హీరోల పుట్టినరోజు సందర్భంగా వాళ్ల లేటెస్ట్ ప్రాజెక్టులకు సంబంధించిన అప్ డేట్స్, ఫ్యూచర్ ప్రాజెక్టుల గురించి క్లారిటీ ఇస్తుంటారు ఆయా మూవీ టీమ్స్. త్వరలో యంగ్ టైగర్ ఎన్టీఆర్ బర్త్ డే సందర్భంగా ఎన్టీఆర్ అభిమానులకు వరుస సర్ ప్రైజ్ లు ఇచ్చేందుకు సిద్ధమవుతున్నారట..
మే 20న యంగ్ టైగర్ ఎన్టీఆర్ పుట్టినరోజు
వరుస హిట్స్ అందుకుంటూ టాలీవుడ్ లో దూసుకుపోతున్న ఎన్టీఆర్ RRR మూవీతో అంతర్జాతీయ స్థాయిలో క్రేజ్ సంపాదించుకున్నాడు. అదే ఉత్సాహాన్ని కంటిన్యూ చేస్తూ వరుస ప్రాజెక్టులు లైన్లో పెట్టుకుంటున్నాడు. ప్రస్తుతం కొరటాల శివతో తన 30వ సినిమా చేస్తున్నాడు. ఆ షూటింగ్ లో బిజీగా ఉన్నాడు ఎన్టీఆర్. అయితే మే 20న పుట్టినరోజు కావడంతో ఆ రోజు ఈ సినిమాకు సంబంధించిన అప్ డేట్స్ తో పాటూ చాలా సర్ ప్రైజ్ లు ఉన్నట్టు తెలుస్తోంది.
మే 20న ఎన్టీఆర్ అభిమానులకు ఇచ్చే సర్ ప్రైజెస్ ఇవే…
1.ఎన్టీఆర్-కొరటాల శివ సినిమా నుంచి టైటిల్ పోస్టర్ రాబోతోందని తెలుస్తోంది. ఇందులో తారక్ వైల్డ్ లుక్ తో కనిపించబోతున్నాడట. టైటిల్ కూడా ఆ రోజే రివీల్ చేయనున్నారట.
- తారక్ 31వ సినిమాగా చెప్పుకుంటున్న ‘WAR2’ నుంచి అధికారిక ప్రకటనతో కూడిన పోస్టర్ రాబోతుందట. ఇందులో హృతిక్ రోషన్ తో కలసి నటిస్తున్నాడు ఎన్టీఆర్
- కేజీఎఫ్ దర్శకుడు ప్రశాంత్ నీల్ తో ఎన్టీఆర్ చేయబోయే సినిమాకు సంబంధించి బర్త్ డే విశెష్ చెబుతూ పోస్టర్ రాబోతోంది
- ఈ మూడు ప్రాజెక్టులే కాదు..ఎన్టీఆర్ ఫ్యూచర్ ప్రాజెక్టులపై కూడా ఓ ప్రకటన వచ్చే అవకాశం ఉందంటున్నారు ఇండస్ట్రీ వర్గాలు. ఈ మూడు సినిమాల తర్వాత యంగ్ టైగర్… త్రివిక్రమ్ తో కానీ వెట్రిమారన్ బుచ్చిబాబుతో కానీ నటించే అవకాశం ఉందని టాక్.
వీటితో పాటూ మే 20 న ‘సింహాద్రి’ రీ రిలీజ్ కూడా ఉంది. ఎన్టీఆర్-రాజమౌళి కాంబినేషన్లో వచ్చిన ఈ సినిమాను మళ్లీ థియేటర్లో చూడాలని ఫ్యాన్స్ ఆతృతగా ఉన్నారు.
వాస్తవానికి 2019 నుంచి ఇప్పటివరకు ఎన్టీఆర్ బర్త్డే మే 20న ఎలాంటి సర్ప్రైజ్ లు రావడం లేదు. గతేడాది తన పుట్టినరోజున కొరటాల శివతో సినిమా అనౌన్స్మెంట్ వచ్చినప్పటికీ దానిపై ఫ్యాన్స్ లో అంతగా ఆసక్తి నెలకొనలేదు…ఎందుకంటే ఆ ప్రాజెక్టు పట్టాలెక్కేసరికి చాలా ఆలస్యమైంది. తాజాగా ఎన్టీఆర్ పై భారీ ఫైట్ సీక్వెన్స్ తో లేటెస్ట్ షెడ్యూల్ షూటింగ్ ని కంప్లీట్ చేశారు మూవీ టీమ్. హీరోయిన్ జాన్వీ కపూర్, బాలీవుడ్ నటుడు సైఫ్ అలీ ఖాన్ షూటింగ్ లో జాయిన్ అయినట్టు అప్ డేట్ ఇచ్చారు. దీంతో యంగ్ టైగర్ పుట్టినరోజున మేకింగ్ వీడియో, మూవీ ఫస్ట్ గ్లిమ్స్ విడుదల చేస్తారనే ఆశతో ఉన్నారు ఫ్యాన్స్…కొన్నిరోజులేగా ఉంది..వెయిట్ అండ్ సీ..
