అల్లరి నరేష్ లేటెస్ట్ మూవీ ‘ఉగ్రం’. విజయ్ కనకమేడల దర్శకత్వం వహించిన ఈ మూవీ ట్రైలర్ విడుదలైంది. మే 5న సినిమా థియేట్లలో సందడి చేయనుంది..తాజాగా విడుదలైన ట్రైలర్ పై ప్రశంసలు కురిపిస్తున్నారు సినీ ప్రియులు.
కామెడీ సినిమాలకు కేరాఫ్ గా కనిపించే అల్లరి నరేష్ ‘మహర్షి’, ‘నాంది’ సినిమాలతో ట్రాక్ మార్చాడు. విజయ్ కనకమేడల దర్శకత్వంలో తెరకెక్కిన ‘నాంది’ సూపర్ హిట్టైంది..ఇప్పుడు అదే కాంబినేషన్లో తెరకెక్కింది ‘ఉగ్రం’. ఇప్పటికే ఈ సినిమాకు సంబంధించిన ఫస్ట్ లుక్ పోస్టర్, టీజర్ విడుదలై ప్రేక్షకుల్లో అంచనాలను భారీగా పెంచేశాయి. తాజాగా విడుదలైన ట్రైలర్ చూస్తే మాటల్లేవంతే.
ట్రైలర్ మొత్తం యాక్షన్ మయం
ఉగ్రం’ ట్రైలర్ మొత్తం యాక్షన్ సన్నివేశాలతో నిండిపోయింది. సిటీలో వరుస మిస్సింగ్ కేసులు నమోదు కావడం, వీటి వెనుక కొంత మంది పలుకుబడి ఉన్న వ్యక్తులు ఉండటం, వారిని ఎదుర్కొనేందుకు నిజాయితీ గల ఓ పోలీస్ ఆఫీసర్ చేసే పోరాటమే ఉగ్రం సినిమా స్టోరీ. ఈ పోరాటంలో పోలీసోడు అడుగడుగునా ఎదుర్కొన్న ఇబ్బందులేంటి..చివరకు నేరస్తులను ఎలా పట్టుకోగలిగాడన్నదే కథ.
మరో హిట్ పక్కా!
అల్లరి నరేష్ ఇంతకుముందెన్నడూ కనిపించనంత ఫెరోషియస్‌గా కనిపించాడు. ముఖ్యంగా ట్రైలర్‌లో కనిపించి రెండో లుక్‌లో (పోలీస్ లుక్ కాకుండా మరో లుక్) ఇంటెన్స్‌గా కనిపించాడు. ట్రైలర్ మొత్తం గమనిస్తే..విజయ్ కనకమేడల నరేష్ పాత్రను ఆద్యంతం ఆసక్తికరంగా మలిచాడని అర్థమవుతోంది. ట్రైలర్ చూస్తుంటే అల్లరి నరేష్- విజయ్ కనకమేడల కాంబినేషన్ నాందిని మించన హిట్ కొడుతుందని ఫిక్సైపోయారు. ఈ సినిమాలో అల్లరి నరేష్ సరసన మిర్నా హీరోయిన్‌గా నటించింది. విజయ్ కనకమేడల స్క్రీన్‌ప్లే సహా దర్శకత్వ బాధ్యతలను నిర్వర్తించగా…షైన్ స్క్రీన్స్ పతాకంపై సాహు గారపాటి, హరీష్ పెద్ది ఈ సినిమాకు నిర్మాతలుగా వ్యవహరించారు. శ్రీ చరణ్ పాకాల సంగీత దర్శకుడు. మే 5న ప్రేక్షకుల ముందుకు రానుంది ‘ఉగ్రం’.
