టాలీవుడ్ లో స్టార్ హీరోయిన్ హోదా ఎంజాయ్ చేస్తోన్న రష్మిక ఇప్పుడు బాలీవుడ్ లోనూ ఓ వెలుగువెలిగేందుకు ప్రయత్నాలు చేస్తోంది. అక్కడ వరుస సినిమాలతో సందడి చేస్తోంది. తాజాగా షారుక్ ఖాన్ తో కలసి నటించే ఆపర్ కొట్టేసిందట నేషనల్ క్రష్ రష్మిక…
బాలీవుడ్ లోనూ స్టార్ హీరోయిన్ గా ఎదిగేందుకు గట్టి ప్రయత్నాలు చేస్తోన్న రష్మిక వరుసగా గుడ్ బై, మిషన్ మజ్నూ సినిమాల్లో నటించింది. కానీ ఆ రెండు సినిమాలు ఆశించిన స్థాయిలో సక్సెస్ కాలేదు. అయినప్పటికీ ఆఫర్లైతే వస్తున్నాయి. తాజాగా రష్మికకు బంపర్ ఆఫర్ తగిలినట్టు టాక్. ఏకంగా బాలీవుడ్ బాద్ షా షారూక్ ఖాన్ తో నటించే అవకాశం దక్కించుకుందట. ఇందులో నిజం ఎంతుందో తెలీదు కానీ ప్రచారం మాత్రం జోరుగానే సాగుతోంది. చాలా మంది హీరోయిన్స్ కి షారూక్ తో నటించడం అనేది చాలా పెద్ద డ్రీమ్. నిజంగా ఈ వార్త నిజం అయితే రష్మిక నక్కతోక తొక్కినట్లే. అయితే ఇది సినిమా కోసం కాదు. ఓ యాడ్ కోసమని తెలుస్తోంది. హిందీ ప్రముఖ నిర్మాణ సంస్థ యష్ రాజ్ ఫిలిమ్స్ నిర్మిస్తోన్న ఓ కమర్షియల్ యాడ్‌లో ఈ ఇద్దరూ కలిసి నటించనున్నారని టాక్.
బీటౌన్లో పెరుగుతున్న జోరు
కన్నడ సినీ పరిశ్రమలో ‘కిరిక్ పార్టీ’ అనే చిత్రం ద్వారా వెండితెర అరంగేట్రం చేసి, ఆ తర్వాత తెలుగు తో నాగ శౌర్య హీరో గా నటించిన ‘చలో’ తో తెలుగు ప్రేక్షకులకు పరిచయమైంది. ఆ తర్వాత విజయ్ దేవరకొండ హీరో గా నటించిన ‘గీత గోవిందం’తో ఇండస్ట్రీ రికార్డ్స్ ని షేక్ చేసి రాత్రికి రాత్రే స్టార్ హీరోయిన్ గా ఎదిగిపోయింది.అల్లు అర్జున్ తో నటింటిన ‘పుష్ప’ సినిమా పాన్ వరల్డ్ రేంజ్ లో సెన్సేషన్ సృష్టించడంతో పాన్ వరల్డ్ హీరోయిన్ గా పేరు తెచ్చుకుంది. తమిళం లో సూపర్ స్టార్ విజయ్ తో కలిసి ‘వారిసు’ హిట్ టాక్ తెచ్చిపెట్టింది. ఈ సినిమా తర్వాత ఆమె ఏకంగా బాలీవుడ్ ప్రెస్టీజియస్ ప్రాజెక్ట్ ‘ఎనిమల్’ లో ఛాన్స్ కొట్టేసింది. రణబీర్ కపూర్ – సందీప్ రెడ్డి వంగ కాంబినేషన్ లో తెరకెక్కుతున్న ఈ సినిమా విడుదలకు సిద్ధమైంది. మరోవైపు పుష్ప 2 షూటింగ్ శరవేగంగా జరుగుతోంది. తాజాగా షారుక్ తో కలసి నటించి బీటౌన్లో జోరు మరింత పెంచినట్టైంది. ఇంతకీ ఇది సినిమానా, ప్రకటనా అన్నది క్లారిటీ రావాల్సి ఉంది.
