పవన్ కళ్యాణ్ భూమిక కాంబినేషన్లో వచ్చి సూపర్ హిట్టైన ‘ఖుషి’ టైటిల్ ను మళ్లీ తమ మూవీకి పెట్టుకున్నారు విజయ్ దేవకొండ-సమంత. అయితే ఈ మూవీ సమంత-నాగచైతన్య రియల్ స్టోరీ అనే టాక్ వినిపిస్తోంది. అసలు సోషల్ మీడియాలో ఈ వెర్షన్లో ఎందుకు ప్రచారం జరగుతోందంటే..
చైతూ-సామ్ స్టోరీనా!
సమంత, విజయ్ దేవరకొండ ప్రధాన పాత్రల్లో నటిస్తున్న లేటెస్ట్ మూవీ ఖుషీ. ఈ మూవీ పై చాలా అంచనాలున్నాయి. రీసెంట్ గా విడుదలైన ట్రైలర్ కూడా బావుందనే కామెంట్స్ వచ్చాయి. వాస్తవానికి ట్రైలర్ విడుదల కాకముందు నుంచే ఈ మూవీ పై ఎక్కువ బజ్ ఉంది. ఇద్దరూ కలసి నటించడం, అదికూడా లవ్ స్టోరీ కావడం, ఇప్పటికే విడుదలైన పాటలు బావున్నాయనే టాక్ రావంతో..అప్పటి ఖుషీ లా ఇదికూడా సూపర్ హిట్ అవడం పక్కా అని ఫిక్సైపోయారు. అయితే చైతూ-సామ్ స్టోరీనే ఈ మూవీగా తెరకెక్కించారా అనే డిస్కషన్ నడుస్తోంది.
జాతకంలో దోషమే కారణమా!
రీసెంట్ గా విడుదలైన ట్రైలర్ చూస్తే ఇదొక ప్రేమ కథ అనే విషయం స్పష్టంగా అర్థమౌతోంది. పాటల్లో చూసినప్పుడు మాత్రం సమంత ముస్లిం ఏమో అనుకున్నారు కానీ సినిమాలో ఆమె అచ్చమైన హిందూ అనే క్లారిటీ ఇచ్చారు. బ్రాహ్మిణ్ అమ్మాయిని, క్రిస్టియన్ అబ్బాయి ప్రేమిస్తాడు. అబ్బాయి కుటుంబం పెళ్లికి ఒప్పుకున్నా అమ్మాయి కుటుంబం అంగీకరించదు. ఇంట్లోంచి బయటకు వచ్చేసి పెళ్లిచేసుకుంటుంది. కొన్నాళ్ల పాటూ అద్భుతంగా ఉన్న వారి జీవితంలో కలతలు ప్రారంభమవుతాయి. మా నాన్న చెప్పినట్టు జాతకంలో దోషమే కారణమా అనే డైలాగ్ చెబుతుంది సమంత….ఇలా మొత్తం ట్రైలర్ గమనిస్తే చైతూ-సమంత కథనే ఖుషిగా మలిచారా అనే సందేహాలొస్తున్నాయి అంటున్నారు సినీ ప్రియులు.
రియల్ స్టోరీ సేమ్ టు సేమ్
సినిమాలో క్రిస్ట్రియన్ అబ్బాయిని హిందూ అమ్మాయి పెళ్లిచేసుకుంటుంది. రియల్ లైఫ్ లో క్రిస్టియన్ అయిన సమంత చైతూని ప్రేమించి పెళ్లిచేసుకుంది. కొన్నాళ్లు అద్భుతమైన జంట అనిపించుకున్నా ఆ తర్వాత ఇద్దరి మధ్యా కలతలు వచ్చాయి. కారణాలేంటన్నది స్పష్టంగా తెలియకపోయినా పరస్పర అంగీకారంతోనే విడిపోయారు. వీళ్లు విడిపోవడానికి కారణం వీరి జాతకాలు కలవకపోవడమే అని వేణు స్వామి చెప్పిన కామెంట్స్ వైరల్ అయ్యాయి. ‘ఖుషి’ (Khushi) సినిమాలో కూడా విజయ్ దేవరకొండ సమంత ఇద్దరు జాతక దోషం వల్ల విడిపోయారా అన్న సందేహాన్ని కలిగించారు.
ఏది ఏమైనా ట్రైలర్ చూస్తే మాత్రం పక్కాగా సమంత నాగచైతన్య జీవితాన్ని చూసినట్లే అనిపిస్తోందని కామెంట్స్ పెడుతున్నారు. ఇదే నిజమైతే అక్కినేని ఫ్యాన్స్, అక్కినేని కుటుంబ సభ్యులు ఈ సినిమాపై ఏ విధంగా స్పందిస్తారనేది చూడాలి. సెప్టెంబరు 1న థియేటర్లలో సందడి చేయనుంది ఖుషి.
