హిట్టైన సినిమాకు సీక్వెల్ తెరకెక్కుతుందంటే ప్రేక్షకులలో భారీ అంచనాలుంటాయి. అలాంటి అంచనాలతోనే వస్తోన్న చిత్రం ‘చంద్రముఖి-2’. 2005లో వచ్చిన ‘చంద్రముఖి’ బాక్సాఫీస్‌ దగ్గర సంచలన విజయం సాధించింది. ఓ రకంగా చెప్పాలంటే సౌత్ ఆడియన్స్ కు ఓ డిఫరెంట్ హర్రర్ థ్రిల్లింగ్ ఎక్స్‌పీరియెన్స్‌ ను అందించిందనే చెప్పాలి. దాదాపు 17ఏళ్ల తర్వాత ఈ సినిమాకు సీక్వెల్ తెరకెక్కింది. వాస్తవానికి చంద్రముఖి సీక్వెల్ కూడా రజనీకాంత్ తో పట్టాలెక్కించాలని ద‌ర్శ‌కుడు p.వాసు ఎంతో ప్ర‌య‌త్నించాడు కానీ అది కుద‌ర‌లేదు. సీక్వెల్లో రాఘవా లారెన్స్, కంగనా రనౌత్ నటిస్తున్నారు. ఇంకా రాధికా శరత్ కుమార్, లక్ష్మీ మీనన్, వడివేలు కీలక పాత్రల్లో నటిస్తున్నారు. ఈ సినిమా షూటింగ్‌లో లారెన్స్ తనకు బంగారు ఉంగరంతో పాటు ఖరీదైన వాచీ గిఫ్టుగా ఇచ్చినట్లు నటి రాధికా శరత్‌కుమార్‌ సోషల్ మీడియాలో పోస్ట్ చేశారు.
వినాయకచవితికి విడుదల
చంద్రముఖి 2 లో కంగనా రనౌత్ ప్రధాన పాత్రలో నటిస్తోంది. రాధికా శరత్‌కుమర్‌, వడివేలు ముఖ్య పాత్రల్లో కనిపించనున్నారు. ఎమ్.ఎమ్ కీర‌వాణి సంగీతం అందిస్తున్న ఈ సినిమాను లైకా ప్రొడ‌క్ష‌న్స్ బ్యాన‌ర్‌పై సుభాస్క‌ర‌న్‌ నిర్మిస్తున్నాడు. ఇప్పటికే చంద్రమఖి2 నుంచి విడుద‌లైన పోస్టర్లు సినిమాపై విప‌రీత‌మైన క్యూరియాసిటీ పెంచాయి. హార్రర్‌ కామెడీ బ్యాక్ డ్రాప్ లో వస్తోన్న ఈ సినిమా షూటింగ్ ఇప్పటికే పూర్తైంది. వినాయక చవితి కానుకగా విడుదల చేయనున్నట్టు మేకర్స్ వెల్లడించారు. ఈ సినిమాలో రాజనర్తకిగా కంగన రనౌత్ నటిస్తోంది. సాధారణంగా పాత్ర ఏదైనా కంగనా ఒదిగిపోతుంది. మరీ ముఖ్యంగా లేడీ ఓరియెంటెడ్ మూవీస్ ని తన భుజాలపై భారం వేసుకుని నడిపించిన సందర్భాలెన్నో ఉన్నాయి. జ్యోతిక, సౌందర్య, శోభన వీళ్లంతా ఎవరికి వారే చంద్రముఖి పాత్రలో ఒదిగిపోయి నటించారు. ఇక కంగనా సంగతి చెప్పేదేముంది అంతకుమించి అని ఫిక్సైపోయారు అభిమానులు. మరి చంద్రముఖి సీక్వెల్ రిజల్ట్ ఎలా ఉంటుందో వెయిట్ అండ్ సీ…
