గద్దలకొండ గణేష్ మూవీలో స్పెషల్ సాంగ్ తో ఫుల్ పాపులార్టీ సంపాదించుకుంది డింపుల్ హయాతి. ఆ తర్వాత ఆఫర్లైతే వచ్చాయి కానీ స్పెషల్ సాంగ్ ఇచ్చినంత క్రేజ్ హీరోయిన్ గా తెచ్చుకోలేకపోయింది. తాజాగా గుంటూరుకారం మూవీలో ఛాన్స్ కొట్టేసిందట డింపుల్. అటు బాలయ్య మూవీలోనూ స్పషల్ సాంగ్ చేయబోతోందని టాక్..
ఒక్క పాటతో అందరి దృష్టిని ఆకర్షించి ఏకంగా స్టార్ హీరో సినిమాలో ఛాన్స్ కొట్టేసిన బ్యూటీ డింపుల్ హయతి. సోషల్ మీడియాలో హైపర్ యాక్టివ్ గా ఉండే డింపుల్ మహేష్ బాబు-త్రివిక్రమ్ మూవీ లో ఛాన్స్ కొట్టేసింది. హీరోయిన్ గా కాదు స్పెషల్ సాంగ్ లో. ఇది నిజంగా డింపుల్ ఫాన్స్ కి పండగ చేసుకునే వార్త అనే చెప్పాలి. ఇప్పటి వరకు సరైన హిట్ అందుకోని ఈ బ్యూటీకి ఇప్పుడు ఏకంగా స్టార్ హీర్ తో చిందులేసే లక్కీ ఛాన్స్ కొట్టేసినట్లు తెలుస్తోంది. గుంటూరుకారం పై ఓ రేంజ్ లో అంచనాలున్నాయి. ఇప్పటి వరకూ మహేష్ మాస్ లుక్ లో ఉన్న పోస్టర్స్ రిలీజ్ చేసిన గురూజీ క్రిస్మస్ కానుకగా క్లాస్ లుక్ లో ఉన్న పోస్టర్ రిలీజ్ చేశాడు. బ్లాక్ షర్ట్లో క్లాస్ లుక్ తో,సింపుల్ స్మైల్ తో చాలా కూల్ గా కనిపించిన పోస్టర్ చూసి ‘ఓ మై బేబీ అంటూ కామెంట్స్ పెడుతున్నారు లేడీ ఫ్యాన్స్. ఈ మూవీలో స్పెషల్ సాంగ్ లో డింపుల్ స్టెప్పులేయనుందని టాక్. వీలైనంత త్వరగా షూటింగ్ పూర్తిచేసి న్యూ ఇయర్ సెలబ్రేషన్స్ కి విదేశాలకు వెళ్లేందుకు ప్లాన్ చేసుకుంటున్నాడు మహేష్. జనవరి 6 నుంచి ప్రమోషన్ స్టార్ట్ చేయనున్నారు. డింపుల్ కెరీర్ కి ఈ ఆఫర్ మంచి బూస్ట్ ఇస్తుందనే చెప్పాలి.
బాలకృష్ణ మూవీలో స్పెషల్ సాంగ్
నందమూరి బాలకృష్ణ – దర్శకుడు బాబీ కాంబినేషన్‌ లో ఓ సినిమా రాబోతున్న మూవీలోనూ స్పెషల్ సాంగ్ లో డింపుల్ ఫైనలైందట. తన గత మూవీ జై ల‌వ‌కుశ‌లో స్వింగ్ జ‌ర సాంగ్ సూపర్ హిట్టైంది. ఆ సెంటిమెంట్ తో బాబీ మళ్లీ తమన్నానే తీసుకోవాలి అనుకున్నాడట. కానీ ఇప్పుడా సాంగ్ డింపుల్ చేయించాలని డిసైడయ్యారు. ఈ మూవీపైనా భారీ అంచనాలున్నాయి. మొత్తానికి స్పెషల్ సాంగ్ తో పాపులార్టీ సంపాదించుకున్న డింపుల్ మళ్లీ అవే సాంగ్స్ తో కెరీర్లో ఓ అడుగు ముందుకేస్తుందేమో చూడాలి.
