RRR తో అంతర్జాతీయ వేదికపై గట్టిగా రీసౌండ్ చేసిన రాజమౌళి తర్వాత ప్రాజెక్ట్ కోసం సినీ ప్రియుల్లో మంచి ఆసక్తి ఉంది. ఆ మూవీలో మహేశ్ బాబుతో అని తెలిసేసరికి మరింత క్యూరియాసిటీ పెరిగింది. ఇప్పుడీ మూవీకి సంబంధించిన లేటెస్ట్ అప్ డేట్ సినిమాపై అంచనాలను ఎక్కడికో తీసుకెళ్లిపోయింది..
రాజమౌళి సినిమాకు తనే ఓ బ్రాండ్. ఇండస్ట్రీలో ఫెయిల్యూర్స్ ఎరుగని దర్శకుడిగా దూసుకుపోతున్నాడు జక్కన్న. ఆర్ఆర్ఆర్ సినిమాతో ఇంటర్నేషనల్ స్థాయిలో మోత మోగించిన రాజమౌళి తర్వాత సినిమా కోసం ఎదురుచూస్తున్నారు ప్రేక్షకులు. మహేష్ బాబుతో మూవీ తెరకెక్కిస్తానని ఇప్పటికే అనౌన్స్ చేశాడు. ఈ మూవీ ఎప్పుడెప్పుడు సెట్స్ పైకి వస్తుందా అని ఎదురుచూస్తున్నారు. తాజాగా ఈ మూవీలో విలన్ గురించి ఇంట్రెస్టింగ్ డిస్కషన్ నడుస్తోంది. ఇందులో రవితేజ విలన్ గా నటించబోతున్నాడనే వార్త చక్కర్లు కొడుతోంది. రాజమౌళి సినిమాలో హీరో ఎంత పవర్ ఫుల్ గా ఉంటాడో.. విలన్ కూడా అంతే పవర్ ఫుల్ గా ఉంటాడు. అలాంటి రోల్ కోసం మాస్ రాజా రవితేజను రంగంలోకి దింపుతున్నాడట జక్కన్న. ఇప్పటికే వీరి కాంబోలో వచ్చిన విక్రమార్కుడు సూపర్ డూపర్ హిట్టైంది. బాహుబలి లో ప్రభాస్ – రానా రెండు క్యారెక్టర్స్ కి సమాన ఇంపార్టెన్స్ ఉంటుంది..ఇద్దరూ పోటాపోటీగా నటించారు. ఇప్పుడు మహేష్ బాబు మూవీలో రవితేజ క్రుయాలిటీ పాత్రలో నటించనున్నట్లు టాక్.
మహేశ్ బాబు ప్రస్తుతం త్రివిక్రమ్ దర్శకత్వంలో గుంటూరు కారం సినిమాతో బిజీగా ఉన్నాడు. ఈ సినిమా సంక్రాంతికి రిలీజ్ కానుంది. ఈ సినిమాలో శ్రీలీల, మీనాక్షి చౌదరి హీరోయిన్లు. తమన్ సంగీతం అందిస్తున్నాడు. ఈ సినిమాపై కూడా భారీ అంచనాలున్నాయి. ఈ మూవీ హడావుడి పూర్తైన తర్వాత రాజమౌళితో మూవీ పట్టాలెక్కనుంది. మరి మహేష్ బాబు -రాజమౌళి మూవీలో విలన్ గా రవితేజ అన్న విషయంపై అఫీషియల్ అప్ డేట్ ఎప్పుడొస్తుందో చూడాలి.
