భారీ అంచనాల మధ్య విడుదలైన శాకుంతలం సినిమా తొలిరోజే మిక్స్ డ్ టాక్ తెచ్చుకుంది. సినిమా ఆశించిన స్థాయిలో లేదని ప్రేక్షకులు తేల్చి చెప్పేశారు. అటు రివ్యూయర్లు కూడా ఈ సినిమాను చీల్చి చెండాడేస్తున్నారు. దీంతో అందరికంటే ఎక్కువ డిజప్పాయింట్ అవుతోంది స్టార్ హీరోయిన్ సమంతనే. సమంత లాస్ట్ సినిమాలు ఏవీ పెద్దగా ఆడలేదు. యశోద కూడా అంతంతమాత్రంగానే ఆకట్టుకుంది. దీంతో శాకుంతలం సినిమాతో హిట్ కొట్టి మళ్లీ బౌన్స్ బ్యాక్ అవ్వాలని ప్లాన్ చేసుకుంది సమంత. కానీ సమంత ఆశలేవీ వర్కవుట్ అయ్యేలా కన్పించడం లేదు.
చైతూతో విడిపోయిన తర్వాత సమంతకు సినిమా అవకాశాలు చాలా తగ్గాయి. లేడీ ఓరియెంటెడ్ మూవీస్ కు ప్రాధాన్యత ఇవ్వడం ఒక కారణం అయితే, రష్మిక, శ్రీలీల లాంటి కొత్త అమ్మాయిల రాకతో.. సమంతను ఎవ్వరూ చూడడం లేదు. దీంతో.. గతేడాది పుష్ప సినిమాలో ఐటెమ్ సాంగ్ చేసి తాను రేసులో ఉన్నానని చెప్పకనే చెప్పింది. అయినా కూడా సమంతని మన స్టార్ హీరోలు పట్టించుకోవడం ఎప్పుడో మానేశారు. ఇప్పుడు శాకుంతలం సినిమాతో హిట్ కొట్టి మళ్లీ రేసులోకి అనుకుంది కానీ సమంత ప్లాన్స్ ఏవీ వర్కవుట్ అయ్యే సూచనలు ఏవీ కన్పించడం లేదు.
సమంత చేతిలో ప్రస్తుతం ఖుషి సినిమా ఒక్కటే. ఇప్పుడు సమంత ఆశలు అన్నీ ఖుషీ సినిమాపైనే ఉన్నాయి. మరోవైపు విజయ్ దేవరకొండ కూడా ఈ ఖుషీ సినిమాపైనే హోప్స్ పెట్టుకున్నాడు. అదేదో సామెత చెప్పినట్లు జోగి జోగి రాసుకుంటే బూడిద రాలినట్లు… సమంత, విజయ్ కలిసి సినిమా చేస్తే హిట్ వస్తుందేమో చూడాలి. ఒకవేళ ఇది కూడా తేడాకొడితే సమంత.. తట్టా బుట్టా సర్దుకోవడమే బ్యాలన్స్.
శాకుంతలం సినిమాతో సమంత కెరీర్ ముగిసినట్లేనా.?
