ఏప్రిల్ 22 శనివారం ఏ రాశివారికి అనుకూల ఫలితాలున్నాయి..ఏ రాశివారికి ప్రతికూల ఫలితాలున్నాయో ఇక్కడ తెలుసుకోండి…
మేష రాశి
ఈ రోజు మేషరాశి వారు కొత్త ప్రణాళికలు అమలుచేసేందుకు మంచి రోజు. పని ఒత్తిడి పెరుగుతుంది కానీ శుక్రుడు, చంద్రుడు సంచారం ఈ రాశివారికి మానసిక ప్రశాంతతను ఇస్తుంది. ఉద్యోగులకు స్థానచలనం ఉండే అవకాశం ఉంది. అవివాహితులకు అనుకూల సమయం. మీలో ఆత్మవిశ్వాసం పెరుగుతుంది. ఆర్థికంగా అనుకూలమైన రోజు.
వృషభ రాశి
వృషభ రాశి వారికి ఏప్రిల్ 22న న్యాయపరమైన విషయాల నుంచి ఉపశమనం లభిస్తుంది. సామాజిక ఖ్యాతి పెరిగే అవకాశాలు ఉన్నాయి. మతపరమైన పనుల్లో ధనం ఖర్చు అవుతుంది. కుటుంబంలో కొన్ని శుభవార్తలు అందుతాయి. కార్యాలయంలో మీ ప్రభావం పెరుగుతుంది. సృజనాత్మక పనుల్లో విజయం సాధిస్తారు. శుభకార్యాల్లో పాల్గొంటారు. వ్యాపారం బాగాసాగుతుంది.
మిథున రాశి
మిథున రాశి ఉద్యోగులకు ప్రమోషన్ కి సంబంధించిన సమాచారం వినే అవకాశం ఉంది.ప్రభుత్వ పనుల్లో ఆటంకాలు ఏర్పడవచ్చు. మీ పురోగతిని చూసి ఓర్వలేని వారు మీ చుట్టూ ఉన్నారు..అప్రమత్తంగా ఉండాలి. పిల్లల చదువు విషయంలో ఆందోళన ఉంటుంది. వాస్తు ప్రకారం ఇంట్లో మార్పులు చేస్తే మంచి ప్రయోజనం ఉంటుంది. ఈ రోజు ఆర్థిక పరిస్థితి బావుంటుంది. చిన్న చిన్న విషయాలకు ఆవేశపడొద్దు.
కర్కాటక రాశి
ఈ రాశివారు ఎవరినైతే ఎక్కువగా నమ్ముతున్నారో వారిచేతిలోనే మోసపోయే ప్రమాదం ఉంది. కార్యాలయంలో కొన్ని పెద్ద సంఘటనలు జరిగే అవకాశాలు ఉన్నాయి జాగ్రత్త . ప్రణాళికలు అసంపూర్తిగా ఉంటాయి. ఆస్తులకు సంబంధించిన వివాదాలు ఏమైనా కొనసాగుతున్నట్టైతే ఈ రోజు ఓ కొలిక్కి వస్తాయి. మీ మాటతీరులో చిన్న చిన్న మార్పులు చేసుకోవడం ద్వారా మీకు శత్రువులు తగ్గుతారు.
సింహ రాశి
ఈ రాశివారు ఈ రోజు చేయాలనుకున్న పనులు పూర్తిచేస్తారు. ఓ శుభవార్త వినే అవకాశం ఉంది. పరిశ్రమలు నిర్వహిస్తున్న వ్యక్తులు ప్రయోజనం పొందుతారు. ఉద్యోగం మారాలి అనుకుంటే ఇదే మంచి సమయం. ఆర్థిక పరిస్థితి బావుంటుంది. కుటుంబానికి సంబంధించిన బాధ్యతలు నిర్వహిస్తారు. సృజనాత్మక పనులలో పురోగతి ఉంటుంది.
కన్యా రాశి
ఇతరులపై ఆధారపడడం వల్ల మీ పని దెబ్బతింటుంది. అనుకోని ప్రయాణాలుంటాయి. ఆరోగ్యం విషయంలో జాగ్రత్తగా ఉండాలి. మీరు తలపెట్టే పనులకు కుటుంబ సభ్యుల నుంచి పూర్తి మద్దతు ఉంటుంది. ఆదాయం బావుంటుంది..ఖర్చులు తగ్గించుకునేందుకు ప్రణాళికలు వేసుకోవాలి. ఉద్యోగులు, వ్యాపారులకు కష్టానికి తగిన ఫలితం లభిస్తుంది.
