యంగ్ టైగర్ ఎన్టీఆర్ హీరోగా కొరటాల శివ కాంబినేషన్లో తెరకెక్కుతోన్న మరో మూవీ ‘దేవర’. ఈ సినిమా షూటింగ్ శరవేరంగా జరుగుతోంది. దీపావళి టైమ్ కి షూటింగ్ ముగించేసి పోస్ట్ ప్రొడక్షన్ పనులు ప్రారంభించాలనే పట్టుదలతో ఉన్నాడట దర్శకుడు కొరటాల శివ. ఇప్పటికే విడుదలైన యంగ్ టైగర్ ఫస్ట్ లుక్ ఊరమాస్ గా ఆకట్టుకుంది. ఇందులో విలన్ గా నటిస్తోన్న సైఫ్ అలీఖాన్ క్యారెక్టర్ గురించి ఇంట్రెస్టింగ్ లీక్ వచ్చింది.
రావణ్ పాత్రకు మించి..
ఫుల్ లెంగ్త్ యాక్షన్ ఎంటర్‌టైనర్‌గా రాబోతున్న’దేవర’పై అంచనాలు భారీగానే ఉన్నాయి. అందుకు ఏమాత్రం తగ్గకుండానే తగిన జాగ్రత్తలు తీసుకుంటున్నాడట కొరటాల శివ. కోస్టల్ బ్యాగ్‌డ్రాప్‌తో తెరకెక్కుతోన్న ‘దేవర’ మూవీకి సంబంధించిన రెగ్యూలర్ షూటింగ్‌ను మార్చిలో ప్రారంభించారు. ఆ వెంటనే దీనికి సంబంధించిన మూడు భారీ యాక్షన్ షెడ్యూళ్లను సక్సెస్‌ఫుల్‌గా పూర్తి చేసుకున్నారు. త్వరలో నాలుగో షెడ్యూల్ మొదలుకానుంది. పాన్ ఇండియా రేంజ్‌లో రూపొందుతోన్న ‘దేవర’ మూవీలో సైఫ్ అలీ ఖాన్ విలన్ గా నటిస్తున్నాడు. లేటెస్ట్ గా బయటకొచ్చిన సమాచారం ప్రకారం ఫస్ట్ హాఫ్ మొత్తం సైఫ్ క్యారెక్టర్ చాలా కూల్ గా, డీసెంట్ గా ఉంటుందని..సెకెండాఫ్ మాత్రం వైల్డ్ యాంగిల్ బయటకు వస్తుందట. సైఫ్ ఒరిజనాలిటీ రివీల్ అయిన సమయంలో ఎన్టీఆర్ రియాక్షన్ సీన్ మైండ్ బ్లోయింగ్ అయ్యేలా డిజైన్ చేశారట. సైఫ్ పాత్ర విలనిజానికి నిలువెత్తు నిదర్శనం అన్నట్లుగా ఉంటుందని కూడా టాక్. ఆదిపురుష్ సినిమా లో రావణ్ పాత్రలో చాలా వైల్డ్ గా కనిపించిన సైఫ్ అంతకుమించి దేవరలో విశ్వరూపం చూపించబోతున్నాట.
2024 సమ్మర్లో విడుదల
ఆర్ఆర్ఆర్ సినిమా తర్వాత జాతీయ.. అంతర్జాతీయ స్థాయిలో ఎన్టీఆర్ క్రేజ్ భారీగా పెరిగింది. అందుకే ఈ సినిమా పై పాన్ ఇండియా రేంజ్ లో అంచనాలు ఆకాశాన్ని తాకేలా ఉన్నాయి. పైగా ‘జనతా గ్యారేజ్’ లాంటి సక్సెస్ తర్వాత జూనియర్ ఎన్టీఆర్ – కొరటాల శివ కాంబోలో రాబోతున్న ఈ మూవీని నందమూరి తారక రామారావు ఆర్ట్స్, యువసుధ ఆర్ట్స్ బ్యానర్లు సంయుక్తంగా నిర్మిస్తున్నాయి. అతిలోక సుందరి శ్రీదేవి కూతురు జాన్వీ కపూర్ హీరోయిన్ గా నటిస్తోంది. యంగ్ సెన్సేషన్ అనిరుథ్ సంగీత దర్శకుడు. ఈ మూవీని 2024 ఏప్రిల్ 5వ తేదీన రిలీజ్ చేస్తారని ఎప్పుడో ప్రకటించారు.
