ఇండస్ట్రీలో ఒక్కోసారి ఒక్కో ట్రెండ్‌ నడుస్తుంటుంది. ఓసారి యాక్షన్‌, ఫ్యాక్షన్‌ స్టోరీలు..మరోసారి లవ్ స్టోరీలు..ఇంకోసారి హారర్ కామెడీ జోరు. అప్పటికి ఏది సక్సెస్ ఫార్ములానో గుర్తించి దాన్నే అందరూ ఫాలో అయిపోతుంటారు. 2024 మాత్రం అందుకు భిన్నంగా ఉండబోతోంది. ఈ ఏడాది సీక్వెల్స్ జోరు కనిపించనుంది. ఒకటి కాదు రెండు కాదు ఏకంగా అరడజనుకి పైగా సీక్వెల్స్ సందడి చేయబోతున్నాయి. అవేంటో చూద్దాం..
పుష్ప 2
మోస్ట్ అవైటెడ్ మూవీ పుష్ప సీక్వెల్. అల్లు అర్జున్-సుకుమార్ కాంబోలో తెరకెక్కుతోన్న ‘పుష్ప-2’ 2024 ఆగస్టులో రిలీజ్ కానుంది. ‘పుష్ప-1’ సూపర్ హిట్ కావటం అంతకు మించి అనేలా తెరకెక్కిస్తుండటంతో సినిమాపై దేశవ్యాప్తంగా భారీ అంచనాలే నెలకొన్నాయి.
కాంతారా ప్రీక్వెల్
పుష్ప తర్వాత ఇంచుమించు అదే రేంజ్ లో అంచనాలు క్రియేట్ చేస్తోంది కాంతారా ప్రీక్వెల్. చిన్న సినిమాగా వచ్చి ప్రభంజనం సృష్టించిన ఈ మూవీకి ప్రీక్వెల్ ని భారీ బడ్జెట్ తో తెరకెక్కిస్తున్నారు. ఎప్పుడెప్పడు థియేటర్లలోకి వస్తుందా అని ప్రేక్షకులు వెయిటింగ్
ఇండియన్ 2
సెన్సేషన్ డైరెక్టర్ శంకర్ – లోకనాయకుడు కమల్ హాసన్ కాంబోలో తెరకెక్కుతున్న ఇండియన్ 2 సినిమాపై ఎక్స్ పెక్టేషన్స్ పీక్స్ లో ఉన్నాయి. షూటింగ్ ప్రారంభించిన ప్రతిసారీ ఏదో కారణాలతో పలుమార్లు వాయిదా పడిన ఈమూవీ..వచ్చే ఏడాది థియేటర్లలోకి వచ్చేందుకు సిద్ధమవుతోంది.
డబుల్ ఇస్మార్ట్
ఇస్మార్ట్ శంకర్ మూవీకి సీక్వెల్ గా వస్తోంది డబుల్ ఇస్మార్ట్ . రామ్-పూరీ జగన్నాథ్ కాంబోలో వచ్చిన ఈమూవీ మాస్ ప్రేక్షకులికి ఫుల్ మీల్స్ పెట్టింది. రామ్ లుక్ నుంచి సాంగ్స్ వరకూ మాస్ జాతరే అనిపించింది. ఇప్పుడీమూవీకి సీక్వెల్ గా 2024 మహాశివరాత్రికి వచ్చేస్తోంది టిల్లు స్కేర్.
డీజే టిల్లు స్కేర్
డీజే టిల్లు మూవీ ఎంత సన్షేషన్ క్రియేట్ చేసిందో ప్రత్యకంగా చెప్పాల్సిన అవసరం లేదు. అందులో డైలాగ్స్ యూత్ ను ఓ రేంజ్ లో కట్టిపడేశాయి. సిద్ధూ జొన్నలగడ్డ , నేహా శెట్టి జంటగా నటించిన కామెడీ రొమాంటిక్ థ్రిల్లర్ ‘డీజే టిల్లు’కు సీక్వల్ వచ్చేస్తోంది టిల్లు స్క్వేర్. ఇది కూడా హిట్టైతే టిల్లు క్యారెక్టర్‌ కూడా ఓ ఫ్రాంచైజీగా మారే అవకాశం ఉంది.
ఇంకా చెప్పుకుంటే…అడివిశేష్ గూఢ‌చారి-2 కూడా ప్రేక్షకుల‌కు థిల్‌ను పంచ‌డానికి రెడీ అవుతోంది. యంగ్‌ హీరో నారా రోహిత్‌ ప్రస్తుతం ప్రతినిధి-2 చేస్తున్నాడు. మత్తు వదలరా సినిమాకు సీక్వెల్ తెరకెక్కుతోంది. ఫిబ్రవరి నెలలోనే షూటింగ్ స్టార్ట్ చేసి శరవేగంగా కంప్లీట్ చేసి జులై లోనే రిలీజ్ కి తీసుకొచ్చేస్తారని టాక్. ఇలా దాదాపు అరడజనుకి పైనే సీక్వెల్స్ 2024 లో థియేటర్లలో సందడిచేయబోతున్నాయి. మరి వీటిలో ఎన్ని సక్సెస్ అవుతాయో చూడాలి.
