ప్లే బ్యాక్ సింగర్‌గా, డబ్బింగ్‌ ఆర్టిస్ట్‌గా తెలుగు ఇండస్ట్రీలో తనకంటూ ఓ ప్రత్యేక గుర్తింపు తెచ్చుకున్న సునీత ప్రస్తుతం టాప్ సింగర్ గా ఓ వెలుగువెలుగుతున్నారు. తన వారసులు కూడా ఇండస్ట్రీలోకి రావాలని ఆశించిన ఆమె కుమారుడు ఆకాశ్ ని హీరోగా నిలబెట్టేందుకు తొలి అడుగు వేశారు. ఆ మూవీకి సంబంధించి ఫస్ట్ లుక్ విడుదలైంది
ఆకాష్ హీరోగా ‘సర్కారు నౌకరి’
గాయని సునీత కుమారుడు ఆకాష్ ‘సర్కారు నౌకరి’ సినిమాతో హీరోగా వచ్చేస్తున్నాడు. దర్శకేంద్రుడు రాఘవేంద్రరావు నిర్మాతగా వ్యవహరిస్తోన్న ఈ సినిమాకు గంగనమోని శేఖర్ డైరెక్ట్‌ చేస్తున్నాడు. గత కొంత కాలంగా ఈ సినిమా షూటింగ్ శరవేరంగా జరుగుతోంది. తాజాగా ఫస్ట్ లుక్ పోస్టర్ విడుదలైంది. థియేటర్ ఆర్టిస్ట్ భావన వాజపండల్ ఇందులో హీరోయిన్. తాజాగా విడుదలైన ‘సర్కారు నౌకరి’ ఫస్ట్ లుక్ పోస్టర్ చూస్తుంటే ఈ మూవీ పిరియాడిక్ డ్రామాగా తెరకెక్కుతున్నట్లు తెలుస్తుంది. పోస్టర్లో బ్యాక్ గ్రౌండ్ లో చెట్టుపై ఫస్ట్ ఎయిడ్ బాక్స్ వేలాడుతూ కనిపించగా సైకిల్ పై ఉన్న హీరో లుక్ వదిలారు. పెట్టెపై ‘పెద్ద రోగం చిన్న ఉపాయం’ అని రాసి ఉంది. ఈ పోస్టర్లో చూస్తే ఆకాష్ లుక్ సాధారణంగా ఉంది. ఈ మూవీలో తనికెళ్ల భరణి కీలక పాత్రను పోషిస్తుండగా. సూర్య, సాయి శ్రీనివాస్ వడ్లమాని, మణిచందన, రాజేశ్వరి ముళ్లపూడి, రమ్య కొల్హారి, త్రినాథ్ నటిస్తున్నారు. సురేష్ బొబ్బిలి సంగీత దర్శకుడు.
సునీత ఏమోషనల్ పోస్ట్
1980 నాటి జరిగిన కథాంశంతో తెరకెక్కిన సర్కార్‌ నౌకరి సినిమాకు సంబంధించి ఆకాశ్ ఫస్ట్ లుక్ రిలీజైన సందర్భంగా కుమారుడికి అభినందనలు తెలుపుతూ సామాజిక మాధ్యమాల్లో ఓ ఎమోషనల్ పోస్ట్ షేర్‌ చేశారు సునీత. ‘కంగ్రాట్స్‌ ఆకాశ్.. ఈరోజు ఒక కుమారుడితో పాటు తల్లి కల కూడా సాకారమైంది. ప్రపంచంతో నువ్వు పంచుకోనున్న కథను తెలియజేయడంతో పాటు. నటుడిగా ఎదగాలన్న కలను సాకారం చేసుకోవడం కోసం నువ్వు పడిన శ్రమ, యాక్టింగ్‌ పట్ల నీకున్న ఆసక్తి, నిబద్ధత, నీ త్యాగాలకు ఈ పోస్టర్ అద్ధం పడుతోంది. సినిమా పట్ల నీకున్న ఆసక్తిని ఈ ప్రపంచం త్వరలోనే చూడనుంది. నీకు అంతా మంచే జరగాలంటూ కోరుకుంటున్నా’ అని పోస్ట్ పెట్టారు సునీత. సోషల్ మీడియాలో వైరల్ అవుతున్న ఈ పోస్ట్ పై సినీ ప్రముఖులు, నెటిజన్లు, అభిమానులు ఆమె కుమారుడికి విషెస్‌ చెబుతున్నారు. వందల పాటలతో చిత్రపరిశ్రమలో తనదైన ముద్ర వేసిన సునీత ఎన్నో పాపులర్ సింగింగ్ రియాలిటీ షోల జడ్జిగాను కనిపించింది. ఇప్పటికీ యంగ్ హీరోయిన్లకు పోటీగా ఉంటుంది సునీత లుక్. ఇంత పెద్ద కొడుకున్నా ఆమె లుక్ చూసి సునీత సంతూర్ మమ్మీ అంటూ నెటిజన్లు సరదాగా కాంప్లిమెంట్స్ ఇస్తున్నారు.
