అందరికీ మహేశే కావాలి. కానీ మహేశ్ మాత్రం…

సూపర్ స్టార్ మహేశ్.. ఒక్కసారి కమిట్ అయితే ఎవ్వరి మాట వినడు. తాను అనుకున్నదే చేస్తాడు. డిస్కషన్స్ టైమ్ లో కథ నచ్చితే… ఆ తర్వాత డైరెక్టర్ చెప్పిన పని యాజ్ ఇట్ ఈజ్ గా చేసుకెళ్లిపోతాడు తప్ప ఇదేంటి అని క్వశ్చన్ చేయడు. అందుకే స్టార్ డైరెక్టర్లు అంతా హిట్ అందుకోగానే మహేశ్ డేట్స్ కోసం ట్రై చేస్తుంటారు. రీసెంట్ గా వాల్తేరు వీరయ్యతో హిట్ ఇచ్చిన బాబి.. మహేశ్ బాబుకు స్టోరీ విన్పించాడట. కథ కూడా నచ్చడంతో… గ్రీన్ సిగ్నల్ ఇచ్చాడని, త్వరలో షూటింగ్ ఉంటుందని ఇండస్ట్రీ టాక్. అయితే మహేశ్ మాత్రం ఈ విషయాన్ని ఇంకా అధికారికంగా కన్ ఫర్మ్ చేయలేదు. ఇలాంటి టాక్ లు అయితే చాలా వస్తాయి కానీ మహేశ్ తో సినిమాను పూజ వరకు తీసుకెళ్లడం అంటే డైరెక్టర్లకు పెద్ద టాస్కే.
కథ, కథనం నచ్చితేనే…
మహేశ్ కు కథ చెప్పిన తర్వాత గ్రీన్ సిగ్నల్ అన్న తర్వాత కూడా ఆ సినిమా ఫైనల్ అయినట్లు కాదు. పూజ మొదలయ్యే లోపు చాలా డౌట్స్ అడుగుతాడు. అవన్నీ ఫుల్ గా సాటిస్ఫై అయిన తర్వాత సినిమా సెట్స్ పైకి వెళ్తుంది. అంతెందుకు పుష్ప సినిమా మొదట మహేశ్ బాబే చెయ్యాలి. కథ విన్న తర్వాత నచ్చింది. కొన్ని మార్పులు చెప్పాడు. సుక్కు ఒప్పుకోలేదు. అంతే అనిల్ రావిపూడిని పిలిచి మరీ సినిమా ఇచ్చాడు మహేశ్. ఇక మణిరత్నం కూడా మహేశ్ తో సినిమా చెయ్యాలని చాన్నాళ్ల నుంచి ట్రై చేస్తున్నాడు. కథలు వింటున్నాడు కానీ మహేశ్ మాత్రం సినిమాలు చేయడం లేదు. ఎందుకంటే మహేశ్ ఆయా డైరెక్టర్ల ట్రాక్ రికార్డ్ కూడా చూస్తాడు. అన్ని లెక్కలు వేసుకున్న తర్వాతే అవకాశం ఇస్తాడు. మహేశ్ తో మహర్షి తీసిన వంశీ పైడిపల్లి ప్రస్తుతం మహేశ్ తోనే ట్రావెల్ చేస్తున్నాడు. మరో సినిమాకు అవకాశం ఇమ్మని అడుగుతున్నాడు. కానీ ప్రిన్స్ మాత్రం సినిమా సినిమానే, పేకాట పేకాటే అంటూ చాలా నైస్ గా అవాయిడ్ చేస్తున్నాడు. ఇప్పుడు బాబీ సినిమా కూడా అంతే. మహేశ్ ని ఇంప్రెస్ చేసి ఛాన్స్ కొట్టేయడం అంత ఈజీ కాదు.
నాలుగేళ్ల వరకు మహేశ్ బిజీ
ప్రస్తుతం త్రివిక్రమ్ శ్రీనివాస్ దర్శకత్వంలో సినిమా చేస్తున్నాడు మహేశ్. ఈ సినిమాను సంక్రాంతి రిలీజ్ గా ప్లాన్ చేస్తున్నారు. ఈ మూవీ తర్వాత రాజమౌళి సినిమా ఉండనే ఉంది. ఎలా చూసినా రాజమౌళి-మహేశ్ సినిమా అంటే మూడేళ్లు పడుతుంది. ఆ తర్వాతే మహేశ్ వేరే సినిమాల గురించి ఆలోచిస్తాడు. ఈ లోపుగా కథలు వింటున్నాడు తప్ప… ఎవ్వరికీ కమిట్ మెంట్ ఇవ్వడం లేదు. అయినా కూడా మహేశ్ తో సినిమా చేసేందుకు చాలామంది దర్శకులు వెయిట్ చేస్తున్నారు. మరి రాజమౌళి తర్వాత మహేశ్ తో సినిమా చేయబోయే ఛాన్స్ ఎవరికి వరిస్తుందో.. వెయిట్ అండ్ సీ.