సంయుక్త మీనన్. ఈ పేరు నిన్న మొన్నటి వరకు పెద్దగా విన్పించలేదు. ఇప్పుడు ఇండస్ట్రీ మొత్తం సంయుక్త గురించే ఆరా తీస్తోంది. కారణం ఏంటంటే… సంయుక్తకు ఉన్న అదృష్టమే. ఆమె నటించిన ప్రతీ సినిమా తెలుగులో హిట్టే. రీసెంట్ గా విరూపాక్ష సినిమాతో హిచ్ ఇచ్చింది. అసలు ఈ సినిమా హిట్ అవ్వడం గ్యారంటీ అని సాయి ధరమ్ తేజ్ ముందే చెప్పేశాడు. కారణం… ఇందులో సంయుక్తం మీనన్ హీరోయిన్ గా నటించడమే. ఆమె పక్కన ఉంటే సినిమా హిట్ అవుతుందని, రాబోయే రోజుల్లో సంయుక్త పెద్ద హీరోయిన్ అవుతుందని చెప్పాడు సాయి.
తెలుగులో అన్నీ హిట్సే
సమంత అంత అందం లేదు. అనుష్క లాంటి ఔట్ ఫిట్ లేదు. పోనీ రష్మికలా ఫుల్ గ్లామరా అంటే అది కూడా లేదు. హైట్ కూడా తక్కువే. అయినా కూడా అదృష్టంతో హిట్ మీద హిట్ ఇస్తుంది సంయుక్త. కేరళనుంచి దిగుమతి అయిన ఈ మలయాళీ భామ… మల్లూవుడ్ లో కొన్ని సినిమాలు చేసింది. అలా అరవ సీమలోనూ అడుగుపెట్టింది. సినిమాలు అయితే చేసింది కానీ ఎక్కడా స్టార్ డమ్ రాలేదు. అలాంటి టైమ్ లో త్రివిక్రమ్ శ్రీనివాస్… సంయుక్తలోని టాలెంట్ గుర్తుపట్టాడు. ఆమెను తీసుకొచ్చి టాలీవుడ్ కి పరిచయం చేశాడు. అలా తొలిసారి భీమ్లానాయక్ లో రానా భార్యగా నటించింది సంయుక్త. ఆ తర్వాత బింబిసార, సార్… ఇప్పుడు విరూపాక్ష. అన్నీ హిట్ సినిమాలే. దీంతో… ఇప్పుడు తమ సినిమాలో సంయుక్త ఉంటే హిట్ గ్యారంటీ అని హీరోలు నమ్ముతున్నారు. అలా నమ్మిన కల్యాణ్ రామ్ తన తర్వాతి సినిమా డెవిల్ లో హీరోయిన్ కే సంయుక్తకే అవకాశం ఇచ్చాడు.
సుడి మాత్రమే కాదు కష్టం కూడా ఉంది
ఏ ఇండస్ట్రీలో అయినా కష్టం తర్వాతే అదృష్టం ఉంటుంది. అదృష్టం ఉన్నంతమాత్రానే స్టార్స్ అయిపోరు. సంయుక్త విషయంలో కూడా అదే జరిగింది. ఒక సినిమా కోసం బాగా కష్టపడుతుంది. అన్నింటికి మించి ఎక్కడ ఏ ఊళ్లో అయినా ప్రమోషన్ ఉందంటే.. కచ్చితంగా వస్తుంది. కాలినొప్పి, మెడనొప్పి అని కాకమ్మ కబుర్లు చెప్పే టైప్ కాదు సంయుక్త. అలాగే సినిమా కోసం ఎన్ని ఇంటర్వ్యూలు అయినా ఇస్తుంది. సినిమా రిలీజ్ అయిన తర్వాత ప్రమోషన్లకు కూడా వస్తుంది. నయనతార లాంటి హీరోయిన్ లు సినిమా చేసిన తర్వాత కనీసం పట్టించుకోరు. ప్రమోషన్ కు రావాలంటే మళ్లీ ఎక్స్ ట్రా ఇచ్చుకోవాలి. కానీ సంయుక్త అలా కాదు. అందుకే సంయుక్తకు హిట్స్ వస్తున్నాయి.
సుడిగల సుందరాంగి సంయుక్త మీనన్
