RRR మూవీతో గ్లోబల్ స్టార్ గా మారిపోయిన రామ్ చరణ్ ప్రస్తుతం శంకర్ దర్శకత్వంలో గేమ్ ఛేంజర్ మూవీలో నటిస్తున్నాడు. భారీ బడ్జెట్ తో తెరకెక్కుతోన్న ఈ మూవీకి దిల్ రాజు నిర్మాత. ఇందులో చెర్రీ డ్యుయల్ రోల్ లో కనిపించబోతున్నాడు. ఆ క్యారెక్టర్స్ పై ఇంట్రెస్టింగ్ న్యూస్ సోషల్ మీడియాలో చక్కర్లు కొడుతోంది
పొలిటికల్, సోషల్ మెసేజ్ గా కమర్షియల్ జోనర్ లో తెరకెక్కుతోన్న సినిమా గేమ్ ఛేంజర్. క్రియేటివ్ డైరెక్టర్ శంకర్ రూపొందిస్తున్న ఈ మూవీకి సంబంధించి ప్రస్తుతం కీలక యాక్షన్ సీక్వెన్స్ ని షూట్ చేస్తున్నారు. వినయ విధేయ రామ మూవీలో రామ్ చరణ్ కి జోడీగా కనిపించిన కియరా అద్వానీ మరోసారి చెర్రీతో నటిస్తోంది. ఈ సినిమాకి సంబంధించి అప్పుడప్పుడు లీక్స్ బయటకి వస్తున్నాయి. తన సినిమాల్లో సాంగ్స్ కోసం భారీగా ఖర్చుపెట్టే శంకర్ ఈ మూవీలో సాంగ్స్ కోసం ఏకంగా 90 కోట్లు ఖర్చుచేస్తున్నాడట. పైగా ఒక్కో సాంగ్ కి ఒక్కో కొరియోగ్రాఫర్ ని తీసుకున్నాడు. ఈ మూవీలో చరణ్ రెండు విభిన్నమైన పాత్రల్లో కనిపించబోతున్నాడు. రెండు టైమ్ లైన్స్ లో తండ్రి కొడుకులుగా ఈ పాత్రలుంటాయని టాక్.
పొలిటికల్ లీడర్ – ఐఏఎస్ ఆఫీసర్
తండ్రి అప్పన్నగా చెర్రీ రాజకీయనాయకుడిగా కనిపిస్తాడట. సమాజంలో మార్పు కోసం పరితపించే నాయకుడి తరహాలో ఆ క్యారెక్టర్ ని రిప్రజెంట్ చేసినట్లు తెలుస్తోంది. ఈ క్యారెక్టర్ కి సంబందించి కటౌట్ లు ఇప్పుడు సోషల్ మీడియాలో వైరల్ అవుతున్నాయి. అలాగే కొడుకు రామ్ నందన్ కుమార్ గా చెర్రీ మరో పాత్రలో కనిపిస్తున్నాడు. పవన్ తనయుడు అకీరా నందన్ పేరుకు మ్యాచ్ అయ్యేలా రామ్ నందన్ అనే పేరు ఫిక్స్ చేసినట్టు టాక్. ఫ్లాష్ బ్యాక్ లో లీడర్ అప్పన్న క్యారెక్టర్..ప్రజెంట్ IAS రామ్ నందన్ క్యారెక్టర్ ఉంటుందని సమాచారం. ఈ ఏడాది చివరినాటికి షూటింగ్ పూర్తిచేసేందుకు ప్లాన్ చేసుకుంటున్నారు.
గేమ్ ఛేంజర్ పై భారీ అంచనాలు
RRR తర్వాత రామ్ చరణ్ నటిస్తున్న ఈ సినిమాపై భారీ అంచనాలున్నాయి. పైగా శంకర్ దర్శకుడు కావడంతో గ్లోబల్ స్టార్ ఇమేజ్ కి మైలేజ్ తీసుకొచ్చే విధంగా గేమ్ చేంజర్ ఉంటుందని భావిస్తున్నారు మెగాభిమానులు. 2024 సమ్మర్లో విడుదలకానుంది మూవీలో రామ్ చరణ్ కి జోడిగా కియారా అద్వానీ, అంజలి నటించగా.. శ్రీకాంత్, ఎస్.జే.సూర్య, సునీల్, సముద్ర ఖని, ప్రియదర్శి, రాజీవ్ కనకాల, జయరాం, నవీన్ చంద్ర, నాజర్ కీలకపాత్రల్లో నటిస్తున్నారు.
