అక్కినేని హీరోలకు టైమ్ బాలేదా…వరుస ఫ్లాపులు ఎందుకొస్తున్నాయి..కథ కథనం ఎంపికలో లోపమా-టైమ్ బాగాలేకపోవడమా.. కారణాలేమైనా ఏజెంట్ ఫ్లాప్ కి తోడు కష్టడీ కూడా ఆశించిన స్థాయిలో మెప్పించకపోవడంతో సోషల్ మీడియాలో ఇదో టాపిక్ అయిపోయింది…
టాలీవుడ్ ప్రస్తుతం పాన్ ఇండియా వైడ్ హిట్స్ తో దూసుకుపోతోంది. ఈ సినిమా చూసినా పాన్ ఇండియా అంటూ హడావుడి జరుగుతోంది. కానీ అక్కినేని ఫ్యామిలీకి టైమ్ అస్సలు బావున్నట్టు లేదు. ఇప్పటికే సుమంత్, సుశాంత్ క్యారెక్టర్ ఆర్టిస్టులుగా మారిపోయారు. ఇప్పుడు వరుస ఫ్లాపులతో అఖిల్, నాగచైతన్య కూడా ఫ్యూచర్ కూడా ఇదేనా అనే చర్చ జరుగుతోంది. నాగార్జున కి ‘ఘోస్ట్’ సినిమాతో డిజాస్టర్ ఎదురైతే ఆ వెంటనే నాగచైతన్య నటించిన ‘థాంక్యూ’ ఫ్లాప్ అయింది. రీసెంట్ గా ఎన్నో అంచనాల మధ్య విడుదలైన అఖిల్ ‘ఏజెంట్’ తొలి ఆటకే ఫ్లాప్ టాక్ వచ్చేసింది. తాజాగా నాగచైతన్య ‘కష్టడీ’ పరిస్థితి కూడా ఇంతే. అందుకే అక్కినేని హీరోల సినిమాలు, కెరీర్ పై సినీ ప్రియులు చర్చించుకుంటన్నారు.
ఏజెంట్-కష్టడీ రెండూ అంతే
ఏజెంట్ సినిమాకోసం అఖిల్ సిక్స్ ప్యాక్ కోసం రెండేళ్లు కష్టపడ్డాడు. ఇప్పటి వరకూ సరైన హిట్టు తన అకౌంట్లో లేదు..’ఏజెంట్’ తో ఆ లోటు తీరిపోతుందని ఆశపడ్డాడు కానీ ఆ ఆశ నెరవేరలేదు. విజయ్ దేవరకొండ లైగర్ తర్వాత అంతటి డిజాస్టర్ టాక్ సొంతం చేసుకుంది ‘ఏజెంట్’. ఈ సినిమాపై ట్రోల్స్ ఇంకా తగ్గనేలేదు ఈ లిస్టులోకి ‘కష్టడీ’ వచ్చి చేరింది. నాగచైతన్య-వెంకట్ ప్రభు కాంబినేషన్లో వచ్చిన ‘కస్టడీ’ సినిమాలో కథ, కథనం ఏ మాత్రం కొత్తగా లేదు, అరవిందస్వామి ఎంట్రీ, ఇంటర్వెల్ సీన్ మాత్రమే బావుంది..అంతకు మించి సినిమాలో ఏమీ లేదని పెదవివిరిచారు సినీ ప్రియులు. నాగ చైతన్య – కృతి శెట్టి నటించిన ‘కస్టడీ’ మూవీ రూ. 24.05 కోట్లు మేర థియేట్రికల్ బిజినెస్ జరుపుకుంది. రూ. 25 కోట్లు వసూలు చేస్తేనే హిట్ స్టేటస్ దక్కించుకుంటుంది..ఇక మొదటి రోజు వసూళ్లు 3 కోట్లు కూడా దాటలేదు.
సుమంత్ -సుశాంత్ బాటలో చైతూ-అఖిల్!
నాగార్జున, చైతన్య, అఖిల్ వరుస ఫ్లాపులు చూసి అక్కినేని అభిమానుల్లో టెన్షన్ పెరుగుతోంది. కథ-కథనంలో లోపాలవల్లే ఇదంతా జరుగుతోందా లేదంటే టైమ్ కలసిరావడం లేదా అనే చర్చ జరుగుతోంది. ఇప్పటికే అక్కినేని ఫ్యామిలీకే చెందిన సుశాంత్, సుమంత్ లు హీరో పాత్రలు మానేసి క్యారెక్టర్ ఆర్టిస్టుగా సినిమాలు చేస్తున్నారు. ‘సీతారామం’ లో సుమంత్ కీలక పాత్రలో నటించి మెప్పించాడు. ఆ తర్వాత వరుసగా సుమంత్ కి అవకాశాలు వస్తూనే ఉన్నాయి. ఇక సుశాంత్ కూడా అల్లు అర్జున్ ‘అలవైకుంఠపురం’, రీసెంట్ గా రవితేజ రీసెంట్ ‘రావణాసుర’ వరకూ వరుసగా క్యారెక్టర్ ఆర్టిస్టుగా సినిమాలు చేస్తూ మెప్పిస్తున్నాడు. రవితేజ కొత్త ప్రాజెక్ట్ ‘ఈగల్’లోనూ సుమంత్ కీలకపాత్రలో నటిస్తున్నాడు. ఇప్పుడు చైతూ, అఖిల్ వరుస ఫ్లాపులు చూస్తుంటే వీళ్లిద్దరూ కూడా సుశాంత్, సుమంత్ లా మారిపోతారేమో అంటున్నారు. మరి తమ తర్వాతి ప్రాజెక్టులతో ఈ కామెంట్లకు చెక్ పెడతారో, మరింత ఆజ్యం పోస్తారో వెయిట్ అండ్ సీ…
