రెండూ పాన్ ఇండియా సినిమాలే. ఒకదానితో ఒకటి సంబంధం లేకుండా తెరకెక్కుతున్నాయి..కానీ..అనుకోకుండా ఆ రెండు సినిమాల స్టోరీ ఒకటే కావడం ఇంట్రెస్టింగ్. ఆ సినిమాలేంటో..స్టోరీ ఏంటో చూద్దాం…
రెబల్ స్టార్ ప్రభాస్ – కేజీఎఫ్ ఫేమ్ ప్రశాంత్ నీల్ కాంబోలో తెరకెక్కుతున్న మూవీ సలార్. భారీ బడ్జెట్ తో పాన్ ఇండియా ప్రాజెక్ట్ గా సిద్ధమవుతోన్న ఈ మూవీ రెండు భాగాలుగా రానుంది. ఇద్దరు ప్రాణస్నేహితులు శత్రువులుగా మారితే ఎలా ఉంటుందన్నదే స్టోరీ లైన్ అని ఇప్పటికే ప్రశాంత్ నీల్ క్లారిటీ ఇచ్చాడు. రీలీజైన ట్రైలర్లోనూ ఫ్రెండ్స్ ని టచ్ చేయవద్దని ప్రభాస్ చెప్పిన పవర్ ఫుల్ డైలాగ్ ఉంది. ట్రైలర్ లో దాదాపు 40 సెక్షన్ల తర్వాత ప్రభాస్ కనిపించాడు. కష్టంలో ఉన్న స్నేహితుడి కోసం ప్రభాస్ ఎంట్రీ ఇచ్చాడు. మాస్ లుక్ లో అదరగొట్టాడు . ప్రభాస్ డైలాగ్ డెలివరీ కొత్తగా ఉంది. ఈ మూవీలో శత్రువులుగా మారిన స్నేహితులుగా ప్రభాస్, పృథ్వీరాజ్ నటిస్తున్నారు.
వార్ 2 మూవీ కూడా ఇంచు మించు ఇలాగే ఉండబోతోందని టాక్. బాలీవుడ్ స్టార్ హీరో హృతిక్ రోషన్, యంగ్ టైగర్ ఎన్టీఆర్ కలిసి నటిస్తోన్న వార్ 2లో కూడా ఇలాంటి లైన్ టచ్ చేస్తున్నారట. ఈ రెండు సినిమాల మధ్య ఉన్న ట్విస్ట్ మాత్రం రివర్స్ లో ఉంటుంది. సలార్ లో స్నేహితులు శత్రువులుగా మారితే….వార్ 2లో శత్రువులుగా ఉన్న ఇద్దరు స్నేహితులుగా మారుతారని తెలుస్తోంది. వారి మధ్య ఎందుకు ఘర్షణ – అలాంటివాళ్లిద్దరూ ఫ్రెండ్స్ లా ఎలా మారారన్నదే స్టోరీ. ఇందులో శత్రువులు స్నేహితులుగా మారిన క్యారెక్టర్స్ లో ఎన్టీఆర్-హృతిక్ నటిస్తున్నారు. వార్ 2లో తారక్ నెగిటివ్ షేడ్స్ ఉన్న పాత్రలో కనిపిస్తున్నాడు.
వార్ 2 సినిమా కోసం మార్చి నుంచి ఎన్టీఆర్ డేట్స్ ఇచ్చాడని తెలుస్తోంది. మార్చి మొదటి వారానికి ‘దేవర’ షూటింగ్ పూర్తి అవుతుంది. ఆ వెంట‌నే ఓ వారం లేదా ప‌ది రోజులు విశ్రాంతి తీసుకుంటాడని, వెంట‌నే వార్ 2 ప్రాజెక్ట్ కోసం డేట్లు కేటాయిస్తాడని టాక్. మరోవైపు వార్ 2 సినిమాలో ముందుగా ఎన్టీఆర్ – హృతిక్ రోషన్ పై ఓ యాక్షన్ సీక్వెన్స్ ను షూట్ చేస్తారట. ఈ సీన్‌కు థియేట‌ర్ల‌లో విజిల్స్ మోత మోగిపోతుంద‌ని… గూస్‌బంప్స్ ఖాయ‌మని తెలుస్తోంది.
స్నేహితులుగా మారిన శత్రువులు…శత్రువులుగా మారిన స్నేహితుల కథలు ప్రేక్షకుల అంచనాలను ఏ మేరకు అందుకుంటాయో చూడాలి మరి..
