ఆంధ్రప్రదేశ్‌లో పర్యటించాలని, అభివృద్ధి పనులను ప్రారంభించాలని ప్రధానమంత్రి నరేంద్రమోదీని ఏపీ బీజేపీ ప్రధాన కార్యదర్శి విష్ణువర్ధన్ రెడ్డి కోరారు. బెంగళూరులో ప్రధాని మోదీని విష్ణువర్ధన్ రెడ్డి కలిశారు. కర్ణాటక ఎన్నికల్లో కేంద్ర పార్టీ ఆదేశాల మేరకు.. ప్రధానమంత్రి నరేంద్రమోదీ గారి ఏన్నికల పర్యటన వ్యవహారాల్లో బాధ్యతలు నిర్వహిస్తున్నాను . ఈ సందర్భంగా రెండు రోజుల పాటు తీరిక లేకుండా కర్ణాటకలో ప్రచారం చేస్తున్నారు ప్రధాని మోదీ. ప్రధాని మోదీ నిర్వహించిన బహిరంగసభల బాధ్యతల్లో విష్ణువర్ధన్ రెడ్డి కీలక పాత్ర పోషించారు. ఈ సందర్భంగా ప్రధాని మోదీ .. విష్ణువర్ధన్ రెడ్డితో మాట్లాడారు.
ఏపీలో పర్యటనకు రావాలని విజ్ఞప్తి చేసిన విష్ణువర్ధన్ రెడ్డి
మన్ కీ బాత్ వందో ఎపిసోడ్ శుభాకాంక్షాలను ప్రధాని మోదీకి విష్ణువర్ధన్ రెడ్డి తెలియచేశారు. అలాగే ఏపీలో కేంద్ర ప్రభుత్వం నిధులతో పెద్ద ఎత్తున అభివృద్ధి పనులు జరుగుతున్నాయని అలాగే సంక్షేమ పథకాలు కూడా కేంద్ర నిధులతో రాష్ట్రంలో చాలా వరకు అమలవుతున్నందున.. ఏపీలో పర్యటించాలని విజ్ఞప్తి చేశారు. అభివృద్ధి పనుల ప్రారంభోత్సవాలు.. అలాగే బహిరంగసభలోనూ పాల్గోని ప్రసంగించాలని విజ్ఞప్తి చేశారు. దానికి మోదీ సానుకూలంగ ాస్పందించారు. ఏపీలో జరుగుతున్న అన్ని విషయాలపై స్పష్టమైన అవగాహన ఉన్నదని ఆయన స్పందన ద్వారా అర్థం చేసుకున్నట్లు విష్ణువర్ధన్ రెడ్డి తెలిపారు.
ప్రధాని ఆదేశాల మేరకే చార్జిషట్ల కార్యక్రమం
గతంలో విశాఖ పర్యటనకు నరేంద్రమోదీ వచ్చినప్పుడు ఆయన ఆదేశాలు, సూచనల మేరకే ఏపీ బీజేపీ నేతలు పెద్ద ఎత్తున వైసీపీ ప్రభుత్వంపై పోరుబాట ప్రారంభించారు. మూడు రోజుల పాటు చార్జిషీట్లు దాఖలు చేయనున్నారు. ఏపీ ప్రభుత్వంపై పోరాటానికి మోదీ విలువైన సూచనలు ఇచ్చారు. వాటిని పాటించడం ద్వారా ప్రధాని మోదీ అడుగుజాడల్లో ఏపీలోపార్టని బలపరచాలని ప్రయత్నిస్తున్నారు.
కర్ణాటక ఎన్నికల్లో మోదీ ప్రచారానికి విశేష స్పందన
కర్ణాటక ఎన్నికల్లో ప్రధాని మోదీ సభలకు విశేషమైన స్పందన వచ్చింది. ఎక్కడ చూసినా మోదీ, మోదీ అనే నామస్మరణే వినిపించింది. ప్రధాని మోదీ సభల కోసం ప్రత్యేకంగా విధులు నిర్వహించడం అదృష్టంగా భావిస్తున్నానని విష్ణువర్ధన్ రెడ్డి ప్రకటించారు. కచ్చితంగా కర్నాటకలో బీజేపి ప్రభుత్వం తిరిగి వస్తుందని ఆశాభావం వ్యక్తం చేశారు. క్షణం తీరిక లేకపోయినా మోదీ నఎప్పటికప్పుడు నిత్యనూతనంగా … ఒక శ్రద్ధతో.. అధ్యాత్మికమైన పనిలాగా ఎన్నికల ప్రచారం చేయడం చూసి యువ నేతలు ఎంతో స్ఫూర్తి పొందుతారని విష్ణువర్ధన్ రెడ్డి వ్యాఖ్యానించారు. కర్ణాటక ఎన్నికల్లో పని చేస్తున్న నేతంలందరికీ మోదీ గారి పర్యటన , పార్టీ పని ఓ పాఠం లాంటిది. ప్రజలకు ఎలా భరోసా ఇవ్వాలి.. చేసిన అభివృద్ధి వివరించి ప్రజల నమ్మకాన్ని ఎలా చూరగొనాలి.. అనేది మోదీ గారి నుంచి ఎంత నేర్చుకున్నా ఇంకా మిగిలే ఉంటుందన్నారు. కర్ణాటకలో మళ్లీ కమల వికాసం ఉంటుందన్న నమ్మకాన్ని వారి సభలకు వస్తున్న స్పందనతో ప్రధాని మరింత పెంచారని ఆయన తెలిపారు .
