ఒకప్పుడు ఏ విషయంలో అయితే సమంత రచ్చ చేసిందో ఇప్పుడే అదే విషయంలో నెటిజన్లకు దొరికిపోయింది. దొరికిందే అవకాశంగా సోషల్ మీడియాలో సామ్ తో ఆడేసుకుంటున్నారంతా..
అడ్డంగా బుక్కైన సామ్!
ఎదుటివారికి ఏం చేస్తామో తిరిగి మనకు అదే కొడుతుందంటారు. ఇప్పుడు సమంతకు అదే జరిగింది. అప్పట్లో సుకుమార్ దర్శకత్వంలో తెరకెక్కిన మహేష్ బాబు వన్ సినిమాకి సంబంధించి పోస్టర్ విడుదలైంది. ఆ పోస్టర్లో మహేశ్ బాబు బీచ్ లో నడుస్తుంటే వెనుక పాకుతూ వెళుతుంటుంది కృతి సనన్. ఆ పోస్టర్ ని షేర్ చేసిన సమంత అసహనం వ్యక్తం చేసింది. ఆడవారిని కించపరిచారంటూ ట్విట్టర్లో తెగ హడావుడి చేసింది. మరీ ఇంతలా అవసరమా అంటూ పోస్టులు పెట్టింది. పరిశ్రమలో అప్పుడే ఎదుగుతున్న సమంత మహేష్ బాబు వంటి స్టార్ ని తప్పుబట్టడం సంచలనమైంది. అప్పటికి సమంత పరిశ్రమకు వచ్చి మూడేళ్లైంది. స్త్రీ పురుషులు సమానమే, హీరోయిన్ హీరో కాళ్ళను తాకుతున్నట్లు చూపడమేంటీ? అన్నట్లు ఆమె మాట్లాడింది. సామ్ కామెంట్స్ పై అప్పట్లోనే మహేష్ బాబు ఫ్యాన్స్ మండిపడ్డారు. అది కేవలం సినిమా పాటలో వచ్చే ఒక సన్నివేశం. దాన్ని రాద్ధాంతం చేయాల్సిన అవసరం లేదని కౌంటర్ ఇచ్చారు. కానీ సేమ్ క్వశ్చన్స్ రిపీట్ అవుతాయని సామ్ అప్పట్లో ఊహించి ఉండదు.
విజయ్ కాళ్ల దగ్గర సామ్
వన్ మూవీ పోస్టర్ పై సామ్ అసహనం వ్యక్తం చేసి పదేళ్లు అవుతుండగా సమంతను మహేష్ అభిమాని తాజాగా బుక్ చేశాడు. ఆమె లేటెస్ట్ మూవీ ఖుషి నుంచి ఆరాధ్య అనే సాంగ్ విడుదలైంది. ఈ పాటలో విజయ్ దేవరకొండ సోఫాలో పడుకుని ఉండగా సమంత కాళ్ళ దగ్గర కూర్చుని ఉన్న షాట్ ఉంది. విజయ్ దేవరకొండ తన కాలితో సమంత చేతిని తాకాడు. దీంతో మహేష్ బాబు ఫ్యాన్ ఫైర్ అయ్యాడు. అప్పుడు మహేష్ బాబు సినిమాను ఇదే విషయంలో తప్పుబట్టావు. ఇప్పుడు నువ్వు చేసిందేంటి? ఇది అమ్మాయిలను కించపరచడం కాదా? ఇప్పుడు నీ మనోభావాలు దెబ్బతినలేదా? అంటూ కౌంటర్లు వేస్తున్నాడు. కర్మ హిట్ బ్యాక్ సమంత అంటూ మీడియాలో విమర్శించడం మొదలుపెట్టారు. ఇప్పుడు నువ్వు చేసిందేంటి? ఇది అమ్మాయిలను కించపరచడం కాదా? ఇప్పుడు నీ మనోభావాలు దెబ్బతినలేదా? అంటూ కౌంటర్లు వేస్తున్నారు. మరి ఈ కౌంటర్లకు సమంత ఎలా రియాక్టవుతుందో చూడాలి.
సెప్టెంబరు 1న ఖుషి విడుదల
రొమాంటిక్ లవ్ ఎంటర్టైనర్ గా తెరకెక్కిన ఖుషి సినిమాకు శివ నిర్వాణ దర్శకుడు. ప్రస్తుతం పోస్ట్ ప్రొడక్షన్ జరుపుకుంటున్న ఈ మూవీపై పాజిటివ్ బజ్ ఉంది. ఈ సినిమా సెప్టెంబర్ 1న థియేటర్లలో సందడి చేయనుంది.