తులా రాశి
మీ స్వభావంలో మృదుత్వాన్ని తీసుకొస్తే మీరు పొందే ప్రయోజనం పెరుగుతుంది. కుటుంబానికి సమయం కేటాయించండి. ఆస్తులకు సంబంధించిన పనులు ఆలస్యమవుతాయి. వ్యాపారంలో పెట్టుబడులకు ఇదే మంచి సమయం. తలపెట్టిన పనులకు కుటుంబ సభ్యులు, సన్నిహితుల నుంచి సహకారం అందుతుంది. ఆహారాన్ని నిర్లక్ష్యం చేయవద్దు..అనారోగ్య సమస్యలున్నాయి జాగ్రత్తపడండి. వృత్తి ఉద్యోగాల్లో ఆశించిన ఫలితం ఉంటుంది.
వృశ్చిక రాశి
వృశ్చిక రాశివారు విచక్షణతో తీసుకున్న నిర్ణయాలు లాభాలను అందిస్తాయి. విద్యార్థులు పోటీ పరీక్షలలో విజయం సాధిస్తారు. కుటుంబ సభ్యులతో సమయం గడుపుతారు. వాహన సౌఖ్యం ఉంటుంది. ఆధ్యాత్మిక వ్యవహారాలపై ఆసక్తి పెరుగుతుంది. మీకు శత్రువులు ఎక్కువ మంది ఉన్నారు జాగ్రత్త పడండి. ఈ రాశివారి వైవాహిక జీవితం ఆనందంగా ఉంటుంది. ఆహారాన్ని నిర్లక్ష్యం చేయవద్దు.
ధనుస్సు రాశి
వ్యాపారంలో తెలియని భయం మిమ్మల్ని వెంటాడుతుంది. అనవసరంగా మాట్లాడవద్దు..అది వివాదాలకు దారితీసే ప్రమాదం ఉంది. ఉదర సంబంధిత వ్యాధులు వచ్చే అవకాశం ఉంది. ఆరోగ్యం పట్ల ఉదాసీనంగా ఉండొద్దు. పనిని రాని విషయాలకు సమయం ఎక్కువగా కేటాయించడం మానుకోండి. ఆర్థిక విషయాల్లో రిస్క్ తీసుకుంటే మీరు చాలా నష్టపోతారు. వ్యాపారంలో నూతన పెట్టుబడులు పెట్టేముందు అనుభవజ్ఞుల సలహాలు అడగడం ఉత్తమం.
మకర రాశి
ఈ రాశివారి జీవితంలో వచ్చే మార్పులు శుభకరంగా ఉంటాయి. ఆర్థికపరంగా అడుగు ముందుకుపడే అవకాశాలు కలిసొస్తాయి. ఉద్యోగం కోసం చేసే ప్రయత్నాలు ఫలిస్తాయి. స్నేహితుల సహకారంతో ఏ పెద్ద పని అయినా చేయగలుగుతారు. వ్యాపారం బాగానే సాగుతుంది. కుటుంబ జీవితం ఆనందంగా ఉంటుంది.
కుంభ రాశి
ఈ రాశివారిని కొన్నిరోజులుగా ఆవహించిన ఏదో భయం, టెన్షన్ నుంచి బయటపడతారు. పిల్లల పెళ్లి విషయంలో ఏదో ఆందోళన ఉంటుంది. శుభవార్త వింటారు. కీర్తి, సంపద పెరుగుతుంది. ఆర్థికంగా మంచి ఫలితాలున్నాయి. ఆస్తులకు సంబంధించిన వివాదాలు నడుస్తున్న వారికి తీర్పు అనుకూలంగా వస్తుంది. తలపెట్టిన పనుల్లో జీవిత భాగస్వామినుంచి మద్దతు లభిస్తుంది. వ్యాపారంలో లాభాలుంటాయి.
మీన రాశి
మీ సంతోషం, సంతృప్తి..మీ పురోగతికి కారణం అవుతుంది. మీరు ఎలా ఉన్నారో అలాగే ఉండండి..ఇతరుల కోసం మిమ్మల్ని మీరు కోల్పోవద్దు. ఆర్థిక వ్యవహారాలు మీకు అనుకూలంగా పరిష్కారమవుతాయి. ప్రయాణం చేయాల్సిన అవసరం ఉండొచ్చు. వ్యాపార ప్రణాళిక ఫలవంతంగా ఉంటుంది. ఉద్యోగులు తమ బాధ్యతలు నెరవేరుస్తారు. విద్యార్థులకు చదువుపై శ్రద్ద పెరుగుతుంది.
గమనిక: ఒక రాశిలో పేర్కొన్న ఫలితాలన్నీ ఒక్కరికే వర్తిస్తాయని భావించరాదు. మీ వ్యక్తిగత పూర్తి వివరాల కోసం అనుభవజ్ఞులైన జ్యోతిష్య శాస్త్ర పండితులను సంప్రదించగలరు. ఈ ఫలితాలను ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.
