తమిళ స్టార్ హీరో విజయ్ మరో తెలుగు సినిమాకు గ్రీన్ సిగ్నల్ ఇచ్చాడు. ఈ మధ్య వంశీపైడిపల్లి దర్శకత్వంలో వచ్చిన వారసుడులో నటించాడు. ప్రస్తుతం లియో షూటింగ్ లో ఉన్నాడు. ఈ సినిమా పూర్తైన తర్వాత మరో తెలుగు డైరెక్టర్ తో కలసి వర్క్ చేయబోతున్నాడట. ఆ దర్శకుడు ఇంకెవరో కాదు…రీసెంట్ గా వీరసింహారెడ్డితో హిట్టందుకున్న గోపీచంద్ మలినేని.
గోపీచంద్ మలినేనితో విజయ్ సినిమా అని ఎప్పటినుంచో వార్తలొచ్చాయి…ఇప్పుడది కన్ఫామ్ అయింది. వాస్తవానికి వీరసింహారెడ్డి సినిమా తర్వాత చిరంజీవితో ప్రాజెక్ట్ ఉండబోతుందన్నారు కానీ అది కన్ఫామ్ కాలేదు. దీంతో కోలీవుడ్ పై ఫోకస్ చేసిన గోపీచంద్..దళపతి విజయ్ ని అప్రోజ్ అయ్యాడు. గోపీచంద్ మలినేని చెప్పిన పవర్‌ఫుల్ స్క్రిప్ట్‌కు విజయ్ ఓకే చెప్పాడట. ఈ సినిమాలో విజయ్ డ్యూయల్ రోల్ లో కనిపించే అవకాశం ఉంది. ఈ లెక్కన హీరోయిన్లు కూడా ఇద్దరు ఉంటారన్నమాట. విజయ్ గతంలోనూ చాలా డ్యూయల్ రోల్స్ చేశాడు..ఆ సినిమాలన్నీ సూపర్ హిట్టయ్యాయి. గోపీ చంద్ కూడా ఇప్పుడు దూకుడుమీదున్నాడు. ‘క్రాక్, వీరసింహారెడ్డి’ లాంటి మాస్ సినిమాలతో బ్యాక్ టు బ్యాక్ హిట్స్ ఇచ్చాడు. ఈ రెండు సినిమాల్లోనూ హీరోను మాస్‌గా ప్రజెంట్ చేయడంలో గోపీ సక్సెస్ అయ్యాడు. విజయ్‌కు చెప్పిన స్టోరీ కూడా చాలా పవర్‌ఫుల్‌గా ఉందని..అన్నీ సెట్ అయితే ఈ కమర్షియల్ ఎంటర్‌టైనర్‌ను భారీ బడ్జెట్‌తో బైలింగువల్‌గా తెరకెక్కిస్తారని తెలుస్తోంది. రెండు మూడు రోజుల్లో అఫీషియల్ ప్రకటన వచ్చేస్తుందట.. దీంతో వీళ్లిద్దరి కాంబినేషన్ అంటే దబిడి దిబిడే అంటున్నారు ఫ్యాన్స్. ఆర్బీ చౌదరికి చెందిన సూపర్ గుడ్ ఫిలిమ్స్ దళపతి 68 చిత్రాన్ని నిర్మించనుందట. ఆర్.బి.చౌదరి పెద్ద కుమారుడు నటుడు జితన్ రమేష్ ఇటీవల ఇదే విషయాన్ని ధృవీకరించారు. విజయ్ తమ బ్యానర్లో సినిమా చేయడం దాదాపు ఖాయమని ఆయన ఒక ఇంటర్వ్యూలో చెప్పారు.
ప్రస్తుతం ‘విక్రమ్’ మూవీ డైరెక్టర్ లోకేష్ కనకరాజ్ దర్శకత్వంలో ‘లియో’ మూవీలో నటిస్తున్నాడు విజయ్. ఇప్పటికే కశ్మీర్‌లో ఒక షెడ్యూల్ పూర్తి చేసుకున్న ఈ సినిమాలో త్రిష హీరోయిన్ గా నటిస్తోంది. గతంలో విజయ్-లోకేష్ కనకరాజ్ కాంబినేషన్లో వచ్చిన ‘మాస్టర్’ మ్యాజిక్ చేసింది. ఆ మ్యాజిక్ మళ్లీ రిపీట్ అవుతుందని ఫిక్సైపోయారు అభిమానులు. ఇక తెలుగులో స్ట్రైట్ మూవీస్ విషయానికొస్తే టాలీవుడ్ స్టార్ డైరెక్టర్ వంశీ పైడిపల్లితో ‘వారిసు’ మూవీ చేశాడు విజయ్..ఈ సినిమా సంక్రాంతికి విడుదలై తమిళ్‌లో సక్సెస్ అయింది కానీ తెలుగులో ఆశించిన స్థాయిలో ఆకట్టుకోలేకపోయింది. దీంతో తెలుగులో నేరుగా వేసే రెండో అడుగుతో బాక్సాఫీస్ దుమ్ములేచిపోవాలని డిసైడయ్యాడు విజయ్. అటు కథ కూడా ఫ్యాన్స్ కి పూనకాలు తెప్పించేలాగే ఉందట. ఇటీవలే ఇన్ స్టా గ్రామ్ లోకి అడుగుపెట్టి రికార్డ్ బద్దలు కొట్టాడు విజయ్. ఒక్క వారంలోనే 7 మిలియన్లకు పైగా ఫాలోవర్లను సంపాదించాడు. విజయ్-గోపీచంద్ మలినేని కాంబినేషన్ ఎలా ఉండబోతుందో వెయిట్ అండ్ సీ…
