పుష్పరాజ్ తో బ్లాక్ బస్టర్ డైరెక్టర్ అట్లీ మూవీ ఫిక్సైనట్టేనా!

కోలీవుడ్ స్టార్ డైరెక్టర్ అట్లీ(Atlee) జవాన్(Jawan) మూవీతో బాక్సాపీస్ దగ్గర సూపర్ హిట్ అందుకున్నాడు. దాదాపు రూ. 300 కోట్ల బడ్జెట్‌తో తెరకెక్కిన ఈ సినిమా రిలీజ్కు ముందే సరికొత్త రికార్డు సృష్టించింది. హిందీ, తమిళం, తెలుగులో విడుదలైన ఈ మూవీ వరల్డ్ వైడ్ గా పాజిటివ్‌ టాక్‌ తెచ్చుకుంది. షారుక్ తొలిసారిగా సౌత్ డైరెక్టర్ తో కలసి నటించిన మూవీ ఇది. హీరో ఎవరైనా అట్లీకి తిరుగులేదని ఫిక్సైపోయారు ఫ్యాన్స్. దీంతో ఈ సక్సెస్ ఫుల్ డైరెక్టర్ తర్వాత సినిమా ఏంటనేది హాట్ టాపిక్ గా మారింది…దీనిపై ఇంట్రెస్టింగ్ అప్ డేట్ ఇదే…

సోషల్ మీడియాలో ట్రెండింగ్ లో అట్లీ
వరుసగా ఐదు బ్లాక్ బస్టర్ హిట్స్ తో శంకర్ శిష్యుడు అట్లీ మాంచి జోరు మీదున్నాడు. రాజారాణి మూవీతో దర్శకుడిగా కెరియర్ స్టార్ట్ చేసిన అట్లీ తెలుగు, తమిళంలో మంచి హిట్ అందుకున్నాడు. ఆ తర్వాత ‘తెరి’, ‘మెర్సల్’, ‘బిగిల్’ సినిమాలు దళపతి విజయ్ తో చేసి కమర్షియల్ హిట్స్ కొట్టాడు. ఇప్పుడు ‘జవాన్’ మూవీతో బాలీవుడ్ దృష్టిని తన వైపుకి తిప్పుకున్నాడు. దీంతో నెక్స్ట్ అట్లీ సినిమా ఏ హీరోతో ఉంటుందో అనే ఆసక్తి అందర్లో నెలకొంది. ఇలాంటి సయమంలో వచ్చిన ఇంట్రెస్టింగ్ అప్ డేట్ ఏంటంటే అట్లీ తర్వాత సినిమా అల్లు అర్జున్ తో ఉంటుందనే టాక్..

బన్నీ-అట్లీ కాంబో
సోషియో ఫాంటసీ బ్యాక్ డ్రాప్ లో రియల్ ఇన్సిడెంట్స్ బేస్ చేసుకుని స్టోరీ రెడీ చేసినట్టు సమాచారం. అట్లీ నుంచి వచ్చిన ఐదు సినిమాలు బ్లాక్ బస్టర్ హిట్ కొట్టడంతో..అల్లు అర్జున్ మూవీపై అప్పుడే అంచనాలున్నాయి. ఆఫీషియల్ గా అనౌన్స్ రాకపోయినప్పటీ వీరిద్దరి కాంబో కన్ఫర్మ్ అయినట్టే అని ఫిక్సైపోయారంతా. ప్రస్తుతం అల్లు అర్జున్ ‘పుష్ప 2’పూర్తైన తర్వాత త్రివిక్రమ్ శ్రీనివాస్ దర్శకత్వంలో మూవీ చేయడానికి గ్రీన్ సిగ్నల్ ఇచ్చాడు. ఆ తర్వాత సందీప్ రెడ్డి వంగా దర్శకత్వంలో సినిమా చేయనున్నాడు. అయితే పుష్ప 2 తర్వాత ఈ త్రివిక్రమ్, సందీప్ రెడ్డి కన్నా ముందు అట్లీతో మూవీ చేస్తాడా లేదంటే అట్లీకి ముందుగా డేట్స్ కేటాయిస్తాడా అనేది తెలియాల్సి ఉంది.

బన్నీ తర్వాత ఎన్టీఆర్‌తో
అల్లు అర్జున్ తో సినిమా తర్వాత అట్లీ.. జూనియర్ ఎన్టీఆర్ తో మూవీ ప్లాన్ చేసుకున్నాడట. పైగా ఇప్పటివరకూ వచ్చిన అట్లీ సినిమాలన్నీ హిట్టవడంతో పాటూ రీసెంట్ గా వచ్చిన జవాన్ కూడా సక్సెస్ అవడంతో అట్లీపై..అల్లు అర్జున్, ఎన్టీఆర్ ఇద్దరూ పాజిటివ్ గానే ఉన్నారు. మొత్తానికి షారుక్ తో బీటౌన్లో అడుగుపెట్టిన ఈ తమిళ దర్శకుడు..త్వరలో తెలుగులో స్టైట్ మూవీ చేయనున్నాడన్నమాట.