ఇండస్ట్రీకి ముఖ్యంగా మూడు సీజన్లుంటాయి. సంక్రాంతి, సమ్మర్, దసరా… అయితే ఈ ఏడాది ఆగస్టు 15 స్వతంత్ర్య దినోత్సవం కూడా ఇందులో చేరింది…ఈ ఒక్కరోజే అరడజనుకి పైగా సినిమాలు సందడి చేసేందుకు సిద్ధంగా ఉన్నాయి…
సంక్రాంతికి ఎంత పోటీ ఉందో..సమ్మర్లోనూ తగ్గేదేలే అన్నట్టు ఉంటుంది ఇండస్ట్రీలో పరిస్థితి. ఆ తర్వాత మళ్లీ దసరా వరకూ హడావుడి లేదనుకుంటే పొరపాటే…ఈ ఏడాది ఆగస్టు 15కి కూడా బాక్సాఫీస్ దగ్గర పెద్ద ఫైటే ఉంది.
పుష్ప 2 ది రూల్
ఆగష్టు 15న పుష్ప 2 ది రూల్ ఆల్రెడీ రిలీజ్ లాక్ చేశాడు. పుష్ప 1 సెన్సేషనల్ హిట్ అవ్వడంతో పుష్ప 2 మీద నేషనల్ లెవెల్ లో భారీ హైప్ ఉంది. ఈ సినిమా ఆగష్టు 15న విడుదల కానుంది. పుష్ప 2 రిలీజ్ వాయిదా పడితే పడొచ్చేమో అనే సందేహాలు వ్యక్తం అవున్నాయి కానీ పక్కాగా వచ్చేస్తుందనే చెబుతున్నారు మేకర్స్.
దేవర
ఎన్టీఆర్- కొరటాల శివ దర్శకత్వంలో తెరకెక్కుతున్న దేవర సినిమా మొదటి భాగం ఏప్రిల్ 5న రిలీజ్ అనుకున్నారు. కానీ ఆ సినిమా ఆ డేట్ న రావడం కష్టమనే తెలుస్తోంది. సమ్మర్ వార్ లో ఎలాగూ మిస్సవుతుంది కాబట్టి ఆ తర్వాత వచ్చే ముఖ్యమైన డేట్ ఆగస్టు 15…అందుకే ఆ రోజు రిలీజ్ చేయాలన ప్లాన్ చేస్తున్నారు.
ఇండియన్ 2
బాక్సాఫీస్ దగ్గర సంచలనం సృష్టించిన భారతీయుడు సినిమాకు సీక్వెల్ గా వస్తోంది భారతీయుడు 2..అదే ఇండియన్ 2. కమల్-శంకర్ కాంబోలో తెరకెక్కుతోన్న ఈ మూవీ ఎప్పుడో రిలీజ్ కావాల్సి ఉంది కానీ షూటింగ్ వాయిదా పడుతూ వస్తోంది. తాజాగా ఈ మూవీ కూడా ఆగస్టు 15 కి ఫిక్స్ చేశారని టాక్. పాన్ ఇండియా రేంజ్ లో రిలీజవుతోన్న ఈ మూవీపై మంచి బజ్ ఉంది…
కంగువ
సూర్య నటిస్తున్న కంగువ సినిమా కూడా ఆగష్టు ఫైట్ లో దించుతున్నారట. శివ డైరెక్షన్ లో తెరకెక్కుతున్న ఈ సినిమాను ఆగష్టు 15న రిలీజ్ చేసే ప్లాన్ చేస్తున్నారు. పీరియాడికల్ కథతో వస్తున్న ఈ సినిమాలో సూర్య లుక్స్ చాలా డిఫరెంట్ గా ఉన్నాయి. ఈ సినిమా కూడా ఇండిపెండన్స్ డే రిలీజ్ సినిమాల రేసులో నిలవనుందని టాక్
వెట్టయన్
సూపర్ స్టార్ రజినికాంత్ టీ జే జ్ఞానవెల్ కాంబోలో వస్తున్న వెట్టయన్ కూడా ఆగష్టు 15న రిలీజ్ చేయాలని అనుకుంటున్నారట.
సరిపోదా శనివారం
ఆగష్టు 15న సరిపోదా శనివారం తో వస్తున్నాడు నాని. వివేక్ ఆత్రేయ డైరెక్షన్ లో తెరకెక్కుతున్న ఈ సినిమాకు డివివి దానయ్య నిర్మాత. పుష్ప 2, దేవర వచ్చినా కానీ నాని మాత్రం తగ్గేలా లేడు.
సింగం ఎగైన్
అజయ్ దేవగన్ రోహిత్ శెట్టి కాంబినేషన్ లో వస్తున్న సింగం ఎగైన్ కూడా ఆగష్టు 15న రిలీజ్ లాక్ చేశారు. సింగం సీరీస్ లతో సూపర్ పాపులర్ అయిన రోహిత్ శెట్టి అజయ్ దేవగన్ కాంబోలో వస్తున్న ఈ సినిమాపై కూడా బాలీవుడ్ లో భారీ హైప్ ఉంది.
తెలుగులో పుష్ప 2 దాదాపు ఫైనల్..దేవర డేట్ ఇంకా కన్ఫామ్ చేయాల్సి ఉంది. ఈ రెండు ఫిక్సైతే మిగిలిన సినిమాలన్నీ అదే రోజు దిగుతాయా లేదంటే కొంచెం గ్యాప్ తీసుకుని వస్తాయా చూడాలి…
