కోలీవుడ్ హీరోస్ విజయ్, విక్రమ్, స్టార్ డైరెక్టర్ శంకర్, మ్యూజిక్ డైరెక్టర్ రెహమాన్..వీళ్ల లిస్ట్ చెబుతుంటే ఈ కాంబినేషన్లో మూవీ వస్తుందేమో అనుకుంటున్నారా..అస్సలు కాదు..అంతకుమించి అనిపించేలా వీళ్ల వారసులంతా కలసి ఓ సినిమాతో వచ్చేందుకు సిద్ధమయ్యారు.
కోలీవుడ్ స్టార్ హీరో దళపతి విజయ్(Thalapathy Vijay) ఫ్యాన్ ఫాలోయింగ్ గురించి ప్రత్యేకంగా చెప్పుకోవాల్సిన అవసరం లేదు. కోలీవుడ్ తో పాటూ టాలీవుడ్ లోనూ మంచి ఫాలోయింగ్ ఉంది. లేటెస్ట్ ఇంట్రెస్టింగ్ న్యూస్ ఏంటంటే విజయ్ కుమారుడు జాసన్ సంజయ్ ఇండస్ట్రీలోకి అడుగుపెడుతున్నాడు. స్టార్ హీరో కొడుకు కదా హీరోగా వస్తున్నాడేమో అనుకున్నారంతా..కానీ.. డైరెక్టర్ గా ఇండస్ట్రీలో అడుగుపెడుతున్నాడు సంజయ్. డెబ్యూ డెబ్యూ డైరెక్టర్ గా ఓ మంచి కథను ఎంపిక చేసుకున్నట్టు టాక్. లైకా ప్రొడక్షన్స్ నిర్మించనున్న ఈ మూవీ అగ్రిమెంట్స్ పై సంజయ్ జాసన్ ఆగష్టు 28న సైన్ చేశాడు.
మొత్తం వారసులే!
స్టార్ హీరో కొడుకు డైరెక్టర్ గా ఎంట్రీ ఇస్తున్న ఈ మూవీలో హీరో-హీరోయిన్లతో పాటూ మిగిలిన టీమ్ కూడా ఇంట్రెస్టింగ్. చియాన్ విక్రమ్ కుమారుడు ధృవ్ ఇందులో హీరో, స్టార్ డైరెక్టర్ శంకర్ కుమార్తె అదితి హీరోయిన్ గా నటిస్తున్నారు. అంతకు మించి ఆసక్తికరంగా అనిపించిన విషయం ఏంటంటే రెహమాన్ తనయుడు అమీన్ ఈ మూవీకి సంగీత దర్శకుడు. చూస్తుంటే మిగిలిన టీమ్ మొత్తాన్ని కూడా వారసులనే ఎంపిక చేసేట్టున్నాడు సంజయ్. ఇప్పటికే ధృవ్ రెండు సినిమాల్లో హీరోగా నటించి సత్తా చాటుకున్నాడు. అదితి కూడా ఇప్పటికే కోలీవుడ్ ప్రేక్షకులకు పరిచయమైంది. రెహమాన్ తనయుడు అమీన్ కూడా ప్రస్తుతం ప్రైవేట్‌ ఆల్బంలకు సంగీతాన్ని అందిస్తున్నాడు. తండ్రిని మించిన తనయుడు అనిపించుకునేందుకు తనవంతు ప్రయత్నాలు చేస్తున్నాడు.
జాసన్ సంజయ్ టొరంటో ఫిల్మ్ స్కూల్ (2018-2020)లో ఫిల్మ్ ప్రొడక్షన్ డిప్లొమా కంప్లీట్ చేసి ఆ తర్వాత కెనడాలో స్క్రీన్ రైటింగ్‌లో ఫిల్మ్ మేకింగ్ కోర్సును నేర్చుకున్నాడట. మొత్తానికి ఈ మూవీలో టీమ్ మొత్తం వారసులే కనిపిస్తుండడంతో ఈ ప్రాజెక్ట్ పై ఆసక్తి పెరిగింది. మరి షూటింగ్ ఎప్పుడు ప్రారంభమవుతుందో, స్టోరీ బ్యాక్ డ్రాప్ ఏంటో అప్ డేట్స్ వెల్లడికావాలి.
