మెయిన్ లీడ్ లో పెట్టి వంశీ పైడిపల్లి ఒక సినిమా ప్లాన్ చేసినట్టు తెలుస్తోంది. ఈ సినిమా అవుట్ అండ్ అవుట్ మాస్ సినిమాగా ఉండబోతోందని టాక్. నిజానికి ఒకప్పుడు ఉపేంద్ర సినిమాలు అంటే కల్ట్ క్లాసిక్ మూవీస్. ఇప్పుడు చాలా మంది హీరోలు కల్ట్ మూవీస్ చేస్తున్నారు కానీ ఉపేంద్ర ఎప్పుడో కల్డ్ మూవీస్ చేసి తనకంటూ ఒక ప్రత్యేక స్థానాన్ని ఏర్పాటు చేసుకున్నాడు. ఇలాంటి సమయంలో ఉపేంద్ర వంశీ పైడిపల్లి ని ఏ విధంగా చూపిస్తాడు అనేది ఇంట్రెస్టింగ్.
విజయ్ తో ఫ్లాప్..ఈ సారి హిట్ పక్కా!
ఇప్పటికే వంశీ పైడిపల్లి తమిళ్ ఇళయ దళపతి విజయ్ తో చేసిన వారసుడు ఫ్లాప్ అయింది. భారీ అంచనాల మధ్య వచ్చిన ఆ సినిమా ఆకట్టుకోలేదు. ఇప్పుడు కన్నడ హీరోతో ప్రయోగం చేసి సక్సెస్ అందుకోవాలని ఫిక్సయ్యాడు వంశీ పైడిపల్లి. పైగా ఈ మూవీతో సక్సెస్ అందుకుని తదుపరి మూవీ మహేష్ బాబుతో ప్లాన్ చేసుకోవాలని ఫిక్సైయ్యాడట. మరోవైపు ఉపేంద్ర భార్య యాక్షన్ క్వీన్ ప్రియాంక ఉపేంద్ర ప్రధాన పాత్రలో నటించిన సినిమా ‘డిటెక్టివ్ తీక్షణ’. హీరోయిన్ గా ఆమెకి ఇది 50 వ సినిమా. త్రివిక్రమ్ రఘు దర్శకుడు. పాన్ ఇండియా సినిమాగా తెరకెక్కిన ‘డిటెక్టివ్ తీక్షణ’ ను కన్నడ, తెలుగు, హిందీ, తమిళ, మలయాళం, బెంగాలీ, ఒరియా, వంటి ఏడు భాషల్లో త్వరలోనే విడుదల చేయనున్నారు.
