అక్కినేని వారింటి వారసుడు అఖిల్ అక్కినేని (Akhil Akkineni) ఇప్పటి వరకు ఐదు సినిమాల్లో నటించాడు. ప్రతి సినిమాకు కష్టపడ్డాడు కానీ ఆశించిన ఫలితం మాత్రం అందుకోలేకపోయాడు. రీసెంట్ గా వచ్చిన ఏజెంట్ పరిస్థితి మరీ దారుణంగా ఉంది. అఖిల్ అక్కినేని హీరోగా సురేందర్ రెడ్డి దర్శకత్వంలో తెరకెక్కిన ‘ఏజెంట్’ భారీ బడ్జెట్ తో హై వోల్టేజ్ యాక్షన్ బ్యాక్ డ్రాప్ కథతో వచ్చింది. ఈ సినిమాకోసం అఖిల్ చాలా కష్టపడ్డాడు కానీ ఫలితం దక్కలేదంటున్నారు. ఊహించని స్థాయిలో ఈ మూవీ డిజాస్టర్ కావడంతో అఖిల్ తో నెక్ట్స్ ఎవరు మూవీ చేస్తారనే డిస్కషన్ తెరపైకి వచ్చింది..అయితే దీనికి సంబంధించి ఇంట్రెస్టింగ్ అప్ డేట్ వచ్చింది.
యూవీతో అఖిల్ సినిమా – జాన్వి కపూర్ హీరోయిన్
అఖిల్ హీరోగా యువి క్రియేషన్స్ సంస్థ ఓ సినిమా నిర్మించడానికి సన్నాహాలు చేస్తోందని ఫిల్మ్ నగర్ టాక్. ప్రభాస్ ‘సాహో’ కి దర్శకత్వ శాఖలో పని చేసిన అనిల్ కుమార్ దర్శకత్వం వహించనున్నాడట. ఇప్పటికే ప్రీ ప్రొడక్షన్ వర్క్స్ జరుగుతున్నాయని త్వరలోనే ప్రాజెక్టు పట్టాలెక్కనుందని చెబుతున్నారు. అఖిల్, యువి క్రియేషన్స్ సినిమాలో కథానాయికగా జాన్వి కపూర్ ను ఫైనల్ చేశారట. ఇప్పటికే జాన్వికపూర్ యంగ్ టైగర్ ఎన్టీఆర్ హీరోగా కొరటాల శివ దర్శకత్వం వహిస్తున్న సినిమాలో నటిస్తోంది. యంగ్ టైగర్ తర్వాత జాన్వి కపూర్ తెలుగులో నటించబోయే హీరో అఖిల్.
‘ఏజెంట్’కు ఫ్లాప్ టాక్… ట్రోల్స్!
అఖిల్ ఎన్నో అంచనాలు పెట్టుకుని చేసిన ‘ఏజెంట్’ సినిమాకు మొదటి ఆట నుంచి విపరీతమైన నెగిటివ్ టాక్ స్ప్రెడ్ అయ్యింది. సురేందర్ రెడ్డి డైరెక్షన్, వక్కంతం వంశీ కథపై విమర్శలు వస్తున్నాయి. సిక్స్ ప్యాక్ చేసి, హెయిర్ పెంచి అఖిల్ చాలా కష్టపడినప్పటికీ… సరైన ఫలితం రాలేదు. ఫ్లాప్ టాక్ ఒక వైపు చిత్ర బృందాన్ని ఇబ్బంది పెడుతుంటే… మరో వైపు దారుణమైన ట్రోల్స్ అంత కంటే ఎక్కువ బాధను కలిగించేలా ఉన్నాయని చెప్పుకోవాలి. అమల అక్కినేని కూడా రియాక్టయ్యారంటే ట్రోల్స్ ఏ రేంజ్ లో ఉన్నాయో ఊహించుకోవచ్చు. ‘సినిమాలో కొన్ని తప్పులు ఉన్నాయని, అయితే ఓపెన్ మైండుతో చూస్తే అద్భుతంగా ఉంటుందని ట్వీట్ చేసింది అమల.
అఖిల్ క్రికెట్ ఆడుకో
ఐపీఎల్ (IPL)లో రాయల్ ఛాలెంజర్స్ బెంగళూరు (Royal Challengers Bangalore RCB) ఇప్పటి వరకు కప్పు కొట్టింది లేదు. అలాగే, అఖిల్ అక్కినేని కూడా హిట్ కొట్టడం కష్టమేనని ట్రోల్ చేస్తున్నారు. కొందరైతే అఖిల్ భయ్యా సినిమాలు మానేసి క్రికెట్ ఆడుకో అని మీమ్స్ చేస్తున్నారు. ఇక సినిమా ట్రైలర్లో కొన్ని పోస్టర్స్ ని కట్ చేసి…వాటిపై కామెంట్స్ పెట్టి వదులుతున్నారు.
లెక్కలు సరిచేస్తాడా!
అయితే ఇప్పటి వరకూ లవర్ బాయ్ గా నటించిన అఖిల్..ఏజెంట్ లో యాక్షన్ హీరోగా మెప్పించేందుకు తనవంతు ప్రయత్నం తాను చేశాడు. అంటే ఈ జోనర్లో కూడా నటించగలనని చూపించాడు. ఇండస్ట్రీలో కామెంట్స్ కి ఎప్పుడైనా సరైన హిట్టే సమాధానం.. మరి అఖిల్ తన తదుపరి సినిమాతో అయినా విమర్శలకు ఫుల్ స్టాప్ పెడతాడేమో వెయిట్ అండ్ సీ…
