నందమూరి కళ్యాణ్ రామ్ హీరోగా లేటెస్ట్ మూవీ డెవిల్. కొన్ని నెలలుగా ఈ మూవీపై వివాదం నడుస్తోంది. సినిమా ప్రారంభించినప్పుడు దర్శకుడిగా నవీన్ మేడారం పేరు ప్రకటించారు. కానీ టీజర్ రిలీజ్ అయినప్పుడు మాత్రం ‘డైరెక్టెడ్ బై అభిషేక్ నామా పిక్చర్స్ టీమ్’ అని వేశారు. ఇక ఇప్పుడు సినిమా రిలీజ్ టైం కి నిర్మాత అభిషేక్ నామ డైరెక్టర్ అంటున్నారు. అభిషేక్.. ఇప్పటివరకు నిర్మాతగా వ్యవహరించాడు కానీ డైరెక్షన్ చేసిన ఎక్స్ పీరియన్స్ లేదు. దీంతో ఉన్నట్టుండి డైరెక్టర్ ఎలా అయిపోయాడా అని డిస్కషన్ స్టార్ట్ అయింది..
సాధారణంగా డైరెక్టర్ తో విభేదాలు వస్తే తనని తప్పించి మరొకరిని పెట్టి సినిమా పూర్తి చేస్తారు. కానీ ఇలా నిర్మాతే దర్శకుడిగా మారడం ఆశ్చర్యాన్ని కలిగించే విషయమే. టీజర్ రిలీజ్ అయినప్పుడు డైరెక్టర్ గా నవీన్ పేరు తీసేసినప్పటికీ టెక్నికల్ టీం లో తన పేరు ఉంది. మొన్నటి వరకూ ఈ సినిమాలో ఏమాత్రం భాగస్వామ్యం లేని రైటర్ శ్రీకాంత్ విస్సా ఇప్పుడు డెవిల్ మూవీ స్క్రిప్ట్, డైలాగ్స్ క్రెడిట్ తీసుకున్నాడు . అంటే అభిషేక్ పిక్చర్స్ టీం తో కలిసి నవీన్ మేడారం రెడీ చేసిన స్క్రిప్ట్ ని పూర్తిగా పక్కన పెట్టారా? లేదంటే అదే స్క్రిప్ట్ కి శ్రీకాంత్ విస్సా మెరుగులు దిద్దాడా? అనే విషయం క్లారిటీ రాలేదు. డెవిల్ రైటింగ్, డైరెక్షన్ విషయంలో కొత్త కొత్త ట్విస్టులు ఆడియన్స్ ని కన్ఫ్యూజ్ చేస్తున్నాయి. తాజాగా రిలీజ్ అయిన ట్రైలర్ చూస్తే ఇదొక పర్ఫెక్ట్ థ్రిల్లర్ లాగా అనిపిస్తుంది. కాగా దర్శకుడి మార్పుపై డెవిల్ టీం నుంచి ఇప్పటివరకు ఎవరు మాట్లాడకుండా మౌనం పాటిస్తున్నారు. చివరికి నవీన్ మేడారం సైతం ఈ వివాదంపై సైలెంట్ గానే ఉన్నాడు. దానికి తోడు తన ట్విట్టర్ అకౌంట్లో డెవిల్ మూవీకి సంబంధించిన పోస్టులన్నీ అలాగే కొనసాగిస్తున్నాడు నవీన్.
‘బింబిసార’లాంటి ఒక పీరియాడిక్ డ్రామాతో తన కెరీర్లో బిగ్గెస్ట్ బ్లాక్‌బస్టర్ అందుకున్న కళ్యాణ్ రామ్..మళ్లీ సేమ్ బ్యాక్ డ్రాప్ తో వస్తున్నాడు. టాలీవుడ్ లక్కీ గాళ్ సంయుక్త మీనన్ బింబిసార తర్వాత మరోసారి కళ్యాణ్ రామ్ తో జోడీ కడుతోంది. మరో హీరోయిన్ మాళవికా నాయర్ కూడా నటిస్తోంది. తాజాగా రిలీజ్ అయిన డెవిల్ ట్రైలర్ కి ఆడియన్స్ నుంచి మంచి రెస్పాన్స్ వచ్చింది. ఈ సినిమాలో కళ్యాణ్ రామ్ బ్రిటిష్ సీక్రెట్ ఏజెంట్ గా కనిపించనున్నాడు ఓవరాల్ గా చూస్తుంటే బింబిసార తర్వాత కళ్యాణ్ రామ్ ఖాతాలో డెవిల్ ఆ రేంజ్ హిట్టివ్వడం పక్కా అని ఫిక్సైపోయారు ఆడియన్స్. డిసెంబర్ 29న ఈ సినిమా థియేటర్స్ లో సందడి చేయనుంది.
