వరుస ప్రాజెక్టులతో బిజీగా ఉన్న ప్రభాస్…హను రాఘవపూడితో ఓ మూవీకి కమిటయ్యాడు. లేటెస్ట్ అప్ డేట్ ఏంటంటే ఈ మూవీకి ఓ టైటిల్ ఫిక్స్ అయినట్టు టాక్. అయితే అది మహేష్ బాబు ఫ్లాప్ మూవీ టైటిల్ లాంటి అర్థం రావడంతో…ఫ్యాన్స్ లో ఏవో సందేహాలు మొదలయ్యాయి…
ప్రభాస్-హను రాఘవపూడి మూవీ వార్ బ్యాక్ డ్రాప్ లో వచ్చే లవ్ స్టోరీగా తెరకెక్కుతోంది. అందుకే ఈ మూవీకి ఫౌజీ అనే టైటిల్ ఫిక్స్ చేయాలని భావిస్తున్నారట. వాస్తవానికి సైనికుడు అని పెట్టాలనుకున్నారట కానీ ఫౌజీ అంటే అదే అర్థం వస్తుందని ఇలా ఫిక్స్ చేశారట. ఈ టైటిల్ పెడితే అన్ని భాషల్లో యథావిధిగా రిలీజ్ చేయవచ్చని భావిస్తున్నారట మేకర్స్. గతంలో మహేష్ – గుణశేఖర్ కాంబినేషన్లో సైనికుడు వచ్చింది. పైగా ఆ మూవీ ఆశించిన స్థాయిలో సక్సెస్ అవలేదు. దీంతో మహేష్ ఫ్లాప్ మూవీ టైటిల్ ప్రభాస్ మూవీకి ఫిక్స్ చేశారా అని నెటిజన్లు కామెంట్స్ చేస్తున్నారు.
మరో సీతారామం
సీతారామం సినిమాతో బ్లాక్ బస్టర్ హిట్ సాధించిన హను రాఘవపూడి ప్రభాస్ తో ఎలాంటి సినిమా తెరకెక్కిస్తాడో అనే ఆసక్తి ప్రేక్షకుల్లో ఉంది. తనకు ఎవరూ లేరు ఒంటరిని దేశమే తన కుటుంబం అంటూ ఆర్మీలో విధులు నిర్వర్తిస్తున్న వ్యక్తికి..ఓ అపరిచితురాలి నుంచి వచ్చిన లేఖలు ఉరటనిస్తాయి. తనకోసం చేసిన ప్రేమ ప్రయాణమే సీతారామం. అద్భుతమైన ప్రేమకావ్యంగా నిలిచిందీమూవీ. ఇప్పుడు కూడా వార్ బ్యాక్ డ్రాప్ లో మూవీ..ఆపై లవ్ స్టోరీ అంటే అద్భుతంగా వస్తుంది ఫిక్సైపోయారు రెబల్ స్టార్ ఫ్యాన్స్. ఈ మూవీ రిలీజ్ మాత్రం 2026 కే ఫిక్సైపోండి…
శౌర్యంగపర్వంతో బిజీ
సలార్ కి సీక్వెల్ గా శౌర్యాంగ పర్వం ఉండబోతోంది. ఇప్పటికే ఈ మూవీ స్క్రిప్ట్ సిద్ధమైందని, షూటింగ్ కు అంతా రెడీ అయినట్లు తెలుస్తోంది. మూవీలో యాక్షన్ ఎపిసోడ్స్ ఎక్కువగా ఉండడం వల్ల సలార్ -2 కోసం ప్రభాస్ బల్క్ డేట్స్ కేటాయించాల్సి ఉంది. త్వరగా షూటింగ్ పూర్తిచేసేసి ఈ ఏడాది డిసెంబర్లో రిలీజ్ చేయాలని ప్లాన్ చేస్తున్నారు. దీనితర్వాత మారుతి తో చేస్తోన్న రాజా సాబ్ మూవీకి డేట్స్ కేటాయిస్తాడు ప్రభాస్. ఇది కూడా అయిన తర్వాత హనురాఘవపూడి మూవీ సెట్స్ పైకి వెళ్లనుంది. ఇక ప్రభాస్ లెటెస్ట్ మూవీ కల్కి విడుదలకు సిద్ధమైంది…
