అమెరికా పర్యటనలో ఉన్న భారత ప్రధాని నరేంద్ర మోదీ గౌరవార్థం ఏర్పాటు చేసిన ప్రత్యేక విందు ఆసక్తికర అంశాలతో నిండిపోయింది. సాధారణంగా ఇలాంటి విందులు, రాజకీయ నాయకుల కలయికలు కాస్త గంభీరంగా ఉంటాయి కానీ బైడెన్ – మోదీ మధ్యనున్న మంచి స్నేహం వల్ల విందు సమయం మొత్తం సరదాగా గడిచిపోయిందట. మోదీకి అధిక ప్రాధాన్యం ఇచ్చిన జో బైడెన్..తన తాతగారు చెప్పిన మాటల్ని విందులో ప్రస్తావిస్తూ టోస్ట్ సంప్రదాయాన్ని ఎలా పాటించాలో చెప్పారట. ‘మిస్టర్ పీఎం.. మీరు డ్రింక్ తీసుకోకపోతే ఎడమ చేత్తో టోస్ట్ గ్లాస్ తీసుకోవాలి’ అని అనగానే మోదీ నవ్వుతూ కుడిచేత్తో డ్రింక్ గ్లాస్ అందుకున్నారట.
వైట్ హౌస్ లో నాటు నాటు
వైట్ హౌస్ లో జరిగిన అధికారిక విందులో భాగంగా బైడెన్ తో మాట్లాడుతూ ప్రధాని మోదీ RRR సినిమాలో నాటు నాటు పాట గురించి ప్రస్తావించడం ఆసక్తికరంగా మారింది. భారతీయులు-అమెరికన్లు రోజురోజుకీ ఒకర్నొకరు బాగా అర్థం చేసుకుంటున్నారని , ఇరు దేశాల ప్రజలు కల్చర్ ను ఇచ్చిపుచ్చుకుంటున్నారని మాట్లాడారు మోదీ. ఈ సందర్భంగా హలోవీన్ రోజున భారత్ లో పిల్లలంతా రకరకాల వేషధారణతో ఆకట్టుకుంటే , మా నాటు నాటు సాంగ్ కి అమెరికన్ యూత్ స్టెప్పులేస్తున్నారని ఈ సందర్భంగా RRR సాంగ్ గురించి ప్రస్తావించారు. ఇదే సమయంలో అమెరికాకు వలస వచ్చిన భారతీయుల సేవల్ని మోడీ కొనియాడిన మోదీ వారు సమాజానికి, దేశాభివృద్ధికి సాయం చేస్తున్నారన్నారు. భారత్ లో జరుగుతున్న ప్రపంచ కప్ క్రికెట్ లో క్వాలిఫై అయ్యేందుకు ప్రయత్నిస్తున్న అమెరికా జట్టుకు అంతా మంచి జరగాలని తాను కోరుకుంటున్నట్లు చెప్పి మనసుల్ని దోచేశారు.
RRR క్రేజ్ తగ్గేదే లే
రామ్ చరణ్, జూనియర్ ఎన్టీఆర్ RRR సినిమాలో ఆస్కార్ విన్నింగ్ పాటకు ప్రధాని మోదీ, ఎలాన్ మస్క్‌లు డ్యాన్స్ చేస్తున్నట్టున్న ఓ వీడియో కూడా రీసెంట్ గా ట్రెండ్ అయింది. “వెన్ లెజెండ్స్ మీట్” అనే క్యాప్షన్‌ తో సోషల్ మీడియాలో ఇప్పటికీ ట్రెండ్ అవుతోంది. మూడు రోజుల అమెరికా పర్యటనలో భాగంగా న్యూయార్క్ వెళ్లినప్పుడు అక్కడ టెస్లా అధినేత ఎలాన్ మస్క్ ను కలిశారు. తాను మోదీకి వీరాభిమానినని మస్క్ ఈ చెప్పారు. ఈ సందర్భాన్ని ఉపయోగించుకుని మోదీ,మస్క్ ముఖాలను చెర్రీ-తారక్ కి తగిలించి నాటు నాటు వీడియో పోస్ట్ చేశారు. సోషల్ మీడియాలో పోస్ట్ అయిన కొద్ది సేపటికే లైక్స్, కామెంట్స్ తో దద్దరిల్లిపోయింది. మొత్తానికి సందర్భం ఏదైనా ఆస్కార్ విన్నింగ్ సాంగ్ నాటు నాటు జోష్ ఇప్పట్లో తగ్గేలా లేదు…
