జూన్ 14 శ్రీలీల పుట్టినరోజు కావడంతో ఆహా టీమ్ ఓ కొత్త పోస్టర్ రిలీజ్ చేశారు. అందులో శ్రీలీల మాత్రమే ఉంటే ఏదో విశెష్ చెప్పారులే అనుకోవచ్చు కానీ స్టైలిష్ స్టార్ అల్లు అర్జున్..శ్రీలీలను ఎత్తుకున్న ఫొటో అది. ఈ పోస్టర్ సోషల్ మీడియాలో వైరల్ అవుతోంది
ఆహా ఓటీటీ(Aha OTT) ఎప్పటికప్పుడు కొత్త సినిమాలు, సిరీస్ లు, షోలతో ప్రేక్షకులని ఎంటర్టైన్ చేస్తూనే ఉంది. తాజాగా అల్లు అర్జున్(Allu Arjun) తో ఆహా కొత్తగా ఏదో ప్లాన్ చేయబోతుంది. ఇటీవల త్రివిక్రమ్(Trivikram) డైరెక్షన్ లో అల్లు అర్జున్ అంటూ షూటింగ్ స్పాట్ లో వారిద్దరూ ఉన్న ఓ ఫోటోని విడుదల చేసింది ఆహా టీం. సరికొత్త మూవీ పండగ రాబోతుందని పోస్ట్ చేసింది. ఇప్పటికే త్రివిక్రమ్ దర్శకత్వంలో అల్లు అర్జున్, శ్రీలీల(Sreeleela)తో ఓ షూట్ ని చేశారు. అదే ఈ ప్రాజెక్టు అని టాక్. ఇంతకీ అది యాడ్ షూటా లేదా ఆహా కోసం ఇంకేదైనా ప్లాన్ చేస్తున్నారా అన్నది ఇంకా క్లారిటీ రాలేదు.
శ్రీలీల బర్త్ డే సందర్భంగా
జూన్ 14 శ్రీలీల పుట్టిన రోజు కావడంతో ఈ ప్రాజెక్టు నుంచి సరికొత్త పోస్టర్ ని రిలీజ్ చేశారు ఆహా టీం. ఈ ఫొటోలో అల్లు అర్జున్ శ్రీలీలను ఎత్తుకుని స్టైల్ గా ఫోజిచ్చాడు. ఈ ఫోటో ఇప్పుడు సోషల్ మీడియాలో వైరల్ అవుతోంది. ఈ ఫోటోని షేర్ చేసిన ఆహా టీమ్.. వీళ్ళిద్దరూ కలిసి స్టెప్పేస్తే ఎలా ఉంటుందో ఊహించుకోండి. ఆహా నుంచి రాబోతున్న అతిపెద్ద ప్రాజెక్టు కోసం వెయిట్ చేయండి అని ట్వీట్ చేశారు. దీంతో ఈ ప్రాజెక్ట్ పై మరింత క్యూరియాసిటీ పెరిగింది. అసలు వీళ్ళిద్దర్నీ పెట్టి సినిమా చేస్తున్నారా? షో చేస్తున్నారా? లేదా ఇంకేదైనా ప్లాన్ చేస్తున్నారా అన్నది ప్రస్తుతానికి సస్పెన్స్. అయితే బన్నీ-శ్రీలీల ఇద్దరూ సూపర్ డాన్సర్లు కాబట్టి వీరిద్దరి కాంబోలో డ్యాన్స్ అంటే ఓ రేంజ్ లో ఉంటుంది అందుకే ఏదైనా భారీ డాన్స్ షో ప్లాన్ చేస్తున్నారేమో అనే డిస్కషన్స్ కూడా జరుగుతున్నాయి.
‘హ్యాపీ బర్త్ డే’ శ్రీలీల
‘పెళ్లి సందడి’ సినిమాతో తెలుగులో ఎంట్రీ ఇచ్చిన శ్రీలీల ఈ సినిమాలో తన అందం నటనతో అందర్నీ ఆకట్టుకుంది. రీసెంట్ గా ధమాకా సూపర్ సక్సెస్ కావడంతో అగ్రహీరోలతో వరుస ఛాన్సులు అందుకుంటోంది. మహేశ్ బాబు-త్రివిక్రమ్ కాంబినేషన్లో వస్తోన్న’గుంటూరు కారం’, బాలయ్య-అనిల్ రావిపూడి భగవంత్ కేసరి సహా మరో అరడజనుకి పైగా ప్రాజెక్టుల్లో బిజీగా ఉంది శ్రీలీల. ఈ టైమ్ లో బన్నీతో కలసి ఆహా ఓటీటీ ప్లాట్ ఫామ్ లో డాన్స్ షో అన్నదే నిజమైతే శ్రీలీల మరింత బిజీ. ఏదేమైనా బర్త్ డే బేబీకి ఆహా టీమ్ అండ్ బన్నీ మంచి గిఫ్ట్ ఇచ్చినట్టే. హ్యాపీ బర్త్ డే శ్రీలీల.
