నందమూరి నటసింహం బాలకృష్ణ ప్రస్తుతం ఫుల్ స్వింగ్ లో ఉన్నాడు. అఖండ, వీరసింహారెడ్డి తర్వాత భగవంత్ కేసరితో హ్యాట్రిక్ హిట్టందుకున్నారు. దీంతో బాలయ్య తర్వాత ప్రాజెక్టులపై సినీ ప్రియులకు ఆశక్తి పెరిగింది. దీనికి సంబంధించి ఓ ఇంట్రెస్టింగ్ న్యూస చక్కర్లు కొడుతోంది.
టాలీవుడ్ సీనియర్ హీరోల్లో ఇప్పుడు సక్సెస్ ని ఎంజాయ్ చేస్తున్న వారిలో ఫస్ట్ ప్లేస్ బాలయ్యదే. ‘అఖండ మూవీతో మొదలైన బాలయ్య విజయ యాత్ర వీర సింహా రెడ్డి, భగవంత్ కేసరి వరకు కొనసాగింది. ఇదే జోరులో వరుస ప్రాజెక్టులు అనౌన్స్ చేస్తున్నాడు నటసింహం. ఇప్పటికే ‘వాల్తేరు వీరయ్య’ డైరెక్టర్ బాబీ తో ఓ ప్రాజెక్ట్ కి కమిటయ్యాడు. బోయపాటి శీనుతో ప్రాజెక్ట్ కి ఓకే చెప్పాడు. అది అఖండ సినిమాకు సీక్వెలా లేదంటే మరో కొత్త కథా అన్నది క్లారిటీ రావాల్సి ఉంది. అంతకు మించి అనిపించేలా సుకుమార్ తో ఓ సినిమాకు కమిటయ్యాడని టాక్. సుకుమార్ అన్ స్టాపబుల్ షోకి వచ్చేముందే బాలకృష్ణని కలసి ఓ స్టోరీ వినిపించాడట. ఆ స్టోరీ లైన్ బాగా నచ్చడంతో నందమూరి నటసింహం వెంటనే గ్రీన్ సిగ్నల్ ఇచ్చేశాడని టాక్. పుష్పలో అల్లు అర్జున్ నటవిశ్వరూపం చూపించినట్టే ఈ మూవీలో సరికొత్త బాలయ్యని ప్రజెంట్ చేయబోతున్నాడట సుకుమార్.
సెట్స్ పైకి వచ్చే ఏడాది
ప్రస్తుతం పుష్ప సీక్వెల్ షూటింగ్ లో బిజీగా గడుపుతున్న సుకుమార్ ఈ మూవీ పూర్తైన తర్వాత మెగా పవర్ స్టార్ రామ్ చరణ్ తో ఒక సినిమా తెరకెక్కించనున్నాడు. రంగస్థలం తర్వాత చెర్రీతో సుకుమార్ సెకెండ్ ప్రాజెక్ట్ ఇది. ఈ మూవీ కంప్లీట్ అయిన తర్వాత బాలకృష్ణతో మూవీ పట్టాలెక్కనుందని టాక్. ఈ లోగా బాలకృష్ణ కూడా బాబీతో మూవీ కంప్లీట్ చేయనున్నాడు.
జై బాలయ్య అంటున్న సుకుమార్!
పుష్ప సినిమాతో జాతీయ అవార్డ్ సొంతం చేసుకుని దేశవ్యాప్తంగా సినీ ప్రియులను తనవైపు తిప్పుకున్న సుకుమార్ తో కలసి పనిచేసేందుకు యంగ్ హీరోలంతా లైన్లో ఉన్నారు. ఇలాంటి టైమ్ లో సుకుమార్ డేట్స్ అడిగితే నో చెప్పే హీరో ఉండడు. పైగా ఇప్పటివరకూ సుకుమార్ యంగ్ హీరోలతోనే వర్క్ చేశాడు. బాలయ్యతో ప్రాజెక్ట్ ఫైనల్ అయితే …సుకుమార్ సీనియర్ హీరోతో వర్క్ చేయడేం ఇదే మొదలు. మొత్తానికి బాలయ్య – సుకుమార్ కాంబో అంటే బొమ్మ బ్లాక్ బస్టరే అని ఫిక్సైపోయారు నందమూరి ఫ్యాన్స్.
