టాలీవుడ్ మోస్ట్ అవైటేడ్ పాన్ ఇండియా ప్రాజెక్ట్ పుష్ప2 కోసం ఈగర్‌గా వెయిట్ చేస్తున్నారు అభిమానులు. అందుకు తగ్గట్టే అంతకు మించి అనేలా భారీ బడ్జెట్‌తో పుష్ప2 తెరకెక్కుతోంది. దీనికి సంబంధించి బయటకు వస్తోన్న అప్ డేట్స్ సినిమాపై అంచనాలను మరింతపెంచేస్తున్నాయి. మ్యూజిక్ డైరెక్టర్ దేవిశ్రీ ప్రసాద్ కామెంట్స్ పుష్ప 2పై మరింత హైప్ క్రియేట్ చేశాయ్..
ఇక ఊచకోతే!
అల్లు అర్జున్ ను నేషనల్ అవార్డు విన్నర్ గా నిలబెట్టిన పుష్ప సినిమాకు సీక్వెల్ గా వస్తోన్న పుష్ప 2 పై హైప్ ఓ రేంజ్ లో ఉంది. లెక్కల మాస్టర్ సుకుమార్ లెక్క ఈసారి కూడా తప్పదని అభిమానులు ఫిక్సైపోయారు. అందుకు తగ్గట్టుగానే సినిమాను ఓ రేంజ్ లో తెరకెక్కిస్తున్నాడు సుకుమార్. ప్రస్తుతం ఈ సినిమా శరవేగంగా షూటింగ్ జరుగుతోంది. ఇప్పటికే బయటకు వచ్చిన అప్ డేట్స్ ఫ్యాన్స్ కి పూనకాలు తెప్పిస్తుంటే… తాజాగా దేవిశ్రీ ఇచ్చిన లీకులు అంతకు మించి అనేలా ఉన్నాయి. పుష్ప 2 ఊచకోత మామూలుగా ఉండదని…ప్రతి సీన్ ఇంటర్వెల్ సీన్ అంత హై ఇస్తుందన్నాడు దేవిశ్రీ ప్రసాద్. ఈ కామెంట్స్ నెట్టింట వైరల్ గా మారాయి. ఈ సినిమాలో బన్నీ యాక్టింగ్ చూడ్డానికి రెండు కళ్లూ చాలవని చెప్పేశాడు. ఈ కామెంట్స్ విన్న అభిమానులు కూడా తగ్గేదేలే అంటూ సోషల్ మీడియాలో కామెంట్స్ తో హోరెత్తిస్తున్నారు.
గంగమ్మ జాతర ఎపిసోడ్ స్పెషల్
శరవేరంగా షూటింగ్ శరవేగంగా జరుగుతోంది. రీసెంట్ గా రామోజీ ఫిలిం సిటీలో జరిగిన తిరుపతి గంగమ్మ జాతర ఎపిసోడ్ లో భాగంగా అల్లు అర్జున్ తో ఫైట్ సీన్, ఒక సాంగ్ షూట్ జరిగినట్లు తెలుస్తోంది. వందలాది జూనియర్ ఆర్టిస్టులు, డ్యాన్సర్లతో జాతరకు సంబంధించిన షూటింగ్ చేశారట. పవర్ ఫుల్ సాంగ్‌తో పాటు బన్నీపై షూట్ చేస్తున్న సీన్స్ పూనకాలు తెప్పించేలా ఉంటుందట. ముఖ్యంగా అమ్మవారి గెటప్‌లో బన్నీ డాన్స్, విలన్ల ఊచకోత నెక్స్ట్ లెవెల్ అంతే అంటున్నారు. గంగమ్మ జాతర సందర్భంగా వేసే గెటప్ మేకప్ కోసం బన్నీ రోజుకి దాదాపు 4 గంటలు టైమ్ కేటాయించాడట. మరి పుష్పతో సంచలనం సృష్టించిన ఈ అల్లు అర్జున్-సుకుమార్ కాంబో..పుష్ప 2తో ఎలాంటి రికార్డులు క్రియేట్ చేస్తుందో వెయిట్ అండ్ సీ..
సమంత కాదు ఊర్వశి
‘పుష్ప 2’ ఐటమ్ సాంగ్ పై ఓ క్రేజీ రూమర్ వినిపిస్తోంది. ఊర్వశి రౌతేలాతో ఐటమ్ సాంగ్ చేయించాలని సుకుమార్ ప్లాన్ చేస్తున్నాడట. సమంత సాంగ్ కంటే కూడా.. ఊర్వశి పై సాంగ్ అదిరిపోతుందని టాక్ . మైత్రీ మూవీ మేకర్స్ ఈ చిత్రాన్ని భారీ ఎత్తున నిర్మించింది. ఈ మూవీ ప్రమోషన్ ని వచ్చే ఏడాది ఏప్రిల్ నుంచి ప్రారంభించి…వరుసగా టీజర్, సాంగ్స్ తో దూసుకెళ్లేందుకు ప్లాన్ చేసుకుంటున్నారు. ఈ సినిమా వచ్చే ఏడాది ఆగష్టు 15న విడుదలకానుంది…
