చియాన్ విక్రమ్ పా రంజిత్ కాంబినేషన్లో భారీ అంచనాల మధ్య వస్తోన్న మూవీ తంగలాన్. విక్రం మరోసారి విలక్షణమైన పాత్రలో నటించిన ఈ సినిమా పూర్తై చాలా రోజులవుతున్నా విడుదలకు మోక్షం కలగట్లేదు. ఇప్పటికే రిలీజైన పోస్టర్ల్, టీజర్ భారీ అంచనాలు క్రియేట్ చేయడంతో చియాన్ ఫ్యాన్స్ ఈ మూవీకోసం ఎదురుచూస్తున్నారు. తాజాగా ఈ మూవీ రిలీజ్ కి సంబంధించి అప్ డేట్ ఇచ్చాడు డైరెక్టర్ పా రంజిత్…
ఎన్నికలయ్యాకే ‘తంగలాన్’ రిలీజ్
వాస్తవానికి తంగలాన్ సినిమాను లాస్ట్ ఇయర్ డిసెంబర్ లోనే రిలీజ్ చేయాల్సి ఉన్నా కొన్ని కారణాల వల్ల ఫిబ్రవరికి వాయిదా వేశారు. ఆ తర్వాత ఏప్రిల్లో రిలీజ్ అవుతందని మళ్లీ డేట్ మార్చారు. ఇక రీసెంట్ గా జరిగిన ఇంటర్యూలో పా రంజిత్ తంగలాన్ సినిమా రిలీజ్ పై మరో మాట చెప్పాడు. తంగలాన్ సినిమా త్వరలోనే ప్రేక్షకుల ముందుకు వస్తుంది…రిలీజ్ కు సిద్ధంగా ఉంది. సెన్సార్ సర్టిఫికెట్ కు అప్లై చేస్తున్నాం. ఎన్నికలు పూర్తయ్యాక సినిమా రిలీజ్ చేస్తామని క్లారిటీ ఇచ్చాడు రంజిత్.
కోలార్ గోల్డ్ ఫీల్డ్ బ్యాక్ డ్రాప్
పా రంజిత్ ఈ సినిమాను కర్ణాటకలో కోలార్ గోల్డ్ ఫీల్డ్స్ కార్మికుల జీవితాల బ్యాక్ డ్రాప్ లో తెరకెక్కించారు. అక్కడి వాళ్లు కేజీఎఫ్ మైన్స్ ను బ్రిటీష్ వాళ్ల నుంచి ఎలా కాపాడుకున్నారన్నదే స్టోరీ. 19వ శతాబ్దంలో జరిగిన ఘటనలను ఈ తంగలాన్ లో చూపించనున్నారు మేకర్స్. ఈ మూవీలో విక్రమ్ లుక్ కూడా ప్రేక్షకులను విపరీతంగా ఆకట్టుకుంది. శివ పుత్రుడు మూవీలానే విక్రమ్ తంగలాన్ లో డిఫరెంట్ లుక్ లో కనిపిస్తున్నాడు. మలయాళ బ్యూటీ మాళవిక మోహనన్ హీరోయిన్ గా నటించగా పార్వతి తిరువోతు కూడా ఇంపార్టెంట్ రోల్ లో నటించింది.
ఫ్యాన్స్ వెయిటింగ్
సినిమా రిలీజ్ డేట్స్ తరచూ మార్చడం వల్ల చియాన్ ఫ్యాన్స్ హర్ట్ అవుతున్నారు. ఓ సినిమా రెండు మూడుసార్లు రిలీజ్ వాయిదా పడటం వల్ల నెగిటివ్ ఇంపాక్ట్ ఏర్పడుతుందంటున్నారు. పైగా కోలీవుడ్ స్టార్ హీరోలంతా సూపర్ ఫాం కొనసాగిస్తుంటే విక్రమ్ ఒక్కడే వెనకపడ్డాడు. మళ్లీ చియాన్ తిరిగి ఫాం లోకి రావాలంటే తంగలాన్ త్వరగా రిలీజ్ కావాలి హిట్టవ్వాలని ఫ్యాన్స్ ఆశగా ఎదురుచూస్తున్నారు . అయితే దర్శకుడు పా రంజిత్ మాత్రం ఎప్పుడొచ్చినా సరే తంగలాన్ ఆడియన్స్ ని మెప్పిస్తుందని నమ్మకంగా చెబుతున్నాడు. మరి తంగలాన్ ఎప్పుడు రిలీజ్ అవుతుందో..ఏమేరకు మెప్పిస్తుందో వెయిట్ అండ్ సీ..
