భారతదేశం నుంచి విదేశాలకు వెళ్లాలంటే కేవలం విమానం మాత్రమే ఒక ఆప్షన్ అని అందరూ అనుకుంటారు. అయితే మన దేశం నుంచి కొన్ని దేశాలకు వెళ్లేందుకు విమానం ఎక్కాల్సిన అవసరం లేదు. కొన్ని పొరుగు దేశాలకు వెళ్లేందుకు విమానం మార్గం కాకుండా రైలు మార్గం కూడా ఉంది. అలాంటి రైల్వే స్టేషన్లు దేశంలో 7 ఉన్నాయి. ఇక్కడ రైళ్లు నేరుగా విదేశాలకు వెళ్తాయి.
- హల్దీబారి
ఇది పశ్చిమ బెంగాల్‌లోని న్యూ జల్పాయ్ గుడి రైల్వే స్టేషన్ నుంచి ప్రత్యేక స్టేషన్. బంగ్లాదేశ్ కి కేవలం 4.5 కిలోమీటర్ల దూరంలో ఉంది. ఈ స్టేషన్ ట్రాన్సిట్ పాయింట్. ఇక్కడ నుంచి రైల్లో సులభంగా బంగ్లాదేశ్ వెళ్ళవచ్చు. - జై నగర్
ఈ స్టేషన్ బీహార్‌లోని మధుబనిలో ఉంది. ఇక్కడి నుంచి నేపాల్‌కు రైళ్లు వెళ్తాయి. ఇంటర్ ఇండియా-నేపాల్ రైలు నడుస్తుంది. చుట్టుపక్కల ప్రజలు నేపాల్ వెళ్లేందుకు ఈ రైలు సహాయం తీసుకుంటారు.
3.పెట్రాపోల్
పెట్రాపోల్ స్టేషన్ నుంచి బంగ్లాదేశ్‌కు కూడా వెళ్లవచ్చు. ఈ స్టేషన్ ప్రధానంగా రెండు దేశాల మధ్య దిగుమతి ,ఎగుమతి కోసం ఉపయోగిస్తారు.
4.సింగాబాద్
ఈ స్టేషన్ పశ్చిమ బెంగాల్‌లోని మాల్దా జిల్లాలో ఉంది. ఇక్కడి నుంచి బంగ్లాదేశ్‌కు రైళ్లు అందుబాటులో ఉన్నాయి. ఈ రైలు రోహన్‌పూర్ మీదుగా బంగ్లాదేశ్‌కు వెళుతుంది.
5.జోగ్బాని
ఇది బీహార్‌లోని ఒక జిల్లా. ఈ స్టేషన్ నేపాల్‌కి చాలా దగ్గరగా ఉంది, అక్కడికి చేరుకోవడానికి మీరు రైలులో కూడా వెళ్లవలసిన అవసరం లేదు. భారతదేశం నుంచి కాలినడకన నేపాల్ చేరుకోవచ్చు.
6.రాధికాపూర్
ఈ స్టేషన్ సరుకు రవాణా కోసం ఉపయోగిస్తారు. దీనిని జీరో పాయింట్ రైల్వే స్టేషన్ అని కూడా అంటారు. ఈ స్టేషన్ పశ్చిమ బెంగాల్‌లో ఉంది, ఇక్కడ నుంచి బంగ్లాదేశ్‌కు రైళ్లు బయలుదేరుతాయి.
7.అట్టారి స్టేషన్
ఈ స్టేషన్లన్నింటిలో ఇది పంజాబ్‌లోని అత్యంత ప్రసిద్ధ స్టేషన్. ఇది నార్త్ రైల్వే చివరి స్టేషన్. ఇక్కడి నుంచి సంఝౌతా ఎక్స్‌ప్రెస్ పాకిస్థాన్‌కు వెళుతుంది. ఈ రైలు వారానికి 2 రోజులు నడుస్తుంది.
