మంచు విష్ణు టైటిల్‌ రోల్ పోషిస్తూ కన్నప్ప మూవీ తెరకెక్కిస్తున్నాడు. ఈ సినిమాలో మోహన్‌లాల్‌, మోహన్‌బాబు, ప్రభాస్ వంటి ప్రముఖ నటులు కనిపించనున్నారు. ఇటీవల న్యూజిలాండ్‌లో లాంగ్‌ షెడ్యూల్ పూర్తి చేసుకున్న మూవీ యూనిట్ ఇండియా వచ్చింది. తాజాగా ఈ సినిమాకు సంబంధించి ఇంట్రెస్టింగ్ అప్ డేట్ సోషల్ మీడియాలో చక్కర్లు కొడుతోంది…
ఈ మూవీలో ప్రభాస్ శివుడిగా నటిస్తున్నట్లు గత కొద్ది నెలలుగా వార్తలు వచ్చాయి. త్వరలోనే ఓ షెడ్యూల్ ప్రారంభం కానుందని, అందుకు గాను నిర్మించిన భారీ సెట్ లో ప్రభాస్ పై కీలక సన్నివేశాలు చిత్రీకరించనున్నట్లు సమాచారం. అయితే ప్రభాస్ శివుడిగా, నయనతార పార్వతిగా నటిస్తున్నారని అన్నారు. కానీ ఈ ప్రాజెక్ట్ లో నయన్ భాగమవ్వడంలేదట. ఆమె డేట్స్ సెట్ అవ్వకపోవడంతో ఈ ప్రాజెక్ట్ కి గ్రీన్ సిగ్నల్ ఇవ్వలేదని టాక్. దీంతో ఆ ప్లేస్ లోకి బాలీవుడ్ కర్లీ హెయిర్ బ్యూటీ, ఫైర్ బ్రాండ్ కంగనాను తీసుకొచ్చారని తెలుస్తోంది
ఏక్ నిరంజన్ తర్వాత మరోసారి
నయనతార డేట్స్ దొరక్కపోవడంతో కంగనను మేకర్స్ సంప్రదించారట. అందుకు ఆమె కూడా ఓకే చెప్పినట్లు తెలుస్తోంది. దీనిపై త్వరలోనే అఫీషియల్ అనౌన్స్ మెంట్ రానుంది. గతంలో ఓఇంటర్యూలో మాట్లాడిన కంగనా… తనకు ఓ తెలుగు చిత్రంలో పార్వతీ దేవి రోల్ ఆఫర్ వచ్చిందని చెప్పింది. మూడు- నాలుగు రోజుల షూట్ ఉంటుందని కూడా అంది. అది ఇదే అన్నది ఇప్పుడు క్లారిటీ వచ్చిందంటున్నారు నెటిజన్లు.
హీరోయిన్ ప్లేస్ కూడా రీప్లేస్
కన్నప్ప సినిమాలో ముందుగా అనుకున్న హీరోయిన్ నుపుర్ సనన్ కానీ కొన్ని కారణాల వల్ల ఆమె ప్రాజెక్ట్ నుంచి తప్పుకుంది. దీంతో హీరోయిన్ గా కూడా మరోబ్యూటీని తీసుకునే పనిలో ఉన్నారు. ఇందులో నటీ నటులు ఎవరన్నది త్వరలోనే క్లారిటీ ఇవ్వనుందట మూవీ టీమ్.
ఏవీఏ ఎంటర్టైన్మెంట్స్, 24 ఫ్రేమ్స్ ఫ్యాక్టరీ సంస్థలు భారీ స్థాయిలో నిర్మిస్తున్న ‘కన్నప్ప’ సినిమా ఈ ఏడాది చివర్లో రిలీజ్ అయ్యే అవకాశం ఉంది.
