గజనీ మహమ్మద్ దండయాత్రలా ఉంది అఖిల్ అక్కినేని సినీ కెరీర్. వరుస సినిమాల్లో నటిస్తున్నా ఒక్కటి కూడా ఆశించిన స్థాయిలో సక్సెస్ ఇవ్వడం లేదు.అయినా పట్టువదలకుండా ప్రయత్నిస్తూనే ఉన్నాడు. తాజాగా మరో భారీ మూవీకి గ్రీన్ సిగ్నల్ ఇచ్చాడని టాక్
ఊహతెలియని వయసులో సిసింద్రీగా సినీ ప్రియులను మెప్పించిన అఖిల్ హీరోగా మాత్రం ఇప్పటికీ సరైన హిట్టందుకోలేకపోయాడు. అంతో ఇంతో అఖిల్ కెరీర్లో చెప్పుకోదగిన సినిమా అంటే మోస్ట్ ఎలిజిబుల్ బ్యాచలర్ మాత్రమే. గతంలో నటించిన సినిమాలు హిట్ టాక్ రాకపోయినా మరీ అంత డిజాస్టర్ అనిపించుకోలేదు కానీ రీసెంట్ గా రిలీజైన ‘ఏజెంట్’ సినిమా మాత్రం అరాచకం అని నెటిజన్లు ఆడేసుకున్నారు. పాన్ ఇండియా రేంజ్ లో భారీ బడ్జెట్ తో తెరకెక్కించిన డిజాస్టర్ అయిన ఈ సినిమా నిర్మాతలకి దారుణమైన నష్టాలను మిగిల్చింది. తాజాగా యూవీ క్రియేషన్స్ అఖిల్ తో ఓ భారీ ప్రాజెక్ట్ చేయడానికి సిద్ధం అవుతోంది. ‘రాధేశ్యామ్’ , ‘సాహో’ సినిమాలకి పని చేసిన అనిల్ కుమార్ ఈ మూవితో దర్శకుడిగా పరిచయం అవుతున్నాడు. ఈ సినిమాకు సంబంధించిన స్క్రిప్ట్ వర్క్ ప్రస్తుతం జరుగుతోంది.
వెంటాడుతున్న’ఏజెంట్’ భయం
భారీ భారీ అనుకుంటూ రంగంలోకి దిగితే మొదటికే మోసం వస్తోందని అఖిల్ ఆలోచిస్తున్నాడు. పైగా ‘ఏజెంట్’ లాంటి భారీ డిజాస్టర్ తర్వాత మళ్లీ భారీ బడ్జెట్ తో పాన్ ఇండియా ప్రాజెక్ట్ అంటే రిస్క్ అని అన్నాడట. కాన యూవీ క్రియేషన్స్ మాత్రం ఎంత బడ్జెట్ అయినా పర్వాలేదు ఈ సారి హిట్టు కొడతాం అని భరోసా ఇవ్వడంతో అఖిల్ ఓకే చెప్పాడని టాక్. ఫాంటసీ అండ్ అడ్వంచర్ థ్రిల్లర్ జోనర్ లో తెరకెక్కే మూవీ కావడంతో డబ్బులు బాగానే ఖర్చవుతాయి మరి. త్వరలోనే ఈ మూవీపై అఫీషియల్ కన్ఫర్మేషన్ రానుందని టాక్.
అఖిల్ తో జాన్వి
త్వరలో అధికారిక ప్రకటన రానున్న ఈ మూవీలో అఖిల్ సరసన జాన్వికపూర్ నటిస్తోందని తెలుస్తోంది. ఇప్పటికే జాన్వి కపూర్ యంగ్ టైగర్ ఎన్టీఆర్ మూవీలో నటిస్తోంది. ఆ సినిమా షూటింగ్ పూర్తైన వెంటనే అఖిల్ తో జాయిన్ కానుందట. జాన్విని తీసుకుంటే సినిమాకు ప్లస్ అవుతుందని కూడా మేకర్స్ భావిస్తున్నారట. కనీసం ఈ సినిమాతో అయినా అఖిల్ హిట్ అందుకుంటాడా అని ఆశగా ఎదురుచూస్తున్నారు అక్కినేని అభిమానులు. ఏం జరుగుతుందో చూడాలి.
