టాలీవుడ్ సినిమాల్లో ఎక్కువగా వినిపించే సంగీత దర్శకుల పేర్లంటే దేవిశ్రీ ప్రసాద్ – థమన్. ఒకప్పుడు దేవిశ్రీ ప్రసాద్ టాప్ లో ఉంటే థమన్ ఆ తర్వాత ప్లేసులో ఉండేవాడు. ఇప్పుడంతా టాలీవుడ్ లో థమన్ హవానే కొనసాగుతోంది. అయితే త్వరలో వీళ్లిద్దర్నీ వెనక్కు నెట్టేసే జోరులో దూసుకొస్తున్నాడు మరో మ్యూజిక్ డైరెక్టర్.
అనిరుధ్ రవిచంద్రన్.. సౌత్ లో ఇప్పుడు ట్రెండింగ్ లో ఉన్న యంగ్ మ్యూజిక్ డైరెక్టర్. నాలుగైదేళ్లక్రితం దేవిశ్రీ ప్రసాద్ హవా నడిచింది. దేవీ స్వరాలందించిన సినిమాలన్నీ మ్యూజికల్ హిట్స్ గా నిలిచాయి. స్టార్ హీరోల సినిమాలకు, పెద్ద పెద్ద ప్రాజెక్టులకు ఫస్ట్ ఛాయిస్ దేవిశ్రీనే. అప్పట్లో థమన్ ట్యూన్స్ అన్నీ ఒకేలా ఉంటాయనే కామెంట్స్ హోరెత్తేవి. కానీ ఎవ్వరూ ఊహించని విధంగా ఒక్కసారిగా బిజీ అయ్యాడు థమన్. అప్పటి వరకూ టాప్ లో ఉన్న దేవిశ్రీని వెనక్కు నెట్టి స్టార్ హీరోల సినిమాల ఛాన్సులు దక్కించుకున్నాడు. సాంగ్స్ కూడా అంతే పాపులర్ అయ్యాయి. ఇప్పటికీ ఇద్దరి మధ్యా మ్యూజిక్ వార్ సాగుతోంది. ఇలాంటి టైమ్ లో అంతకుమించి అనేలా దూసుకొస్తున్నాడు తమిళ సంగీత దర్శకుడు అనిరుద్ రవిచంద్రన్.
రెండు భారీ సినిమాలు సంగీత దర్శకత్వం
ఇంత కాలం కోలీవుడ్ కే పరిమితమైన అనిరుధ్ తెలుగు సినిమాలకు పాన్ ఇండియా రేంజ్ లో వస్తోన్న క్రేజ్ చూసి ఇటువైపు అడుగేస్తున్నాడు. తన మార్క్ వేయాలనే గట్టి పట్టుదలతో ఉన్న అనిరుధ్ తెలుగులో బిజీ అయ్యేందుకు ప్లాన్ చేసుకున్నాడు. అందుకే తాను కమిటయ్యే ప్రతి ప్రాజెక్ట్ ప్రతిష్టాత్మకంగా ఉండేలా చూసుకుంటున్నాడు. ప్రస్తుతం యంగ్ టైగర్ ఎన్టీఆర్ నటిస్తోన్న ‘దేవర’..’విజయ్ దేవరకొండ- గౌతమ్ తిన్ననూరి’ సినిమాలకు పనిచేస్తున్నాడు.
DSP-థమన్ తో పోటీపడగలడా?
అయితే అనిరుద్ ..థమన్ -డీఎస్పీలతో పోటీ పడగలడా అన్నదే ఇక్కడ డిస్కషన్. ఎందుంటే మాస్ ఆడియన్స్ కి కనెక్ట్ అయ్యేలా బీట్స్ అందించాలి. కోలీవుడ్ స్టైల్ టాలీవుడ్ లో అస్సలు వర్కౌట్ అవదు. డీఎస్పీ-థమన్ ట్యూన్స్ అంటే మాస్ కి పూనకాలు తెప్పించేలా ఉండాలి. అనిరుధ్ కి సాధ్యమా అనే చర్చ జరుగుతోంది. ఇప్పటికే పవన్ కళ్యాణ్ అజ్ఞాతవాసికి సంగీతం అందించాడు. ఆ పాటలు అందరికీ రీచ్ కాలేదు. పవన్ కళ్యాణ్ లాంటి స్టార్ హీరో మూవీతో టాలీవుడ్ కి వచ్చాడంటే కెరీర్ ఓ రేంజ్ లో ఉండాలి కానీ అది పెద్దగా వర్కౌట్ కాలేదు. పేలని పటాసులా మిగిలిపోయాడు అనిరుధ్. కానీ అప్పడోలెక్క ఇప్పుడో లెక్క అన్నంత జోరుగా దూసుకొస్తున్నాడు అనిరుధ్. యంగ్ టైగర్ దేవర సినిమా హిట్టైందంటే మాత్రం టాలీవుడ్ లో అనిరుధ్ హవా మొ దలైనట్టే. మరి అందరూ అంచనాలేస్తున్నట్టు తమన్-డీఎస్పీని…అనిరుధ్ బీట్ చేస్తాడా లేదో వెయిట్ అండ్ సీ…
