మెగా పవర్‌స్టార్ రామ్ చరణ్ ప్రస్తుతం శంకర్ దర్శకత్వంలో నటిస్తున్నాడు. ఆ సినిమా షూటింగ్ దశలో ఉంది. అయితే తాజాగా దీపిక పదుకొనెతో జోడీ కడుతున్నట్టు ఓ వీడియో వైరల్ అవుతోంది. ఆ అప్ డేట్స్ ఏంటో చూద్దాం.
దీపిక భర్త రణవీర్ సింగ్ తన ఇన్ స్టా అకౌంట్లో ఓ వీడియో షేర్ చేశాడు. ‘షో మీ ద సీక్రెట్’ పేరుతో షేర్ చేసిన ఆవీడియోలో… తప్పిపోయిన భర్త ఆచూకీ తెలుసుకోవడానికి దీపికా పదుకొనె పోలీసులను ఆశ్రయిస్తుంది. ఈ కేసు మిస్టరీని చేధించే ఆఫీసర్‌గా రణవీర్ సింగ్ కనిపించాడు. రామ్ చరణ్ సీక్రెట్ ఏజెంట్ గా చెన్నై చంద్రం త్రిష ఓ ఇంట్రెస్టింగ్ రోల్ లో కనిపిస్తోంది. ఇంతకీ ఇది సినిమా ప్రోమోనా అని నెటిజన్లలో చర్చ మొదలైంది. అయితే ఇది సినిమా కాదు ప్రముఖ మీడియా బ్రాండ్ కోసం చేసిన అడ్వర్‌టైజ్మెంట్‌కు సంబంధించిన ప్రోమో అని టాక్. అయితే ఈ వీడియో చివర్లో ‘‘కొన్ని రహస్యాలు ఎప్పటికీ రహస్యాలుగానే మిగిలిపోతాయి. కొన్ని ప్రశ్నలకు సమాధానాలు వెతక్కపోవడం మంచిది. అలాగే కొన్ని రహస్యాలను పరిష్కరించకపోవడం ఉత్తమం’’ అని ఉంది. ఇంతకీ దీపికా భర్తకు ఏమైంది? ఈ కేసు బాధ్యతలు చెర్రీ ఎందుకు తీసుకున్నాడు? ఇంతకీ త్రిష రోల్ ఏంటన్నది క్లారిటీ రావాలి. ఇదంతా ఓ ప్రకటన కోసమే అని కొందరు..ప్రకటన కాకపోతే బావుండును అని మరికొందరు కామెంట్స్ చేస్తున్నారు. ఇంతకీ అదేంటో ఫుల్ క్లారిటీ రావాలంటే మరో రెండు రోజులు అంటే జూలై 5 వరకూ ఆగాల్సిందే అని పోస్ట్ చేశాడు రణ్ వీర్ సింగ్.
ఈ జోడీ కోసం ఎదురుచూస్తున్న ఫ్యాన్స్
ఇది ఓ ప్రకటన కోసమే అయినప్పటికీ ఈ జోడీని స్క్రీన్ పై చూడాలని చెర్రీ అభిమానులు ఎప్పటి నుంచో ఎదురుచూస్తున్నారు. గతంలో జంజీర్ మూవీలో ప్రియాంక చోప్రాతో కలసి నటించినా ఆ మూవీ నిరాశపర్చింది. ఇప్పుడు దీపికతో యాడ్ లో మెరిశాడు. అయితే ఈ కాంబినేషన్లో సినిమా వస్తే బావుండును అన్నది చెర్రీ అభిమానుల ఆకాంక్ష.
కూతురి సందడిలో చెర్రీ
ప్రస్తుతం రామ్ చరణ్ తన కూతురి సందడిలో ఉన్నాడు. పెళ్లైన పదేళ్ల తర్వాత ఇంట్లో సందడి పెంచిన మహాలక్ష్మి క్లీంకార ని చూసి మురిసిపోతున్నాడు. అందుకే ఆ మధ్య షూటింగ్స్ కి కూడా బ్రేక్ ఇచ్చాడు. త్వరలోనే శంకర్ ‘గేమ్ ఛేంజర్’ టీమ్‌‌తో కలిసిందేకు సిద్ధమవుతున్నాడు. దీని తర్వాత ‘ఉప్పెన’ ఫేమ్ బుచ్చి బాబుతో ప్రాజెక్ట్ పట్టాలెక్కనుంది.
ప్రభాత్ తో దీపిక బిజీ
దీపిక పదుకొనె ఈ ఏడాది ప్రారంభంలోనే ‘పఠాన్’ మూవీతో బ్లాక్ బస్టర్ హిట్ అందుకుంది. షారుఖ్ ఖాన్‌తో కలిసిన నటించిన ఈ చిత్రం రూ. 1000 కోట్లకు పైగా కలెక్ట్ చేసి బాక్సాఫీస్ వద్ద రికార్డ్ సృష్టించింది. ప్రస్తుతం తను హృతిక్ రోషన్‌తో కలిసి ‘ఫైటర్’ చిత్రంలో నటిస్తోంది. అలాగే పాన్ ఇండియా స్టార్ ప్రభాస్‌ హీరోగా తెరకెక్కుతున్న ‘ప్రాజెక్ట్ కె’ చిత్రంలో ఫిమేల్ లీడ్‌గా నటిస్తోంది. ఈ హడావుడి మధ్యలో చరణ్-దీపిక-త్రిష-రణవీర్ కలిసున్న ‘షో మీ ద సీక్రెట్’ వీడియో ప్రస్తుతం ఆన్‌లైన్‌లో వైరల్‌గా మారింది.
