గబ్బర్ సింగ్..పవన్ కళ్యాణ్ కెరీర్ స్లో అయింది అన్నసమయంలో వచ్చి రీసౌండ్ గట్టిగానే ఇచ్చింది. 2012 మే 11న విడుదలైన గబ్బర్ సింగ్ పవర్ స్టార్ ఫ్యాన్స్ లో పూనకాలు లోడ్ చేసింది. అప్పటి నుంచి అభిమానులకు మే 11 ప్రత్యేకం అయిపోయింది. ప్రతి సంవత్సరం ఇదే డేట్ లో సమ్ థింగ్ స్పెషల్ ఉంటుంది. ఈ ఏడాది కూడా మే 11న ప్రత్యేకమైన బహుమతి ఇవ్వబోతున్నాడు పవర్ స్టార్
పవన్ కళ్యాణ్ ఖాతాలో ఇండస్ట్రీ హిట్స్, సూపర్ హిట్స్ ఎన్ని ఉన్నా..అందులో ‘గబ్బర్ సింగ్’ది స్పెషల్ ప్లేస్. బాలీవుడ్ లో సల్మాన్ ఖాన్ నటించిన ‘దబాంగ్‌’ సినిమాకు రీమేక్ గబ్బర్ సింగ్. రవితేజతో తెరకెక్కించిన మిరపకాయ్ కథ ముందు పవన్ కి వినిపించాడు హరీశ్ శంకర్. ఆ సినిమా చేయకపోవడం కుదరకపోవడంతో మరో ప్రాజెక్ట్ చేద్దామని హరీశ్ శంకర్ కి మాటిచ్చాడు పవన్. ఇచ్చిన మాట మేరకు గబ్బర్ సింగ్ దర్శకుడిగా హరీశ్ శంకర్ కి ఛాన్సిచ్చాడు. ఆ అవకాశాన్ని సద్వినియోగం చేసుకున్న హరీశ్ శంకర్..పవర్ స్టార్ ఫ్యాన్స్ కాలర్ ఎగరేసేలా సినిమా తెరకెక్కించి బాక్సాఫీస్ ని షేక్ చేశాడు. అందుకే గబ్బర్ సింగ్ విడుదైలన మే 11 పవన్ కళ్యాణ్ అభిమానులకు చాలా ప్రత్యేకం. ఈ ఏడాది ‘గబ్బర్ సింగ్’ రిలీజ్ డేట్ మరింత స్పెషల్ కాబోతోంది.
మే 11న ‘ఉస్తాద్ భగత్ సింగ్’ గ్లింప్స్
పవన్ కళ్యాణ్- హరీశ్ శంకర్ కాంబినేషన్లో వస్తోన్న మరో సినిమా ‘ఉస్తాద్ భగత్ సింగ్’ (Ustaad Bhagat Singh Movie). మైత్రీ మూవీ మేకర్స్‌ పతాకంపై నవీన్ యెర్నేని, యలమంచిలి రవిశంకర్ నిర్మాతలుగా వ్యవహరిస్తున్నారు. ఈ సినిమా ఫస్ట్ గ్లింప్స్ విడుదల చేసేందుకు మే 11 డేట్ ని ఫైనల్ చేసింది ఉస్తాద్ యూనిట్. అభిమానులకు, ప్రేక్షకులకు సూపర్ కిక్ ఇచ్చేలా ఆ గ్లింప్స్ ఉండబోతుందని టాక్..
ముగిసిన ఫస్ట్ షెడ్యూల్
ఉస్తాద్ భగ్ సింగ్ లో పవన్ సరసన శ్రీలీల హీరోయిన్ గా నటిస్తోంది. ఇటీవల హైదరాబాదులో ఫస్ట్ షెడ్యూల్ ముగిసింది. హీరో హీరోయిన్ల మధ్య కీలకమైన సన్నివేశాలతో పాటు ఓ భారీ ఫైట్ తెరకెక్కించారు. స్టంట్ కొరియోగ్రాఫర్లు రామ్ – లక్ష్మణ్ (Ram Laxman Masters) నేతృత్వంలో భారీ యాక్షన్ ఎపిసోడ్ తీశారని చెబుతున్నారు యూనిట్ సభ్యులు.
గబ్బర్ సింగ్ ను మించి ఉస్తాద్
పవన్ కళ్యాణ్ అంటేనే మేనరిజమ్స్ ..గబ్బర్ సింగ్ సూపర్ హిట్టైంది అంటే కారణం పవన్ మ్యానరిజమ్సే. ఇప్పుడు ఉస్తాద్ భగత్ సింగ్ కి కూడా సేమ్ డైరెక్టర్ హరీశ్ శంకర్ కావడంతో..గబ్బర్ సింగ్ కు మించి అని అభిమానులు ఫిక్సైపోయారు. ఈ అంచనాలకు ఏమాత్రం తగ్గకుండా ‘ఉస్తాద్ భగత్ సింగ్’లో స్పెషల్ మేనరిజమ్స్ …అదిరిపోయే డైలాగ్స్ ఉండబోతున్నాయట. ఇప్పటికే రిలీజైన పవన్ కళ్యాణ్ స్టైలిష్ పోస్టర్లు అభిమానులను అమితంగా ఆకట్టుకున్నాయి. అశుతోష్ రాణా, గౌతమి, నాగ మహేష్, టెంపర్ వంశీ ముఖ్యపాత్రల్లో నటిస్తున్నారు. దేవి శ్రీ ప్రసాద్ స్వరాలు సమకూరుస్తున్నాడు. మొత్తానికి మే 11న ఉస్తాద్ భగత్ సింగ్ గ్లింప్స్ తో అభిమానులకు అదిరిపోయే ట్రీట్ ఇవ్వబోతున్నాడు పవన్ కళ్యాణ్… మరి అభిమానుల అంచనాలకు తగ్గట్టు ఉండబోతోందా…వెయిట్ అండ్ సీ…
