‘బాహుబలి’ తర్వాత వచ్చిన ‘సాహో’ ‘రాధేశ్యామ్’ ‘ఆదిపురుష్’ ప్రభాస్ అభిమానులను ఆశించిన స్థాయిలో మెప్పించలేదు. దీంతో డార్లింగ్ అభిమానులంతా ‘సలార్’ పైనే భారీ ఆశలు , అంచనాలు పెట్టుకున్నారు. బ్లాక్ బస్టర్ హిట్ ‘కేజీయఫ్’ సిరీస్ ఫేమ్ డైరెక్టర్ ప్రశాంత్ నీల్ తెరకెక్కిస్తున్న మూవీ కావడంతో అంచనాలు ఓ రేంజ్ లో ఉన్నాయి. తాజాగా ఈ మూవీకి సంబంధించి టీజర్ విడుదలైంది. టీజర్ వచ్చిన కొన్ని గంటల్లోనే ట్రెండ్ సెట్ చేసింది కానీ యంగ్ రెబల్ స్టార్ ఫ్యాన్స్ ని మాత్రం డిస్సప్పాయింట్ చేసిందట…ఎందుకంటే…
‘సలార్’ టీజర్ పై ట్రోల్స్
ప్రభాస్ ‘సలార్’ టీజర్ రికార్డ్ సృష్టించింది. విడుదలైన రెండు గంటల్లోనే ఏకంగా ఐదు మిలియన్స్ వ్యూస్‌ని సాధించి రికార్డ్ క్రియేట్‌ చేసింది. KGF రాఖీ భాయ్ ను మించిన ఎలివేషన్ ఇచ్చారు. “సింపుల్ ఇంగ్లీష్.. నో కన్ఫ్యూజన్… లయన్ చీతా టైగర్ ఎలిఫెంట్ వెరీ డేంజరస్.. బట్ నాట్ ఇన్ జురాసిక్ పార్క్. బికాజ్ ఇన్ దట్ పార్క్.. దేర్ ఈజ్ ఏ..అంటూ డైలాగ్ మధ్యలో ఉండగానే పవర్ఫుల్ BGM భారీ విజువల్స్ తో ప్రభాస్ ను చూపించడం హైలెట్. బ్లాక్ అండ్ వైట్ బ్యాక్ గ్రౌండ్ లో కోల్ మైనింగ్ ఏరియాలో కత్తి పట్టుకుని విలన్లుపై విరుచుకుపడుతున్నట్టుగా ప్రభాస్ ను చూపించారు. ఫేస్ చూపించకపోవడంతో కొంత డిస్సప్పాయింట్ అయ్యారు అభిమానులు. చివర్లో పార్ట్ 1 అని రావడంతో KGF లా రెండు పార్టుల్లో రాబోతోందని క్లారిటీ వచ్చేసింది. అయితే సలార్ టీజర్ మాత్రం అభిమానుల అంచనాలను అందుకోలేకపోయిందనే కామెంట్స్ వస్తున్నాయి. మరోవైపు అతిగా అంచనాలు పెట్టుకోపోవడం వల్ల కూడా సలార్ టీజర్ కొందర్ని నిరాశపర్చిందంటున్నారు.
టీజర్ మొత్తం KGF వాసనే!
సలార్ టీడర్ ప్రారంభం నుంచి ఎండింగ్ వరకూ KGF కి సీక్వెల్ చూస్తున్నట్టే ఉందనే అభిప్రాయాలు వ్యక్తమవుతున్నాయి. పైగా అవే లోకేషన్లు, అదే చీకటి, అదే బొగ్గు, ఆ చీకటిలోనే షూటింగ్..సేమ్ టు సేమ్ మరో రాఖీభాయ్ లా ఉన్నాడు ప్రభాస్. సలార్.. కేజీఎఫ్‌కి రీమేక్‌ అని, లేదంటే ఆ సినిమాకి కాపీ వెర్షన్‌ అని ట్రోల్ చేస్తున్నారు. లోకేష్ కనగరాజ్ ఖైదీ – విక్రమ్ సినిమాలకు ముడిపెట్టినట్టే ఇప్పుడు ప్రశాంత్ నీల్ కూడా కేజీఎఫ్ కి సలార్ కి ఓ లింక్ తగిలించాడా అని నెట్టింట్లో చర్చ చేస్తున్నారు. కొండంత ఆశతో ఎదురుచూస్తే ఇలా చేశారేంటంటూ సోషల్ మీడియాలో పోస్టులు పెడుతున్నారు.
ఆదిపురుష్ టైమ్ లోనూ ఇదే జరిగింది
‘ఆదిపురుష్’ మూవీ టీజర్ విడుదలైనప్పుడు కూడా ఇంచుమించు ఇవే విమర్శలొచ్చాయి. టీజర్లో విజువల్స్ క్లారిటీ లేవని, వీఎఫ్‌ఎక్స్ క్వాలిటీగా లేవని, బొమ్మల సినిమా చూసినట్టుందని కామెంట్స్ చేశారు. అలా మార్పులు చేర్పులు చేసుకుంటూ వెళ్లినా సినిమా విడుదలయ్యేసరికి ఆ దుమారం మరింత పెరిగిందే కానీ తగ్గలేదు. ఇప్పుడు సలార్ మూవీపైనా సేమ్ కామెంట్స్ వస్తున్నాయి.
సెప్టెంబరు 28న విడుదల
రెండు పార్టులుగా రాబోతున్న సలార్ లో ప్రభాస్ సరనస శృతి హాసన్ హీరోయిన్ గా నటించింది. ఆద్య అనే జర్నలిస్ట్ పాత్రలో శ్రుతి మెరిసిందని టాక్. పృథ్వీరాజ్‌ సుకుమారన్‌ విలన్‌గా , జగపతిబాబు కీలకపాత్రలో నటించాడు. హోంబలే ఫిల్మ్స్ దీన్ని దాదాపు 400కోట్లతో నిర్మించిందట. సెప్టెంబర్‌ 28న ప్రపంచ వ్యాప్తంగా పాన్ ఇండియా రేంజ్‌లో విడుదలకు సిద్ధమవుతోంది. మరి సలార్..మరో కేజీఎఫ్ అని రేగుతున్న విమర్శల దుమారానికి ప్రశాంత్ నీల్ చెక్ పెట్టగలడా ..ముందే జాగ్రత్తపడతాడా..’ఆదిపురుష్’ ఎఫెక్ట్ నుంచి ప్రభాస్ బయటపడతాడా..వెయిట్ అండ్ సీ…
