బోయపాటి దర్శకత్వంలో రామ్ పోతినేని హీరోగా నటిస్తోన్న సినిమా స్కంద. శ్రీలీల హీరోయిన్ గా నటిస్తోన్న ఈ మూవీ సెప్టెంబర్ 15న థియేటర్లలో విడుదలకానుంది. ఇప్పటికే విడుదలైన సాంగ్స్, రామ్-శ్రీలీల డాన్స్ సోషల్ మీడియాను ఉపేస్తోంది. రీసెంట్ గా వచ్చిన ట్రైలర్ కూడా మంచి ఆదరణ దక్కించుకుంది. బోయాపాటి గత సినిమాల్లానే ఇందులో కూడా హీరో ఊరమాస్ లా ఉండబోతున్నాడని క్లారిటీ వచ్చేసింది. కానీ రిజల్ట్ ఎలా ఉంటుందో అనే విషయంలో మాత్రం డివైడ్ టాక్ వినిపిస్తోంది.
బోయపాటికి బాలయ్యే సరైనోడు
రీసెంట్ గా వచ్చిన ట్రైలర్ ఊరమాస్ లా ఉంది. విలన్స్ ను హీరో ఊచకోత కోయడం గట్టిగానే వైరల్ అవుతోంది. బోయపాటి స్టైలే ఇది అని ప్రేక్షకులకు తెలుసు కాబట్టి ఓకే అనుకున్నారు. అయితే బాలయ్యతో తెరకెక్కించిన మూవీస్ తో మాత్రమే బోయపాటి సూపర్ సక్సెస్ అందుకున్నాడు. మిగిలిన హీరోలతో తీసిన సినిమాలు ఆశించిన స్థాయిలో విజయాన్నివ్వలేదు. బాలకృష్ణ కాకుండా బోయపాటితో వచ్చి బాక్సాఫీస్ దగ్గర సన్షేషన్ క్రియేట్ చేసింది కేవలం అల్లు అర్జున్ మాత్రమే. సరైనోడు లో దుమ్ములేపాడు. అయితే సింహ, లెజెండ్ ,అఖండ సినిమాలకు ఉన్న ఫ్యాన్ బేస్ చాలా డిఫరెంట్ గా ఉంటుంది. బోయపాటి అంటేనే బాలయ్య కాంబినేషన్ అనేలా ఉంటాయి ఆ సినిమాలు.
మరో వినయ విధేయ రామ అవదు కదా!
ఇప్పటికైతే స్కంద సినిమాపై మంచి టాకే రన్ అవుతోంది. కానీ మాస్ కంటెంట్ మరి టూ మచ్ అయితే మాత్రం మరో ‘వినయ విధేయ రామ’ అయిపోతుందేమో అనే టెన్షన్ కూడా ఫ్యాన్స్ లో ఉంది. ఆ సినిమాలో కూడా రామ్ ని ఊరమాస్ గా చూపించడమే కాదు.. తలలు నరుకుతుంటే గాల్లోకి ఎగిరే సీన్ పై సోషల్ మీడియాలో ఏకిపడేశారు. దర్శకుడు బోయపాటి వీలైనంతవరకు మాస్ ఎలిమెంట్స్ తోనే సినిమాను కాపాడాలని చూస్తాడు. స్కంద ట్రైలర్ రిలీజ్ చేసిన తర్వాత కూడా సినీ ప్రియుల నుంచి సేమ్ కామెంట్ వచ్చింది. ట్రైలర్ ఊరమాస్ లా ఉందని, రొటీన్ బోయపాటి ఫార్ములా అనే విధంగా కామెంట్స్ కూడా వచ్చాయి. కానీ ట్రైలర్ కు మాత్రం వ్యూవ్స్ అయితే గట్టిగానే వచ్చాయి. ఇలా ఓ వైపు పాజిటివ్, మరోవైపు నెగిటివ్ కామెంట్స్ వస్తున్నాయి. ఈ తరహా కంటెంట్ క్లిక్ అయితే బొమ్మ బ్లాక్ బస్టర్ అవుతుంది లేదంటే భారీ డిజాస్టర్ గా మిగులుతుంది. మరి రామ్-బోయపాటికి కాంబినేషన్ ఎలా ఉండబోతుందో వెయిట్ అండ్ సీ..
