రిషబ్ శెట్టి హీరోగా నటించి దర్శకత్వం వహించిన కాంతారా కన్నడలో విడుదలై సెన్సేషనల్ హిట్ అందుకుంది. కేజీఎఫ్ తర్వాత అందరికీ దృష్టి మళ్ళీ కన్నడ ఇండస్ట్రీ వైపు చూసేలా చేసింది ‘కాంతార’. ఇప్పుడు దీనికి సీక్వెల్ తెరకెక్కుతోంది. రీసెంట్ గా రిలీజ్ అయిన కాంతార చాప్టర్ వన్ ఫస్ట్ లుక్ టీజర్ సినిమాపై అంచనాలను మరింత పెంచేసింది. ప్రస్తుతం ఈ మూవీకి సంబంధించిన వర్క్ జరుగుతోంది. ఇప్పుడు ఈ మూవీలో మరికొన్ని క్యారెక్టర్స్ కోసం ఆడిషన్స్ ఓపెన్ చేశారు నిర్వాహకులు. ఇది చూసిన బోల్డ్ బ్యూటీ ఈ మూవీలో ఛాన్స్ కావాలని అడుగుతోంది..
నన్ను ట్రై చేయండి అంటోన్న పాయల్
సోషల్ మీడియా వేదికగా ఆడిషన్స్ కి సంబంధించిన వివరాలు వెల్లడించారు. 30 నుంచి 60 సంవత్సరాల వరకు మగవారు, 18 నుంచి 60 సంవత్సరాల వరకు ఆడవాళ్లు ఈ ఆడిషన్స్ కి రావచ్చు. Kantara. film అనే సైట్ లో తమ ప్రొఫైల్స్ ని అప్లోడ్ చేయాల్సి ఉంటుందని మేకర్స్ తెలిపారు. దీంతో ఈ ఆడిషన్ కాల్ చూసిన RX100 బ్యూటీ పాయల్ రాజ్ పుత్ ఆడిషన్ కోసం ఓపెన్ గా నన్ను ట్రై చేయండి అంటూ ట్వీట్ చేసింది.
” ఈ అవుట్ స్టాండింగ్ ఫిలింలో భాగమయేందుకు నేను ఎంతో ఆసక్తిగా ఉన్నాను. ప్లీజ్ ఈ ఆడిషన్ కోసం నన్ను కూడా కన్సిడర్ చేయండి. నా తరఫున మీకు ఈ మెసేజ్ పంపుతున్నాను” అంటూ కాంతారా 2 ఆడిషన్స్ కి రిప్లై ఇచ్చింది. ఆ తర్వాత..” కాంతారా చాప్టర్ వన్ కోసం ఆడిషన్స్ జరుగుతున్నాయని తెలుసుకున్నాను. ఈ ప్రాజెక్టులో నటించేందుకు నేను ఎంతో ఆసక్తిగా ఉన్నాను. నేను యాక్ట్ చేసిన రీసెంట్ మూవీ మంగళవారం లో నా నటనకు ప్రశంసలు దక్కాయి. మీరు కూడా ఈ సినిమా చూసేందుకు కొంత సమయం కేటాయించగలిగితే నేను అభినందిస్తాను. దయచేసి ఈ ప్రాజెక్టు కోసం ఆడిషన్ ప్రక్రియ గురించి సలహా ఇవ్వండి అని పోస్ట్ పెట్టింది.
మంగళవారం చూస్తే రిషబ్ ఛాన్స్ ఇస్తాడేమో!
ఇటీవలే మంగళవారం సినిమాలో తన యాక్టింగ్‌తో సూపర్ మార్కులు కొట్టేసింది పాయల్ రాజ్‌పుత్ . చాలా కాలం తర్వాత మంచి బ్రేక్ అందుకున్న పాయల్ తనకు కాంతార ప్రీక్వెల్‌లో నటించాలని ఉందంటూ మనసులో మాట అందరితో పంచుకుంది. కాంతారలో సప్తమి గౌడ ఫీ మేల్ లీడ్‌ రోల్‌లో నటించగా.. కిశోర్‌, అచ్యుత్‌ కుమార్‌, నవీన్‌ డీ పడ్లి, ప్రమోద్‌ శెట్టి కీలక పాత్రలు పోషించారు. మరి మంగళవారంలో పాయల్ రాజ్ పుత్ నటన రిషబ్ శెట్టి చూస్తే… కాంతార చాప్టర్ 1 లో ఛాన్స్ ఇస్తాడేమో… వెయిట్ అండ్ సీ…
