సౌత్ సినిమా ఇండస్ట్రీలో త్రిష ప్రస్థానం చాలా ప్రత్యేకం. రెండు దశాబ్దాలకు పైగా ఇండస్ట్రీలో వెలుగుతున్న ఈ చెన్నై చంద్రం వయసు పెరిగే కొద్దీ వన్నెతరగని అందంలో ప్రేక్షకులను మాయచేస్తోంది. తాజాగా రిలీజైన పొన్నియన్ 2 మూవీలో త్రిషను చూసి వావ్ అనని వారుండరేమో. అందం..అంతకు మించిన నటనతో ప్రేక్షకులను చూపుతిప్పుకోనివ్వకుండా చేసింది. మే 4 త్రిష బర్త్ డే..
ప్రస్తుతం బాక్సాఫీస్ వద్ద సూపర్ హిట్ టాక్తో సక్సెస్ ఫుల్గా రన్ అవుతున్న సినిమా పొన్నియన్ సెల్వన్ 2. మణిరత్నం దర్శకత్వంలో తెరకెక్కిన ఈ సినిమా రెండు భాగాలుగా వచ్చింది..ప్రస్తుతం రెండో భాగం థియేటర్లలో సందడి చేస్తోంది. ఇందులో విక్రమ్ చియాన్, త్రిష, కార్తి, జయం రవి, ఐశ్వర్య రాయ్, శోభితా ధూళిపాళ్ల, ఐశ్వర్య లక్ష్మి ప్రధాన పాత్రలోల నటించారు..అయితే ఈ సినిమా ప్రమోషన్ ఈవెంట్స్ లో ఎక్కువగా హైలెట్ అయ్యింది మాత్రం త్రిష. ఎందుకంటే గతంలో కన్నా మరింత అందంగా మెరిసిపోతోంది..ఇప్పటికీ 20 లోనే ఉన్నట్టుంది ఈ చెన్నై చంద్రం. ప్రమోషన్ ఈవెంట్స్ లోనే కాదు..తెరపై కూడా త్రిష అందర్నీ డామినేట్ చేసేసిందంటున్నారు సినీ ప్రియులు. పొన్నియన్ సెల్వన్ మూవీ సక్సెస్ సంగతి పక్కనపెడితే ఈ సినిమాలో త్రిషను చూసినవారంతా..మళ్లీ అప్పట్లో ఆమె ఎంట్రీ ఇచ్చిన రోజులను గుర్తుచేసుకుంటున్నారు…
దాదాపు రెండు దశాబ్దాలుగా సినీ పరిశ్రమలో స్టార్ హీరోయిన్ గా కొనసాగుతోంది త్రిష. 1983 మే 4న పుట్టిన త్రిష..’నీ మనసు నాకు తెలుసు’ సినిమాతో ఇండస్ట్రీకి పరిచయమైనా..వర్షం సినిమాతో సూపర్ హిట్ అందుకుంది. ఆ తర్వాత త్రిష ఉంటే సినిమా హిట్టు అనేంతగా ఓ వెలుగు వెలిగింది. అగ్రహీరోలు, యంగ్ హీరోలు అందరితోనూ నటించింది. రెండు దశాబ్దాల కెరీర్లో మధ్యలో కాస్త బ్రేక్ వచ్చింది..ఇక త్రిష కెరీర్ క్లోజ్ అయిపోయినట్టే అనుకున్నారు కానీ..పొన్నియన్ సెల్వన్ సినిమాతో అన్నటికీ సమాధానం చెప్పింది. ఈ సినిమాలో త్రిష యువరాణి కుందవై పాత్రలో మంత్రముగ్దులను చేసింది..మళ్లీ యంగ్ హీరోల ప్రాజెక్టులలో నటించేందుకు సిద్ధం అన్నట్టుంది.
పొన్నియన్ సెల్వన్ కవరేజ్ లో అందరి కళ్లూ, చుట్టూ ఉన్న కెమెరాల కళ్లూ మొత్తం త్రిషమీదే. ప్రతి ఈవెంట్లో మరింత అందంగా కనిపిస్తూ తన లుక్స్ తో కట్టిపడేసింది. ఇంకేముంది..త్రిష కోసం మరిన్ని ఆఫర్స్ క్యూ కడుతున్నట్లు తెలుస్తోంది. ఇప్పటికే విజయ్ నటిస్తోన్న ‘లియో’ లో నటిస్తోంది. దాదాపు 17 ఏళ్ల తర్వాత ఈ హిట్ జోడి రిపీట్ అవడంతో ఫ్యాన్స్ కూడా ఫుల్ ఖుషీగా ఉన్నారు. ఇటు తెలుగులోనూ తగ్గేదే లే అన్నంత రేంజ్ లో త్రిష మళ్లీ దూసుకొచ్చేలా ఉంది. ఏదేమైన 40వ బర్త్ డే త్రిషకు చాలా స్పెషల్
