ఇండస్ట్రీలో ఎక్కువగా సంక్రాంతి, సమ్మర్, దసరా హడావుడి నడుస్తుంటుంది. అయితే ఈ సారి ఆ లిస్టులో చేరింది ఆగష్టు 15. ఈ డేట్ కోసం ఇండస్ట్రీలో పెద్ద హీరోలంతా పోటీ పడుతున్నారు…
పుష్ప ది రూల్ – అల్లు అర్జున్
ఆగష్టు 15 డేట్ దర్శక, నిర్మాతలకి ప్రామిసింగ్ డేట్ గా ఉంది. ఈ డేట్ కి ఐకాన్ స్టార్ అల్లు అర్జున్ పుష్ప ది రూల్ మూవీ థియేటర్స్ లోకి రాబోతోంది. పాన్ ఇండియా రేంజ్ లో రిలీజ్ కాబోయే ఈ సినిమాపై అంచనాలు మామూలుగా లేవు. సుకుమార్ టీమ్ కూడా పెర్ఫెక్ట్ ప్లానింగ్ తో ఈ సినిమా తెరకెక్కిస్తున్నారు. ఎట్టిపరిస్థుతుల్లోనూ ఆగష్టు 15కి రిలీజ్ చేసేతీరాలని ఫిక్సయ్యారు. పోస్ట్ ప్రొడక్షన్ పనులు ఆలస్యం అయితే తప్ప రిలీజ్ డేట్ మరే అవకాశం లేదు.
భైరాతి రంగల్ – శివరాజ్ కుమార్
కన్నడ ఇండస్ట్రీ నుంచి శివరాజ్ కుమార్ హీరోగా తెరకెక్కుతోన్న భైరాతి రంగల్ ఆగష్టు 15న రిలీజ్ కాబోతోంది. మఫ్టీ ప్రీక్వెల్ గా ఈ సినిమా నార్తన్ దర్శకత్వంలో సిద్ధం అవుతోంది. దీంతో ఈ మూవీపైన కూడా కన్నడనాట భారీ అంచనాలు ఉన్నాయి.
Goat – విజయ్
ఇళయదళపతి విజయ్ హీరోగా వెంకట్ ప్రభు దర్శకత్వంలో తెరకెక్కుతోన్న పాన్ ఇండియా మూవీ GOAT కూడా ఆగష్టు 15న విడుదల కానుంది. ఈ సినిమాలో విజయ్ డ్యూయల్ రోల్ లో కనిపించబోతున్నాడు. మీనాక్షి చౌదరి హీరోయిన్ గా నటిస్తోంది. టైం ట్రావెల్ కాన్సెప్ట్ తో ఈ చిత్రం తెరకెక్కుతోంది.
సింగం రిటర్న్స్ – అజయ్ దేవగన్
హిందీలో అజయ్ దేవగన్ హీరోగా తెరకెక్కుతోన్న సింగం రిటర్న్స్ మూవీ కూడా ఆగష్టు 15న రిలీజ్ కాబోతోంది.
సౌత్, నార్త్ లో అన్ని భాషల్లోనూ బడా ప్రాజెక్టులు ఆగష్టు 15 డేట్ ని లాక్ చేసుకున్నాయి. ఇందులో పుష్ప ది రూల్ సినిమాకి మెజారిటీ థియేటర్స్ లభించే అవకాశం ఉంది. ఆ తర్వాత టాక్ ను బట్టి థియేటర్ల సంఖ్య కూడా పెరిగే ఛాన్స్ ఉంది. మరి వీటిలో ఏ మూవీ ఎలాంటి రిజల్ట్ అందుకుంటుందో వెయిట్ అండ్ సీ..
